Isaiah 64:3 - Tedim Bible Revision 2017

³ Koteʼ lamet lohpi-in nang hong pai-in a lauhuai nate na bawl ngei a, na mai ah mualte a liing hi.

Tedim Bible

³ Kote’ lamet lohpi-in nang hong pai-in a lauhuai nate na bawl ngei a, na mai-ah mualte a liing hi.

Isaiah 64:3 Referans Kwoze

Habakkuk 3:3

Teman khua panin Pasian hong pai a, Paran Mual panin Siangtho Pa hong pai hi. Ama minthanna vang in vanpi tuam a, leitung khempeuh, amah phatna tawh kidim hi.

Late 66:5

Hong pai unla, Pasianʼ sep sate mu un. Miteʼ lak a a bawlnate ah amah dipkuathuai hi.

Late 66:3

Pasianʼ tungah thu gen unla, “Nangma bawlnate bangzah ta-in dipkuathuai! Na vang lian mahmah ahih manin na mai ah na galte in nang hong mai-et uh hi.

Thu-hilhkikna 10:21

Amah pen nomauʼ phat ding ahi hi. Na mitte un a muh sa hih a lian a kihtakhuai nate note adingin hong bawlsak pa pen na Pasian uh ahi hi.

Habakkuk 3:6

Amah a khawl ciangin leitung liing a, amah in a et ciangin minam khempeuh liing uh hi. Tangtawng lai-in a tot sa, tanglai mual liante kitam kham a, a om tawntung mual neute kimetcip hi.

Isaiah 64:1

Nangma langte tungah na min na theihsakna ding le nangma omna ah minamte lau-in a liin nadingin mei in selkeu kuangsakin mei in tui a sosak bangin nangma mai ah mualte a liin nadingin bang hangin na vangliatna tawh vantung bal kekin hong pai suk lo na hi hiam?

Late 68:8

nangmah Pasian na om manin lei kiliing gawpin vantungte in guah a zusak hi. Pasian ahi, Israel Pasianʼ omna ah Sinai mual nangawn a kiliing gawp hi.

2 SAMUEL NIHNA 7:23

“Ama miteʼ mai ah minam khat le a pasian-te hawl khiatna tawh ama adingin min bawlin, amaute adingin a lian a lauhuai nate hihsakin, ama mi dingin a hon khia dingin Pasian a paina na mi Israel-te, leitung minam dang kua tawh kibang ahi hiam?

Thu-hilhkikna 4:34

Tua ahih kei leh, Topa na Pasian un Egypt gam sungah note adingin na muhna uh ah a bawlte khempeuh tawh a kibangin, ze-etna, lim, nalamdang, gal, a vanglian le a thahatna le a lauhuai mahmah tawh pasian dang khat peuhpeuh in ama mite adingin minamdang khat sung pan minam khat a va lak ding hanciam ngam ngei ahi hiam?

Paikhiatna 34:10

Topa in Moses kiangah, “En in, keimah in thuciamna khat ka bawl hi. Nangma mi khempeuhʼ muhna ah, leitung khempeuh hitaleh minam khatpeuh sungah hitaleh cikmahin tua bang a kibawl ngei lo nalamdangte ka bawl dinga, noteʼ lakah a om mite khempeuh in Topaʼ nasepna mu ding uh hi. Bang hang hiam cih leh noteʼ tungah kong bawl ding na pen a kihtakhuai thu ahi hi.

Isaiah 5:25

Tua ahih ciangin Topa’ hehna ama mite tungah hong khangin, a khut zanin amaute vat gawp a, mualte a kiliing hi. Amauteʼ luanghawmte kongzing lampite ah nin bangin a om hi. Hih bang teng hangin zong a hehna dam zo nai loin ama khut kizanlai hi.