Isaiah 9:12 - Tedim Bible Revision 2017

¹² Ama mai-a om Syria mite le a nung a om Filistia mite in kam ka-in Israel ne tum uh hi. Hih thute khempeuh hangin ama hehna dam zo nai lo a, ama khut kizanlai hi.

Tedim Bible

¹² A mai-a om Siria mite leh a nunga om Filistia mite in kamka-in Israel netum uh hi. Hih thute khempeuh hangin ama hehna dam zo nai lo a, ama khut kilamto lai hi.

Isaiah 9:12 Referans Kwoze

Isaiah 5:25

Tua ahih ciangin Topa’ hehna ama mite tungah hong khangin, a khut zanin amaute vat gawp a, mualte a kiliing hi. Amauteʼ luanghawmte kongzing lampite ah nin bangin a om hi. Hih bang teng hangin zong a hehna dam zo nai loin ama khut kizanlai hi.

2 KHANG TANGTHU NIHNATE 28:18

Tua ciangin Filistia mite in Shefelah le Judah-teʼ Negeb gam sung khuapite luh uh a, Beth-shemesh, Aijalon, Gederoth, Soko a khuaneute tawh, Timnah a khuaneute tawh le Gimzo a khuaneute tawh la uh a, amaute tua munah teeng uh hi.

Late 79:7

Bang hang hiam cih leh amaute in ka mite uh that mang khin uh a, ka gam sung khempeuh uh susia gawp khin uh hi.

2 KUMPI NIHNATE 16:6

Tua hun laitakin Edom kumpipa in Edom gam dingin Elath lakikin Elath panin Judah gam mite hawl khia hi. Tua ciangin tu ni dongin amaute a teenna ahi Elath ah Edom mite hong pai uh hi.

Jeremiah 10:25

Nangmah a hong thei lo gamte tung le nangma min a hong lo ngei lo mite tungah na hehna sung suk in. Bang hang hiam cih leh amaute in Jakobʼ suanlekhakte that mang khinin amauʼ teenna a susia khin uh hi.

Isaiah 10:4

Thongkiateʼ lakah tonbucipin om ding le a kithat mite lakah sih ding bek a om hi. Hih thute khempeuh hangin ama hehna dam zo nai lo a, ama khut kizanlai hi.

Isaiah 9:21

Manasseh in Efraim, Efraim in Manasseh ne-in, tua tegel in Judah langpang khawm uh hi. Hih thute khempeuh hangin ama hehna dam zo nai lo a, ama khut kizanlai hi.

Isaiah 9:17

Tua ahih ciangin amauʼ tangvalte tungah Topa lungdam lo a, pa nei lote le a meigong numeite uh tungah hehpihna nei lo hi. Bang hang hiam cih leh mi khempeuh pen Pasianʼ thu a khual om loin siatna a bawl vive hi a, kam khempeuh in haina thu a gen uh hi. Hih thute khempeuh hangin ama hehna dam zo nai lo a, ama khut kizanlai hi.

Jeremiah 35:11

Ahih hangin Babylon kumpipa Nebukhadnezzar in hih gam hong sim ciangin kote in, ‘Hong pai un. Khaldea galkapte le Syria galkapte kihta ihih manin Jerusalem khua ah pai ni,’ ka kici uh a, tua mah bangin tu-in Jerusalem khua ah ka teng uh hi,” a hong ci uh hi.

Jeremiah 4:8

Tua ahih manin puanhampi silhin tau-in kap un. Bang hang hiam cih leh Topaʼ hehna lauhuaipi eiteʼ kiang panin kihei khia nai lo hi.

Thu-hilhkikna 31:17

Tua hun ciangin amaute tungah ka sin so-in, amaute nusia-in ka mai ka seel dinga, amaute bei mang ding uh hi. Tua ni ciangin amaute in, ‘Eiteʼ lakah i Pasian a om loh manin hih siatnate i tungah hong tung hi lo ahi hiam?’ a cih theih nadingun amaute tungah siatna le gimna tampi tung ding hi.

