Isaiah 64:7 - Tedim Bible Revision 2017

⁷ Tua ahih ciangin nangmah a hong pom dingin a hanciam tawm, nangma min a lo kuamah om lo hi. Bang hang hiam cih leh kote kiang panin nang in na maitang na seel a, mawhna khut sungah kote na hong pia hi.

Tedim Bible

⁷ Tua ahih ciangin nangmah hong pom dingin a hanciam tawm, nangma min a lo kuamah om lo hi; bang hang hiam cih leh kote kiang panin nang in na maitang na seel a, mawhna khut sungah kote nong pia hi.

Isaiah 64:7 Referans Kwoze

Ezekiel 22:30

Keimah in ka hehna tawh ka suksiat ding hun ciangin kulh a ciang zo ding, kulh a kicipna munah a cing zo ding le gam sung a hu zo ding mi khat amaute lakah ka zong a, ahi zongin tua bang ding mi khat beek ka mu zo kei hi.

Hosea 7:14

Amaute in lungsim takpi tawh kei tungah huhna hong ngen lo uh a, dawibia mite bang lelin a gamta uh hi. An le leenggahzu a nget uh ciangin zong lawkite bangin a ngen uh hi. Amaute in kei hong lehdo uh hi.

Isaiah 59:16

Amah in nenniamna a thuakte a huh ding mi khat beek a om lohna a mu hi. Tua ahih ciangin amaute a hon khia ding le a gualzawh nadingin ama vangliatna a zang ding hi.

Hosea 7:7

A hehluatna uh tawh amau a ukte a that lum uh hi. A kumpite uh khat khit khat a banbanin kithat a, ahi zongin kuamah in kei kiangah huhna hong ngen lo uh hi.

Isaiah 59:2

Ahih hangin noteʼ mawhnate in note le na Pasian uh kikhenna hong piangsak a, amah in noteʼ aw hong zak theih loh nadingin na khialhnate un ama maitang liah hi.

Isaiah 54:8

Hehluatna hangin tomno sung nang kiang panin ka maitang ka seel a, ahih hangin tawntung itna tawh nang kong hehpihkik ding hi, nangmah a hong hon khia Topa in ci hi.

Isaiah 50:2

“Kong pai ciangin bang hangin mi khat zong om lo ahi hiam? Kong sap ciangin bang hangin hong dawng ding khat zong om lo ahi hiam? Hong hon zo lo zah dingin ka khut hat lo lua ahi hiam? Tua ahih kei leh zong note khah khiatna ding vangliatna nei lo ka hi hiam? Keima taina tawh tuipi ka keusak a, gunte pen sehnel gam ka suaksak hi. Tui om loh manin a ngasate dangtakin si-in a uih gawp hi.

Isaiah 27:5

Tua ahih kei leh keima hutna sungah amaute hong om henla, amaute in kei tawh kilemna hong bawlin keimah tawh amaute hong kilem ta uh hen,” Topa in ci ding hi.

Hosea 5:15

Ka mite in a mawhna hangun gimna thuakin kei hong zonkik mateng ka tua ci nusiat phot ding hi. A lungkham uh ciangin kei hong zong ding uh hi.

Ezekiel 24:11

Tua ciangin a taubeel hawm mei-am tungah suangin sansak veva un. Tua hileh a kang-op nin teng kangtumin hong siangkik ding hi.

Jeremiah 9:7

Tua ahih manin Vanglian Topa in a cih in ah, “En un, amaute a siantho nadingun suangtui-in ka ze-et ding hi. Tua lo ka mite bang cih nawn ding ka hi hiam?

Isaiah 59:4

Kuamah in thutang tawh thu na nei kei uh a, thuman tak tawh thukhen zumah na pai kei uh hi. Note in bangmah lopi suanin nei-in zuau thu na gen uh a, siat nading thu ngaihsunin buaina na piangsak uh hi.

Isaiah 57:17

Amauʼ huaiham-mawhna hangin ka heh mahmah a, ka hehna lungsim tawh amaute gim pia-in ka nusia hi. Ahih hangin amaute a lungsim uh khauhin, a gamtat ngei bangun gamta lai veve uh hi.

Isaiah 56:4

Bang hang hiam cih leh Topa in hih bangin ci hi: “Keima Sabbath nite tangin, kei hong lungdamsak thei nate teel a, ka thuciamna a lenkip a kiget mite tungah

Isaiah 1:15

“Thungenin na khutte uh nong zaak uh ciangin note kong en kei dinga, thu tampi na nget uh hangin keʼn ka ngai tuan kei ding hi. Bang hang hiam cih leh sisan tawh noteʼ khut kidim hi.

Late 14:4

Topaʼ tungah thu a ngen lo, annek bangin ka mite a ne tum, siatna a bawlte in thutheihna nei lo ahi hiam?

JOB (Job) 8:4

Na tate ama tungah khial a, amauʼ mawhnate amaute a tuaksak ahi hi.

Paikhiatna 32:12

Bang hangin Egypt mite in, ‘Mual tungah amaute a that ding le leitung panin amaute a beisak dingin siatna ngaihsutna tawh amah in amaute paikhiatpih hi,’ ci ding uh ahi hiam? A kihtakhuai na hehna daisak inla, na lungsim kheelin na mite tungah hih siatna tungsak kei in.

JOB (Job) 10:9

Leivui pan a kei nong bawlna hong phawkkik in. Leivui mahin hong deng vuikik takpi ding na hi hiam?

Late 100:3

Topa, Pasian ahihna thei un. Eite hong bawlpa amah hi a, eite ama aʼ ihi hi. Eite ama mi ihi a, ama gankhahna sunga om a tuute ihi hi.

Isaiah 45:9

Amah a Bawlpa tawh a kido mipa, beelseek pa tawh a kilehdo leibeel in gimna ngah tahen! Tungman in amah a sek pa kiangah, “Nang in bang bawl na hi hiam, na na bawl in khutlet nei lo hi,” ci-in a thu sel ngam ahi hiam?

Isaiah 63:16

Bang hang hiam cih leh, Abraham in kote hong huh loin, Israel in kote hong phawk loh hangin nang pen koteʼ Pa na hi hi. Topa aw, nang pen koteʼ Pa na hi a, nangmah in tanglai pek pan kote a hong hon khia pa na hi hi.

Malakhi 1:6

Vanglian Topa in siampite tungah hih bangin hong ci hi: “Tapa in a pa zahtak a, nasem pa in a topa kihta hi. Kei pen na pa uh hi napi, bang hangin hong zahtak lo a, na topa uh hi napi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.

Malakhi 2:10

Eite khempeuh in, eite a hong piangsak Pasian ahi Pa khat bek nei hi lo ihi hiam? Tua hi napi-in bang hangin eite khatlekhat tungah citak loin, Pasian in i pu i pate tawh a bawl thuciamna palsat ihi hiam?