Isaiah 8:7 - Tedim Bible Revision 2017

⁷ Tua ahih ciangin Topa in Assiria kumpipa le ama galkap honpite, a tam mahmah a piau dimletin a khang Gunpi tui bangin amaute a sim dingin hong luangsak ding hi.

Tedim Bible

⁷ en in, Topa in Assiria kumpipa leh ama minthan’na khempeuh ahi, hat a, a tam mahmah Gun tuite, amaute’ lang khatah piangsak ding hi; tui in a batna ngei teng tum-in, a piau khempeuh dimlet hi;

Isaiah 8:7 Referans Kwoze

Amos 9:5

Vanglian Topa Pasian in leitung a lawn ciangin tui suak a, leitung a om mi khempeuh a kap uh hi. Nail Gunpi bangin leitung buppi khang to-in kiam suk ding hi.

Amos 8:8

Tua ahih manin zin hong liing dinga, leitung a om mi khempeuh a kap ding uh hi. Nail Gunpi bangin leitung khempeuh khang to-in kiam suk ding hi.

Isaiah 7:20

“Tua ni ciangin Topa in Gun gal khat panin a kikawm temta ahi Assiria kumpipa tawh sam le khemul mettol dinga, khamul zong met khia ding hi.

Isaiah 7:17

Efraim mite pen Judah miteʼ kiang panin a paikhiat hun a kipan nidangin a piang ngei lo thu, Assiria kumpipa pen nang le na mite le na pateʼ inn ah Topa in hong tungsak ding hi.

Piancilna 6:17

Bang hang hiam cih leh, en in, leitungah a om nuntak husanna a nei khempeuh a susia dingin leitungah tuiciin ka tungsak ding hi. Leitung a a om khempeuh si ding hi.

Mangmuhna 17:15

Tua ciangin vantungmi in hong gen thuah lai a, “A paktat numei a tutna gun tuite pen minam tuamtuam, pau nam tuamtuam a zang mihonpite ahi hi.

Nahum 1:8

Tuikhang in a suksiat bangin a langte susia gawp a, a galte khempeuh khuamial sungah a nawt khia hi.

Daniel 11:22

Ama thu a nial galkap honpite le Pasianʼ siampi liante khempeuh a mangthangsak ding hi.

Daniel 11:10

“Syria kumpipaʼ tate, galsim dingin kithawi-in galkap ding mi tampi a kaikhawm ding uh hi. Tua galkap maangte khat thahat diakin tuikhang bang dinga, galteʼ kulhpi a luh zo ding hi.

Daniel 9:26

Tua hun a bei khit ciangin sathau kinilh pa thuman lopi-in a kithat ding hi. Galsim dingin a hong pai galkap maang lianpa in khuapi le biakinnpi a susia ding hi. A beina pen tuiciin tun bang hi dinga, a tawp dongin galdona le kisiatna vive ahi dingin Pasian in thu a khen zo hi.

Isaiah 59:19

Tua ahih ciangin nisuahna le nitumna kikalah a om mi khempeuh in amah zahtakin, a vangliatna kihta ding uh hi. Bang hang hiam cih leh huihpi nung bang, tuipi khang bangin amah hong pai ding hi.

Isaiah 28:17

Keimah in thutang pen khaukhai bangin ka bawl dinga, thuman pen khaukhai sikbawk bangin ka bawl ding hi. Gial in na zuau buk uh deng khia dinga, tui in na bukna mun uh susia ding hi,” ci hi.

Late 72:8

Ama ukna, tuipi khat pan tuipi khat, Gunpi panin leimong dongin om tawntung tahen.

Luka 6:48

suang tungah inn lamin, a khuam kua ding suang sung thukpi tak to-in a phut pa tawh kibang hi. Tui a khan ciangin tui in tua inn a nawk hangin limtakin kilam ahih manin susia zo lo hi.

Ezra 4:10

le a lian a minthang Ashurbanipal in hong pua khia-in Samaria khuapi ah a hong tensak mite le Eufratis Gun lang khat a kizawhna gam sunga a om mite tung panin lai puak, a ci uh hi.

2 KUMPI NIHNATE 19:32

“Tua ahih ciangin Topa in Assiria kumpipa tawh kisai-in hih bangin gen hi: ‘Hih khuapi sungah amah hong pai lo dinga, thaltang khat zong lawn lo ding hi. Khuapi mai ah lum tawh zong hong pai loin, khuapi simna-in phung zong ciang lo ding hi.

Isaiah 10:5

Assiria-te pen ka hehna mite gimpiak nadingin molhtum le ciangkhutin ka zat ahi hi.

Isaiah 10:16

Tua ahih ciangin Topa, Vanglian Topa in ama mi thaute lakah natna lianpi tungsak dinga, tua natna pen amaute sungah mei bangin kuang niloh ding hi.

Isaiah 11:15

Topa in ama huih sa nungsakin Nail gunpi le Eufratis gunpi tuite kangsak dinga, mi khempeuh in nuam takin a kantan zawh ding lui neu sagih bek sitlai ding hi.

Isaiah 28:2

En un, a vang a lian, a hat mahmah mi khat Topa in nei hi. A susia huihpi gialpi, tuikhang le a thahat huihpi bangin amah in leilak den gawp nading hi.

Isaiah 43:2

Tuite na kantan ciangin nang kong ompih dinga, gunte na kantan ciangin tui in hong tuum lo ding hi. Mei kantanin na pai ciangin na kaang kei dinga, meikuangte in nang hong kaang tum lo ding hi.

Jeremiah 47:2

Topa in a hong genin ah, “En un, leilu lam panin tui hong khang dinga, hong let khia-in hong luang ding hi. Gam sung le gam sunga om khempeuh hong tum dinga, khuapi le a sunga teeng khempeuh hong tum ding hi. Mite kiko ding uh a, gam sunga om mi khempeuh a kap ding uh hi.

Jeremiah 51:42

Babylon gamah tuipi hong kah to a, tuihual lauhuaite in a tum ta hi.

Ezekiel 26:19

“Bang hang hiam cih leh Topa Pasian ahi keimah in hih bangin ka ci hi. Kuamah a ten lohna a kisia khuapi bangin a gamkhing khuapi-in kong bawl ding hi. Tuipi tuite kong tumsak ding hi.

Micah 1:9

Bang hang hiam cih leh Samariaʼ meima kidamsak thei lo hi; Judah in zong tua bangmah a thuak ding ahi ta hi. Ka miteʼ teenna Jerusalem khua mahmah, tua siatna in hong ban ta hi.

Micah 5:5

Amah in lungnopna hong omsak ding hi. Assiria mite in i gam hong simin i galdalna teng hong suk ciangin, amaute a do dingin i makai hat pen teng i sawl ding hi.

Late 46:4

Sangpen paʼ teenna khua siangtho, Pasianʼ khuapi, a lungdamsak gun khat a om hi.

Isaiah 28:15

“Eite in sihna tawh thuciamna khat i bawl khin a, Leinuai tawh thukimna khat i nei zo hi. A tuumcip ding tuiciin hong tun ciangin eite hong ban lo ding hi; bang hang hiam cih leh zuau thu i bel a, zuauna ah i bu hi,” na ci uh hi.

Micah 5:4

Amah in Topaʼ thahatna tawh a mite uk dinga, Topa ama Pasianʼ vangliatna tawh a uk ding hi. Leitung mi khempeuh in ama liatna phawk ding uh ahih manin ama mite lungmuang takin om thei ding uh hi.