Isaiah 7:1 - Tedim Bible Revision 2017

¹ Uzziahʼ tapa Jotham, Jothamʼ tapa Ahaz ahi Judah kumpipaʼ hun laitakin, Syria kumpipa Rezin le Remaliahʼ tapa Pekah ahi Israel kumpipa, Jerusalem khuapi a sim dingin kuan to uh a, ahih hangin amaute in zo zo lo uh hi.

Tedim Bible

¹ Uzziah’ tapa Jotham, Jotham’ tapa Ahaz ahi Judah kumpipa’ hun lai takin, Siria kumpipa Rezin leh Remaliah’ tapa Pekah ahi Israel kumpipa in Jerusalem khuapi sim dingin kuanto uh a, ahih hangin amaute in zo zo lo uh hi.

Isaiah 7:1 Referans Kwoze

2 KUMPI NIHNATE 15:37

Tua hunin Topa in Judah a sim dingin Syria kumpipa Rezin le Remaliahʼ tapa Pekah sawl ding kipan hi.

2 KUMPI NIHNATE 16:1

Remaliahʼ tapa Pekahʼ kum sawm le kum sagihna kumin Judah kumpi Jothamʼ tapa Ahaz in uk ding kipan hi.

Isaiah 8:6

“Hih mite in dam takin a luang didi Shiloah tuite nial uh a, Rezin le Remaliahʼ tapaʼ mai ah launa tawh liingliang uh hi.

Isaiah 1:1

Judah gam kumpi ahi Uzziah, Jotham, Ahaz le Hezekiah-teʼ hun lai-in Amozʼ tapa Isaiah in Judah gam le Jerusalem khua tawh kisai a maangmuhnate:

2 KUMPI NIHNATE 15:25

Tua ciangin ama nuai ah a ukpa, Remaliahʼ tapa Pekah in Gilead mi sawm nga tawh amah sawm sim a, kumpipaʼ inn sung tawng, Samaria ah amah that hi. Amah a thah khit ciangin ama tangin a uk hi.

2 KUMPI NIHNATE 15:27

Judah kumpi Uzziahʼ kum sawm nga le nihna kumin Remaliahʼ tapa Pekah in Samaria panin Israel tungah uk ding kipan a, kum sawm nih sung uk hi.

2 KUMPI NIHNATE 16:5

Tua ciangin Syria kumpi Rezin le Israel kumpi, Remaliahʼ tapa Pekah, Jerusalem a sim dingin hong kuan to uh a, amaute in Ahaz umcih uh hi. Ahih hangin amah zo zo lo uh hi.

Isaiah 9:11

Tua ahih ciangin Topa in amaute do-in a langpang ding bawl a, amauʼ galte a hanthawn hi.

Ezekiel 27:16

Edom mite in zong na van tampi hong lei uh hi. Van leina-in emerald suangmanpha, puansan, a kizem puante, saihadial puan hoihte, suangkhi le ruby suang manphate hong pia uh hi.

Hosea 1:1

Judah kumpite Uzziah, Jotham, Ahaz, Hezekiah le Israel kumpi Joashʼ tapa Jeroboamʼ hun lai-in Beeriʼ tapa Hosea tungah Topa in thu na gen hi.

Micah 1:1

Judah gam kumpi Jotham, Ahaz le Hezekiah-teʼ hun laitakin, Moresheth khuami Mikah tungah Topa in thu a pia hi. Samaria le Jerusalem tawh kisai-in Topa in Mikah tungah hih thute a lak hi.