Isaiah 7:3 - Tedim Bible Revision 2017

³ Topa in Isaiah tungah, “Ahaz tawh kimu dingin Puansawp paʼ nasepna phual zuatna lampi kiangah a om, bual tungnung tuilakna mongah nang le na tapa Shear-jashub pai-in

Tedim Bible

³ Topa in Isaiah’ tungah, “Ahaz tawh kimu dingin Puansawppa’ nasepna phual zuatna-a lampi kianga a om, bual tungnung tui lakna mongah nang leh na tapa Shearjashub pai un la,

Isaiah 7:3 Referans Kwoze

Isaiah 36:2

Lakhish khua panin Assiria kumpipa in Jerusalem khua-a kumpi Hezekiah a lut ding a gen dingin ama nuai-a ulian khat le galkap honpi a sawl hi. Puansawp paʼ nasepna phual zuatna lampi a bual tungnung tui lampi gei ah a ulian pa a khawl hi.

2 KUMPI NIHNATE 18:17

Tua ciangin Assiria kumpipa in Lakhish panin Kumpi Hezekiah kiang Jerusalem ah galkap hon lianpi khat tawh a galkap maang lianpen pa, a inn sung mang lianpen pa le a ulian khat a sawl hi. Amaute pai to-in Jerusalem tung uh hi. Amaute a tun uh ciangin amaute hong pai-in Puansawp paʼ nasepna phual zuatna lampi a om bual tungnung tuilakna gei ah hong ding uh hi.

ROM (Romans) 9:27

Isaiah in Israel miteʼ thu a genna ah, “Israel mite, tuipi gei-a sehnel zahin a tam hangin mi tawmno khat bek suakta ding uh hi.

Isaiah 6:13

Mi sawm-ah-khat bang a om lai tei hangin, taak kung le tawsaw kungte a kiphuk khit ciangin a bulsum a omlaite mei tawh a kihalkik bangin amaute zong kisusia ding hi,” hong ci hi. (A bulsum pen Pasianʼ mite a kipat thakna ding lahna lim ahi hi.)

Jeremiah 22:1

Topa in kei hong hopih a, “Judah kumpipaʼ inn ah va pai suk inla, hih bangin va gen in.

Isaiah 55:7

Migilo in ama gitlohna nusia henla, thuman lo mi in ama ngaihsutna nusia hen. Amah in a hehpih theih nadingin Topa eiteʼ Pasianʼ kiangah amah paisak un. Bang hang hiam cih leh a mawhna maisiangsak ding hi.

Isaiah 10:21

Jakob innkuan a omlaite a vanglian Pasian kiangah ciahkik ding hi.

2 KUMPI NIHNATE 20:20

Hezekiahʼ sepna a omlaite, a vangliatna le tuili le tuilakna bawlin khuapi sungah tui a tutna, Judah Kumpiteʼ Khang Tangthu Laibu sungah kigelh hi.

Paikhiatna 7:15

Tua ahih manin zingsangin Nail gun ah a pai ciangin amah tawh a kimu dingin nang zong pai in. Gulpi a suak na ciangkhut pen mah tawi inla, gun gei ah amah ngak in.

Nehemiah 3:16

Ama zomah Bethzur gam phel khat a uk, Azbukʼ tapa Nehemiah in Davidʼ han san ciang, a kibawl tawm bual le Galkap Inn ciang dong puah hi.

2 KUMPI NIHNATE 16:1

Remaliahʼ tapa Pekahʼ kum sawm le kum sagihna kumin Judah kumpi Jothamʼ tapa Ahaz in uk ding kipan hi.

Isaiah 22:10

nangmah in Jerusalem innte a phazah simin, kulhpi siate puah nadingin innte na phel hi.

Isaiah 22:11

Nangmah in, bual lui pan a tuite khol nadingin kulhpi nih kikalah tuibeem pi khat na bawl hi. Ahih hangin nangmah in, tua na a na bawlpa phawk loin, sawtpekin a na geel pa na don kei hi.