Isaiah 8:6 - Tedim Bible Revision 2017

⁶ “Hih mite in dam takin a luang didi Shiloah tuite nial uh a, Rezin le Remaliahʼ tapaʼ mai ah launa tawh liingliang uh hi.

Tedim Bible

⁶ “Hih mite in, dam tak-a a luang didi Shiloah tuite nial uh a, Rezin leh Remaliah’ tapa’ mai-ah launa tawh liing liang uh ahih ciangin;

Isaiah 8:6 Referans Kwoze

Johan 9:7

“Siloam Bual ah na mai va phiat in,” ci-in a sawl hi. (Siloam a cih ciangin, Sawl, a cihna ahi hi.) Tua ahih manin mittaw pa zong va pai-in a mai va phiat a, khua mu thei sa-in hong paikik hi.

Nehemiah 3:15

Mizpah gam a uk, Kolhozehʼ tapa Shallum in Tuinak Kongpi puah a, tua kongpi bawl pha-in a kongkhakte a kalhna bulh hi. Tua ciangin amah in kumpipaʼ huan gei-a kulh ciang a, David khuapi pan a hong pai suk kahlei ciang dong a sem hi.

Jeremiah 18:14

Lebanon mual tung vuk in susia ngei ahi hiam? Mual tung panin a hong luang a vot kilkel luite kang ngei ahi hiam?

Jeremiah 2:18

Tu-in Egypt gamah nang na pai manin bang phattuamna ngah ding na hi hiam? Nail gun tui a va dawn lel ding na hi hiam? Assiria gamah na pai manin bang phattuamna ngah ding na hi hiam? Eufratis gun tui a va dawn lel ding na hi hiam?

Jeremiah 2:13

Bang hang hiam cih leh ka mite in mawhna nam nih a bawl zo uh hi. Nuntakna ciktui ahi keimah a hong taisan zo uh hi. Tuikhuk to tawm uh a, a tuikhuk tawh uh keu-in, tui a vung thei kei hi.

Isaiah 7:6

“Judah gam a sim dingin pai-in va su gawp ni; eima adingin va zo ni; tua gamah kumpi dingin Tabeelʼ tapa va koih ni,” ci uh hi.

Isaiah 5:24

Tua ahih ciangin mei in buhkung keute kaang tum a, meikuang sungah lopa keute a kattum bangin amauteʼ zung pen muat gawp dinga, amauteʼ pakpalhte leivui bangin vanah leeng to ding hi. Bang hang hiam cih leh amaute in Vanglian Topa’ thu nialin Israel-teʼ Siangtho Paʼ thu a simmawh uh hi.

1 KUMPI MASATE 7:16

Khuampite tungah a bulh dingin amah in a kisung sumngo khuam luzepna nih zong a bawl hi. Khuam luzepna khat a sauna pi sagih le alang hi a, a dang khat khuam luzepna a sauna tua zah mah ahi hi.

Luka 13:4

Tua ahih kei leh, Siloam Tuibeem gei-a tausang a puk lai-in a den lup mi sawm le giatte bangci ngaihsut na hi uh hiam? Hih bangin a sih manun Jerusalem khua sunga a teeng midangte sangin a mawhna uh lian zaw hi, ci-in ngaihsun na hi uh hiam?

Late 46:4

Sangpen paʼ teenna khua siangtho, Pasianʼ khuapi, a lungdamsak gun khat a om hi.

Isaiah 1:20

Ahih hangin note in kei hong nialin na hong lehdo uh leh namsau in note hong vatmai ding hi. Bang hang hiam cih leh Topa in hih thu gen khinzo hi,” a ci hi.

Isaiah 7:9

Efraimʼ lutang, Samaria hi a, Samariaʼ lutang, Remaliahʼ tapa ahi hi. Hih thu upna kho na neih kei leh, nang na kip kei ding hi,’ va ci in,” ci-in a gen hi.

Isaiah 8:5

Topa in kei tungah thu hong genkik leuleu a,

Isaiah 28:2

En un, a vang a lian, a hat mahmah mi khat Topa in nei hi. A susia huihpi gialpi, tuikhang le a thahat huihpi bangin amah in leilak den gawp nading hi.

Isaiah 30:12

Tua ahih ciangin Israel-teʼ Siangtho Pa in, “Note in hih thu simmawhin, zawhthawhna le khemna suangin, tuate muang na hih manun,

Isaiah 7:4

ama tungah, ‘Kidawm inla, om khinkhian in. Lau kei in. Syria kumpipa Rezin le Remaliahʼ tapaʼ hehna pen, sing tum bang nih a khute tawh kibang lel ahih manin na lung gimsak kei in.