Isaiah 7:16 - Tedim Bible Revision 2017

¹⁶ Bang hang hiam cih leh naupang in a hoih lote nialin a hoihte a teel theih hun ma-in na kihtak uh kumpi nihteʼ gam kinusiacip ding hi.

Tedim Bible

¹⁶ Bang hang hiam cih leh naupang in a hoih lote nial-in a hoihte a teel theih hun ma-in na kihtak uh kumpi nihte’ gam kinusiacip ding hi.

Isaiah 7:16 Referans Kwoze

Isaiah 8:4

Bang hang hiam cih leh naungek in, ‘Nu aw, pa aw,’ a cih theih ma-in Damaskas khuaʼ hauhna le Samaria khua sunga a om a kisut vante, Assiria kumpipa in la-in masuan ding hi,” hong ci hi.

Thu-hilhkikna 1:39

“Tua tham loin galteʼ mat suak ding hi, na cih uh na taneute uh le, tu hun laitakin a sia le a pha a khen thei nai lo na tate uh, tua gamah pai dinga, amaute tungah tua gam pia-in, amaute in tua gam luah ding uh hi.

Jonah 4:11

Tua ahihleh keimah in ganhing tampi tham lo, a taklam khut le a veilam khut nangawn a khen thei nai lo naupang tul za le tul sawm nih sangin a tam zawteʼ teenna, a lian mahmah Nineveh khuapi pammaih sa lo ding ka hi hiam?” ci-in a dawngkik hi.

Hosea 5:9

Gimthuak ni hun hong tun ciangin Israel mite in siatna thuak ding uh hi. A tung taktak ding thu, Israel mite lakah a gen ka hi hi.

Isaiah 9:11

Tua ahih ciangin Topa in amaute do-in a langpang ding bawl a, amauʼ galte a hanthawn hi.

2 KUMPI NIHNATE 16:9

Tua ciangin Assiria kumpipa in ama thu ngai hi. Assiria kumpipa zong Damaskas a sim dingin hong kuan to-in tua khua la a, a mite galmatin Kir ah pua a, amah in Rezin a that hi.

Isaiah 8:14

Amah pen, a lamdang mahmah in a siangthoʼ luatna hangin miteʼ puk theih nading suangtum tawh kibang hi. Judah le Israel kumpi gam mite le Jerusalem khua-a a teeng mite a awk nading thangzak tawh kibang ding hi.

Jeremiah 7:15

Efraimʼ suanlekhak ahi leilu lam a na behte khempeuh uh ka paihkhiat bangin note zong ka muhna panin kong paikhia ding hi.

Hosea 5:3

Israel-teʼ gamtatna khempeuh ka thei khin a, kei tungah bangmah hong im thei lo ding uh hi. Kei tungah hong citak lo uh a, amaute, misia a suak khinta uh hi, a ci hi.