Isaiah 8:16 - Tedim Bible Revision 2017

¹⁶ Ka nungzuite aw, Pasian in kei tungah hong piak hih thute, limtakin kemin koihcing un.

Tedim Bible

¹⁶ Ka nungzuite aw, Pasian in kei tungah hong piak hih teci thute, lim takin kemin koih cing un.

Isaiah 8:16 Referans Kwoze

Daniel 12:4

Tu-in Daniel aw, beina hun a tun mateng laibu khupcip inla, a tungah ciaptehna koih in. A kallak ah mi tampite in bang thu piang hiam cih thei tel nuamin a hanciam ding uh hi,” a hong ci hi.

Hebru 3:5

Moses pen nasem khat hihna tawh Pasianʼ inn sungah thu khempeuh ah citak a, mailam hunah Pasian in a gen ding thute a gen hi.

Marka 4:34

Thu gentehna lo tawh thu hilh ngei lo hi. A nungzuite guak tawh a om khawm ciangin a thu khempeuh a gen tel zel hi.

Mattiu 13:11

Jesu in, “Vantung ki-ukna tawh kisai thusim note tungah hong kihilh a, ahi zongin amaute tungah kihilh lo hi.

Mangmuhna 19:10

Tua ciangin amah a bia dingin a khe phung ah ka kun suk a, ahi zongin amah in, “Kei hong bia kei in. Kei pen Jesuʼ hong thugente a lenkip nang le na sanggamte khempeuh tawh nasem khawm khat ka hi hi. Pasian bia in!” hong ci hi. Jesuʼ thugen in kamsang nasep sepnop nading lungsim a guan ahi hi.

Mangmuhna 10:4

Tua van sagih a gingteʼ thugen a man khit phetin tua a thugente lai ah a gelh dingin ka kithawi hi. Ahi zongin vantung panin awging khat ka za a, “Tua thute lai ah gelh kei inla, tua van sagih a gingteʼ thugen imcip in,” hong ci hi.

Mangmuhna 5:5

Tua laitakin upate khat in kei kiangah, “Kap kei in. Judah minam sung panin Humpinelkai, David suan sung panin a lianpa gualzo khinta a, tua laizial ciaptehna sagihte la khia-in a laizial phel thei ding hi,” a hong ci hi.

Mangmuhna 5:1

Tua ciangin, tokhom tungah a tupa in a taklam khut ah a tawi laizial tawn khat ka mu hi. Tua a laidal tung a lang nih tuakah lai kigelhin a kizial cip khit ciangin a kiphel theih loh nadingin mun sagih ah kiciamteh hi.

Mangmuhna 2:17

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mi tungah a kiselcip manna an pawl khat le min thak a kigelhna suangkang khat ka pia ding hi. Tua suangkang pen a ngahte sim loh kuamah dang in thei lo ding hi.

1 KORIN MASA 2:14

Ahi zongin Kha Siangtho a nei lo mite in Pasianʼ Kha Siangtho in a hong piak nate sang thei lo uh hi. Kha Siangtho a nei mite bek in theithei uh ahih manin amaute in tel thei lo uh a, amau adingin a haihuai thu khat ahi lel hi.

Marka 10:10

Inn sungah a tum khit uh ciangin nungzuite in hih thu tawh kisai Jesu kiangah a dongkik uh hi.

Daniel 9:24

“Na mite le khuapi siangtho, a mawhna le a gamtat khialhnate a beina ding hun kum sawm sagih mun sagih sung a kiseh zo hi. Tua ciangin mawhna kimaisak dinga, a tawntung thutang thu a hong tung ding hi. Gen kholhna le maangmuhna thu a mantakin hong tangtung dinga, a Siangtho Pen Mun biakinnpi kisiansuah ding hi.

Isaiah 54:13

“Topa in na tapate khempeuh hoihtakin hilh dinga, na tapate daupai mahmah ding uh hi.

Isaiah 8:20

Tua ciangin note in, “Topa in note hong hilh thute ngai un. Aisanteʼ thu ngai kei un. Amauteʼ hong gen thute a kimanna om lo hi,” ci-in dawng un.

Late 25:14

Topa tawh kilawmtatna pen amah a zahtakte ading hi a, a thuciamna amau tungah kitheithangsak hi.

2 KUMPI NIHNATE 11:12

Tua ciangin amah in kumpipaʼ tapa paikhiat pihin, ama lu tungah kumpi lukhu khusak a, kumpi hihna teci panna lai amah a pia hi. Tua ciangin amaute in amah kumpi hi, ci-in taangko-in amah sathau a nilh uh hi. Tua ciangin amaute in a khut uh bengin, “Kumpipa khansau hen!” a ci uh hi.

Thu-hilhkikna 4:45

Hihte pen, Egypt gam panin a pai khiat-un Moses le Israel mite in a zawh Heshbon ah a teeng Amor miteʼ kumpipa Sihonʼ gam sung, Jordan gal, Beth-peor tawh a kigal sai kuam sungah, Egypt panin Israel mite a paikhiat lai-in Moses in amaute tungah a gen thute ahi hi.

Isaiah 50:4

A lunggim mite ka thahatsak theih nadingin Topa Pasian in ka gen ding thu hong hilh khin hi. Ama hong hilhnate a ngai dingin zingsang simin lawpna hong guan hi.