Isaiah 8:19 - Tedim Bible Revision 2017

¹⁹ Amaute in note kiangah, “Phun suausuau-in a pau mualmual vankah theite le aisan theite kiangah thu dong un. Mite in amauʼ pasian-te thu dongin, mihingteʼ thu pen misite dot ding mah hi lo ahi hiam?” hong ci ding uh hi.

Tedim Bible

¹⁹ Amaute in note kiangah, “Phun suau-suau-in a pau mualmual vankah theite leh aisan theite kiangah thu dong un. Mite in amaute’ pasian thu dongin, mihingte’ thu pen misite dot ding mah hilo ahi hiam?” hong ci ding uh hi.

Isaiah 8:19 Referans Kwoze

1 KHANG TANGTHU MASATE 10:13

Tua ahih ciangin Saul a thuman lohna hangin a si hi. Amah in Topaʼ thupiakna a zuih lohna le vankah khat thu dongin a lamlah ding a zonna,

Siampi Laibu 20:6

“Mi khat vankahna le aisan lamah kihei-in tuate thu a dot leh, keimah in tua mipa ka maisiat dinga, ama mite lak panin amah ka hawl khia ding hi.

2 KHANG TANGTHU NIHNATE 33:6

Tua ciangin amah in Hinnomʼ tapaʼ kuamah biakna-in a tapate hal a, aisanna le mailam thugen kholhna le khongkhaina zang a, vankah theite le aisante tawh nasem khawm hi. Amah in Topaʼ muhna ah siatna tampi bawl a, amah hehsak hi.

Late 106:28

Tua ciangin amaute in Peor-a Baal pasian bel uh a, nuntakna a nei lote tungah biakna-in a kipia sate a ne uh hi.

Siampi Laibu 19:31

“Vankahte le aisanna lamah kihei kei un. Amaute tawh a kininsak dingin amaute zong kei un; kei pen Topa na Pasian uh ka hi hi.

Isaiah 29:4

Tua ciangin lei thuk sung panin nang na pau dinga, a niamna mun lei sung panin nangma kammal hong ging ding hi. Nangma aw pen lei sung panin sikhaʼ aw bangin hong ging dinga, na thugenna pen lei sung panin hong phun suausuau ding hi.

Isaiah 19:3

Egypt miteʼ lungsim hawmsuak dinga, amauʼ geelnate ka siasak ding hi. Amaute in milimte, vankah theite le aisan theite tungah thu dong ding uh hi.

1 SAMUEL MASA 28:8

Tua ahih ciangin Saul in a mel seelin puan dang silh a, amah le mi nih pai hi. Amaute zanin tua numei kiangah va pai uh hi. Amah in, “Kei adingin a si sateʼ kha kiang pan thu hong dotsak inla, nang kiang a a min kong gen peuhpeuh kei adingin hong sap tohsak in,” a ci hi.

Thu-hilhkikna 18:11

bum a zang, van a kah, sikhate tawh a kiho, sikha thu a dong kuamah na om kei ding uh hi.

Jeremiah 10:10

Ahih hangin Topa pen Pasian man hi a, amah pen a nungta Pasian le tawntung kumpipa ahi hi. A heh ciangin lei kiliing a, gamte in a hehna nang zo lo hi.

2 KUMPI NIHNATE 21:6

Tua ciangin amah in biakna-in a tapa hal a, aisanna le mailam thugen kholhnate semin, vankah theite le aisante tawh nasem khawm hi. Topaʼ muhna ah amah a sia tampi gamta a, amah hehsak hi.

2 KUMPI NIHNATE 1:3

Ahih hangin Topaʼ vantungmi in Tishbe mi Elijah kiangah, “Ding in, Samaria kumpipaʼ kamtaite a dawn dingin pai to-in amaute kiangah, ‘Ekron pasian, Baal-zebub kiangah thu a dong dingin na pai nadingun Israel sungah Pasian om nawn lo ahi hiam?’ ci in.