Isaiah 11:14

Ahih hangin amaute in nitumna lam a om Filistia mite simkhawm ding uh a, nisuahna lam a om mite luh khawm ding uh hi. Amaute in Edom mite le Moab mite zo gawp ding uh a, Ammon mite in amauʼ thu mang ding uh hi.

Ezekiel 6:14

Keimah in ka khut zanin a gam khempeuh uh ka susia ding hi. Leitaw lam sehnel gam pan a kipanin leilu lam Riblah khuapi dongin, Israel miteʼ omna mun khempeuh, siit nei loin ka vatmai ding hi. Tua ciangin Topa ka hih lamtak mi khempeuh in hong thei ding uh hi,” a hong ci hi.

Ezekiel 16:27

“Tu-in nangmah gim a pia ding le na nopsakna teng a la khia dingin ka khut ka liik khin hi. Nang hong mudahin, na gamtat hoih lohna hangin nang a hong hua Filistia miteʼ khut sungah nang kong pia zo hi.

Isaiah 31:1

Egypt gamah huhna ngen dingin pai suk a, sakol suanin nei-in leengte a tam manin muang a, sakol tung tuangte a hat mahmah manin muang napi-in Israel-teʼ Siangtho Pa a suang lo, Topa thu a dong lote in gimna ngah tahen!

Jeremiah 15:7

Na gam sung khua kongpite ah huihpiʼ mut bangin note kong mut mang ding hi. Na tate uh ka beisak dinga, ka mite ka susia ding hi. Bang hang hiam cih leh na gitlohna uh le na om dan hoih lo panun na kiheikik kei uh hi.

Hosea 7:10

Israel miteʼ kiphatsakna in amauʼ lang khat ah teci pang hi. Ahi zongin hih thu khempeuh ah zong, amauʼ Topa Pasian ahi keiʼ lamah hong kihei tuan lo uh a, kei hong zong lo uh hi.

Amos 4:6

Na khuapi khempeuh uh ah kial tungsakin, annek ding nei loin note a hong koihpa pen keimah hi napi-in, keima lamah nong kihei tuan kei uh hi, Topa in ci hi.

Amos 4:8

Dangtak manin thaneemin khuapi nih khuapi thum mite tui zong dingin a khua veengte kiangah pai uh a, ahi zongin tui dawn tawm ding nangawn a kicing om lo hi. Tua hi napi-in kei kiangah nong kihei tuan kei uh hi, Topa in ci hi.

Amos 4:9

Na ankungte uh lung nesakin ka vulsak a, na ankungte uh cinasakin a kang dikdekin ka bawl hi. Na huante uh le na leenggui lote uh a hawmguakin ka koih hi. Na theikungte uh le na oliv kungte uh kauphe in gai khin hi. Tua bang hi napi-in kei lamah nong kihei kei uh hi, Topa in ci hi.

Amos 4:10

Egypt gamah ka hong tunsak bangin note lakah gimna kong tungsak hi. Gal sungah na tangval teng uh ka sisak a, na sakolte uh kong paih khiatsak hi. Na giahphual sungte uh a uih mahmahna tawh na nakngek uh kong zensak hi. Tua bang hi napi-in kei lamah nong kihei kei uh hi, Topa in ci hi.

Amos 4:11

Sodom le Gomorrah khuapite ka suksiat bangin note pawl khat kong susia hi. Meikhuk panin a kiteen khia singkhuah khat tawh na kibang uh hi. Tua bang hi napi-in kei lamah nong kihei kei uh hi, Topa in ci hi.

Zefaniah 1:6

Lam pialin, kei hong zui nawn lote, thu dong dingin kei kiangah hong pai nawn lote, ka susia ding hi,” a ci hi.

Zefaniah 3:2

Topaʼ thu ngai nuam lo a, a thuhilhna sang nuam lo hi. Topa muang nuam lo a, a Pasian naih nuam lo hi.