Isaiah 64:9 - Tedim Bible Revision 2017

⁹ Topa aw, nakpi takin sin so kei inla, mawhna ciam tehteh kei in. Kote khempeuh nangma mi ka hihna uh hong ngaihsun in.

Tedim Bible

⁹ Topa aw, nakpi takin sinso kei in la, mawhna ciamtehteh kei in. En in, kote khempeuh nangma mi ka hihna uh hong ngaihsun in.

Isaiah 64:9 Referans Kwoze

Late 79:13

Tua ciangin nangma mi, nangma gam sung tuu kote in nangma tungah lungdamna kong lak ngitnget ding uh a, a khangkhangin nangmah phatnate ka gengen ding uh hi.

Mangmuhna 20:10

Amaute a khem Satan pen ganhing le kamsang zuau pa a omna mun, kat a kikhulna meiphual pi sungah kilawn a, a sun a zanin tua lai munah amaute in gimna a thuak tawntung ding uh ahi hi.

2 PETER NIHNA 2:17

Hih bang mite pen a kangcip khin sa ciktui, huih in a mutkhiat meiipi tawh kibang uh a, Pasian in amauteʼ om nadingin khuamial sahpi omna mun a koih kholhsak hi.

Malakhi 1:4

Esauʼ suanlekhak Edom mite in, “I khuapite a kisiat khit hangin i lamkik ding hi,” ci le-uh, Topa in, “A ut uh leh lam uh hen; ahi zongin ka susiakik veve ding hi. Midangte in, ‘Gam gilo, Topaʼ heh tawntungna minamte,’ ci-in ko ding uh hi,” ci-in a dawng ding hi.

Habakkuk 3:2

Topa aw, nangma sep sa thute ka za a, lamdang ka sa mahmah hi. Na hih ngeisa na liante, koteʼ hunin zong hong hihkik in. Na heh hun ciang nangawnin zong hehpihna lungsim hong nei in.

Kah la 5:20

Bang hangin sau veipi hong pampaih na hi hiam? Kote hong phawkkik nawn lo takpi ding na hi hiam?

Jeremiah 10:24

Topa aw, a hoihbek takin, heh lua loin kei hong hilh in. Hong heh lua lecin kei ka si ding hi.

Jeremiah 3:12

Pai inla leilu lam Israel gamah hih bangin va taangko in: ‘Hong kilehkik in, a zulhzau Israel aw, Topa in kong ci hi. Hehna tawh nang kong en kei ding hi; bang hang hiam cih leh a hehpih thei pa ka hi hi, Topa in kong ci hi. Ka heh tawntung kei ding hi.

Isaiah 63:19

Kote pen nangmah in cikmahin na uk ngei loh mite, nangma mi ahi ngei lo mite tawh a kibang ka suak khin uh hi.

Isaiah 60:10

Gamdang mite in na kulhte ciangkik ding uh a, amauʼ kumpite in nangma na hong sem ding uh hi. Bang hang hiam cih leh ka hehna tawh nang kong vat gawp khin a, ahih hangin tu-in keima maipha tawh nang tungah hehpihna kong nei khin hi.

Isaiah 57:17

Amauʼ huaiham-mawhna hangin ka heh mahmah a, ka hehna lungsim tawh amaute gim pia-in ka nusia hi. Ahih hangin amaute a lungsim uh khauhin, a gamtat ngei bangun gamta lai veve uh hi.

Isaiah 43:25

Na thupalsatnate hong paih khiatsak pa pen keimah ka hi a, kei ka hih manin na khialhnate ka ciamteh kei ding hi.

Late 119:94

Kei pen nangma aʼ ka hi hi. Kei hong hon in. Bang hang hiam cih leh nangma thuhilhte zuih ding ka hanciam hi.

Late 38:1

Topa aw, a hehsa-in kei hong taii kei inla, lung so sa in kei hong thuhilh kei in.

Late 6:1

Topa aw, na heh laitak hong taii kei inla, lung so sa-in hong thuhilh kei in.

Isaiah 63:8

Bang hang hiam cih leh Topa in, “Amaute pen keima mi taktak hi a, amaute in kei hong khem lo ding hi,” a ci hi. Tua ahih manin a lungkhamna panun amaute a hon khia hi.

Jeremiah 44:21

“Judah gam khuapite le Jerusalem khua kongzing lakah note, na pute na pate uh, na kumpite uh le na kumpi uliante uh a kipan gam sung mi khempeuh in paknamtui halna na bawl uh ciangin Topa in tua pen a phawk lo sa na hi uh hiam? A ngaihsun lo sa na hi uh hiam?

Kah la 5:22

Kote hong nial tawntung takpi ding na hi hiam? Na hehna in ciangtan hun nei thei lo ding ahi hiam?

Ezekiel 29:16

Israel mite in muan le suanin amaute neikik ngei nawn lo ding uh hi. Egypt-te a tuahsiat ciangin a suang khial kha ahih lamtak uh Israel mite in a phawk ding uh hi. Tua ciangin Topa Pasian ka hihna thu Israel mite in hong thei ding uh hi,” hong ci hi.

Siampi Laibu 26:31

Keimah in na khuapite uh siasakin, na biakna munte uh gamkhing ka suaksak dinga, nomauʼ hong biakna a gim namtuite ka diik kei ding hi.

2 KUMPI NIHNATE 25:9

Amah in Topaʼ biakinn a kipan kumpipaʼ inn le Jerusalem khua sunga om inn khempeuh hal a, inn lian khempeuh amah in hal tum hi.

Isaiah 63:18

Nangma mi siangthote in tawl khat sung bek na biakinn nei a, ko hong langpangte in tua na biakinn pen tuancil gawp khinta hi.

Kah la 2:7

Topa in a siangtho biakinnpi le a biakna tau deih nawn lo a, biakinn kulhpi, galte a susiasak hi. Lungdamna tawh amah i biakna munah, amaute gualzo-in a kiko uh hi.

Kah la 5:18

Zion mual gamdai ta a, kinusia khin ahih manin se-alte a kawi vak ta hi.