2 KUMPI NIHNATE 23:24

Tua tham loin Topaʼ biakinn sungah siampi Hilkiah in a muh laibu sungah a kigelh thukham kammalte amah in a kipsak theih nadingin Judah gam sung le Jerusalem-a om vankahte, aisante, inn sung pasian-te, milimte le a kihhuai nate khempeuh Josiah in a hem khia hi.

1 SAMUEL MASA 28:16

Tua ciangin Samuel in, “Topa, nang kiang panin kihei khia-in na gal suak khin ahih ciangin bang hangin kei thu hong dong lai na hi hiam?

2 PETER NIHNA 2:1

Mite lakah kamsang man lo a omngei mah bangin note lakah sia man lo hong om ding hi. Siatna a piangsak thei thuhilhna a man lo hong lutpih simin, amaute mahmah a tan khia Topa nangawn nial ding uh hi. Tua ahih manin thakhat thu-in siatna thuak lawh ding uh hi.

1 SAMUEL MASA 28:11

Tua ciangin numei in, “Kua hong sapsak ding ka hi hiam?” a ci hi. Amah in, “Samuel hong sapsak in,” a ci hi.

1 THESALONIKA MASA 1:9

Note kiangah ka hong pai lai-un kote na hong limbawlna thu uh le a nungta a man Pasianʼ thu zui-in a bia ding le,

Sawltak 16:16

Ni khat, thungetna mun a zuan dingin ka pai laitakun mailam thu a gen thei dawivei nasem numei khat in kote hong dawntuah hi. Tua numei in mailam thu a genna tawh a tote adingin sum tampi a ngahsak hi.

Piancilna 41:24

a vui hawmte in a vui hoih sagihte valh tum uh hi. Mitphial siamte kiangah ka gen a, ahih hangin kei kiangah hong gen tel thei khat beek om lo hi,” a ci hi.

Isaiah 26:14

Amaute si a, hingkik lo ding uh hi. Amaute mangthang ta uh a, omkik nawn lo ding uh hi. Tua bang a pian theih nadingin nangmah in amaute tungah siatna na tungsak a, amaute a kiphawkna khempeuh na beisak hi.

Isaiah 45:11

Amah a Bawlpa, Israel-teʼ Siangtho Pa, Topa in hih bangin ci hi: “Nang in keima tateʼ thu hong dongin, ka khut tawh ka bawl sa tawh kisaite ah thu hong pia ding na hi hiam?

Isaiah 47:12

Na neu lai a kipan na sep na mi bumna le na aisannate ah kip takin om in. Phattuamna na ngah kha dinga, mite na lausak zo kha ding hi.

Isaiah 47:13

Nang tungah a hong kilak thu tampite hangin na gim hi. Vantungte a sehin khenin, aksite en a, khadet simin nang tunga thupiang ding a hong gen khol mite tu-in dingsak inla, nangmah kihonsak in.

Jeremiah 27:9

Tua ahih manin Babylon kumpipaʼ na sem kei un, ci-a note kiangah a hong gen na kamsangte uh, na aisan theite uh, na mang man theite uh le na mang san theite uhʼ thugennate um kei un.

Micah 5:12

Na mitphial siamte uh susia gawpin, ai a san thei mi kong omsak nawn kei ding hi.

Thu-hilhkikna 18:10

Note lakah a tanu ahi a, a tapa ahi zongin biakna-in a zang, ai a saan, khong a khai, mailam thu a gen, ai a tawi,

1 SAMUEL MASA 28:7

Tua ciangin Saul in a nasemte kiangah, “Ama kiangah pai-in ama tung pan thu ka dot theih nadingin vankah thei numei khat kei adingin hong zonsak un,” a ci hi. A nasemte in ama kiangah, “En in, Endor ah vankah thei khat om hi,” a ci uh hi.