Isaiah 64:6 - Tedim Bible Revision 2017

⁶ Kote khempeuh mawhnei mi ka hi khin uh a, ka gamtat hoih khempeuh uh zong puan nin tawh kibang lai veve hi. Kote khempeuh singteh bangin ka vul uh a, ka mawhna hangun huih letkhiat nahthel keu ka bang uh hi.

Tedim Bible

⁶ Kote khempeuh mawhnei mi ka hi khin uh a, ka gamtat hoih khempeuh uh zong puansianin tawh kibang veve hi. Kote khempeuh singteh bangin ka vul uh a, ka mawhna hangun, huih letkhiat nahthel keu ka bang uh hi.

Isaiah 64:6 Referans Kwoze

ROM (Romans) 7:18

Ka leitung pumpi sungah a hoih na khat beek om lo hi, ci-in ka thei hi. Ka sungah a hoih gamtat nopna lungsim a om hangin ka hih zo kei hi.

ROM (Romans) 7:24

Kei pen a lungkham mi ka hi ta hi. Kei a hong sisak ding hih lungsim lui panin kua in kei hong hon khia zo ding ahi hiam?

Zekhariah 3:3

Joshua ahihleh vantungmi mai ah dinga, puan a nin mahmah a silh hi.

Isaiah 53:6

Eite khempeuh in tuu bangin lam i khial khin a, eite khempeuh eimau san ciatah i pai khin hi. Topa in eite khempeuhʼ mawhnate ama tungah a suan hi.

Titu 3:3

Bang hang hiam cih leh eite zong nidangin hai tatin, thumang loin, vakvai-in, duhna deihna a tuamtuamte thuak lahin, thusia le enna lungsim tawh a gamtate, mite in hong mudahin, eite khatlekhat zong a kimudah ngeite ihi hi.

JOB (Job) 25:4

Pasianʼ muhna ah kua dik zo dinga, siangtho zo ding ahi hiam?

JOB (Job) 14:4

Mihing banga a ninte sung panin a siang hong piang lo ding hi.

Filippi 3:9

Khris tawh kip takin kipawl khin ka hih manin Thukham zuihna tawh a kingah thei keima hanciamna tawh dik ngahna cihte ka nei nawn kei hi. Tu-in, Jesu Khris upna hangin Pasian in a hong piak diksakna ka ngah a, tua pen upna siksanin a hong kipia ahi hi.

Isaiah 46:12

“Suahtak nading haksa mahmah ding hi, a ci lungsim khauh mite aw, ka thu ngai un:

Late 51:5

A khial sa mahin kei ka suak a, ka nu in a gil sungah hong paii tung a kipan a mawh sa ka hi hi.

Mangmuhna 7:13

Tua laitakin upate khat in keima kiangah, “Hih puan pak a silh mite kuate hi a, koi lai panin hong pai ahi uh hiam?” ci-in hong dot ciangin,

Isaiah 6:5

Tua ciangin keimah in, “Gim ngah pa hi ta ing! Bang hang hiam cih leh a mawknapi ka hi hi; ka kam a ka thugen khempeuh a mawkna vive hi a, a thugen khempeuh uh mawhna le nitna ahi mite lakah ka teeng kha hi. Vanglian Topa, Kumpipa ka mu kha khinta hi,” ka ci hi.

Hosea 4:19

Huihpi nung in a mutkhiat bangin amaute a phiat khia mang ding lungsim a nei uh hi. Amauʼ biak pasian-te in amaute huh lo ding hi.

Isaiah 48:1

Israel min tawh a kilo, Judah sung panin a piang khia, Topa’ min tawh thu ciam napi-in, thuman thutak tawh Israel Pasian a pulak lo Jakob innkuan aw, hih thu ngai un.

Late 1:4

Migilote ahihleh tua bang hi lo uh a, huih in a letkhiat anvai tawh kibang lel uh hi.

JOB (Job) 40:4

“Topa aw, ka hai pau kha hi. Hong bangci dawn theih ding ka hi hiam? Tu a kipanin ka pau nawn kei ding hi.

Isaiah 1:30

Bang hang hiam cih leh note pen a teh a vul tawsaw kung le tui a ngah lo huan tawh na kibang ding uh hi.

Isaiah 50:1

Topa in, “Amah ka ciahsakna, na nu a kimakna lai koi ah om ahi hiam? Tua ahih kei leh nang kong zuakna ka leibatnate koi pan ahi hiam? Nomau mawhna hangin note hong kizuak a, nomau khialhna hangin na nu uh kipaikhiasak hi.

Siampi Laibu 13:12

Siampipaʼ muh theihna ciangah tua natna in a vun phukhamin, tua natna a veipaʼ vun khempeuh a lutang panin a khe dongin a lawh khit leh,

2 SAMUEL NIHNA 22:46

Gamdang mite lungkia uh a, a phualkip panun liingin hong paikhia uh hi.

Late 14:4

Topaʼ tungah thu a ngen lo, annek bangin ka mite a ne tum, siatna a bawlte in thutheihna nei lo ahi hiam?

Isaiah 1:28

Ahih hangin a lehdo mite le a khial mite kisusia khawmin Topa a nusiate pen kibeisak mang ding hi.

Isaiah 8:17

Jakobʼ innkuanteʼ kiang panin a maitang a seel Topa ngakin amah ka muang ding hi.

Isaiah 43:22

“Ahih hangin Jakob aw, ka min nong lo kei hi. Israel aw, kei nong cimtak hi.

Isaiah 50:2

“Kong pai ciangin bang hangin mi khat zong om lo ahi hiam? Kong sap ciangin bang hangin hong dawng ding khat zong om lo ahi hiam? Hong hon zo lo zah dingin ka khut hat lo lua ahi hiam? Tua ahih kei leh zong note khah khiatna ding vangliatna nei lo ka hi hiam? Keima taina tawh tuipi ka keusak a, gunte pen sehnel gam ka suaksak hi. Tui om loh manin a ngasate dangtakin si-in a uih gawp hi.

Daniel 9:13

Mosesʼ thukham sunga kigen gimna khempeuh ka thuak uh hi. Topa Pasian aw, tu nangawnin zong nang kong lungdamsakna ding uh hanciam loin, na thuman ka zuih theih nadingun mawhna ka kisik kei uh hi.

Hosea 7:7

A hehluatna uh tawh amau a ukte a that lum uh hi. A kumpite uh khat khit khat a banbanin kithat a, ahi zongin kuamah in kei kiangah huhna hong ngen lo uh hi.