Isaiah 61:3 - Tedim Bible Revision 2017

³ amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion ah a om a dah mite a lungdam nading, a lungkham mite in phatna la a sak theih nading, a lunggim mite in Pasian a phat theih nadingin amah in kei hong sawl zo hi.

Tedim Bible

³ amaute pen a thuman mite kici-in, amah a kiminthan’sak theih nadingin Topa’ suan kungte a kicih theih nadingin, Zion ah a om a dah mite tungah vut tawh kibuak a, lukhu khuk tangin a hoih kumpi lukhu khuksak nading, tauna tangin lungdamna sathau nilhsak theih nading, a lunggimna tangin Pasian phatna puan a silh theih nadingun amah in kei hong sawl zo hi.

Isaiah 61:3 Referans Kwoze

Late 30:11

Topa ka Pasian aw, nangma tungah lungdamna ka hong koh tawntung theih nading, ka lungsim in nang hong phat theih nading, a dai om mawk loh nadingin ka thumna le ka taunate lamna tawh nong heisak a, dahna lim ahi ka puanhampi hong suah khiatsakin nuamna na hong guan hi.

Johan 16:20

A taktakin ka hong genin ah, note dahin na kap ding uh a, ahi zongin leitung mite lungdam ding uh hi. Note na dah ding uh a, ahi zongin na dahna uh lungdamna hong suak ding hi.

Isaiah 61:10

Topa’ hangin nakpi takin ka lungdam dinga, ka Pasianʼ hangin kipakin ka diang ding hi. Bang hang hiam cih leh zipi pa puan hoih tawh kizemin, mothak nu a suang manphate tawh a kizep mah bangin amah in hotkhiatna puan kei hong silhsakin, thumanna puanpi tawh kei hong tuam khin hi.

Thuhilh-sia 9:8

Na puante siangsakin paaksak tawntung inla, na sam gumsak ngei kei in.

Late 45:7

thuman deihin gitlohna na mudah hi. Tua ahih ciangin Pasian ahi, nangma Pasian in na khangualte tungah a kikhai to-in lungdamna sathau nang hong nilh zo a,

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.

Late 23:5

Keima galteʼ muhna munah an nong lui hi. Thupi takin nong pahtawi a, keima hai zong dim let ta hi.

1 KORIN MASA 6:20

Note pen Pasian in a hong lei sa na hih manun na pumpi uh Pasianʼ minthan nadingin na zang un.

Zekhariah 3:5

Tua ciangin a sawltak van mite thu pia a, Joshuaʼ lu tungah dial siangtho a khipsak ding uh a sawl hi. Topaʼ vantungmi tua munah a din sung mahin, amaute in zong Joshua, dial siangtho khimsakin, tua khit ciangin puan siangtho zong a silhsak uh hi.

Filippi 1:11

Jesu Khris in note mihoih a hong suahsak theihna le mite in Pasian pahtawi-in a phat theihna thu, noteʼ gamtat hoih in midangte tungah kilangsak ding hi.

Mattiu 5:16

Midangte in na gamtatna hoihte uh a muh ciangin vantungah a om na Pa uh min a phat theih nadingun mite mai ah na gamtat hoihna uh khuavak bangin na kilangsak un.

Esther 8:15

Tua ciangin kumpi puan a san le a kang silhin, kham tawh kibawl kumpi lukhu lianpi khu-in, saihadial puan neel le puan san silh sa-in kumpipaʼ omna panin Mordekai paikhia hi. Tua ciangin Susa khuapi sung mi khempeuh lungdamin awng uh hi.

1 PETER MASA 4:14

Khris nungzui hihna hangin miteʼ kosiatna na thuak uh leh note sungah a minthang Kha Siangtho ahi Pasianʼ Kha Siangtho hong om ahihna lim ahih manin a hampha mahmah na hi uh hi.

Luka 15:22

Ahi zongin a pa in a nasemte sam a, ‘Hong manlang un. Puan hoih pen hong la unla silhsak un. A khutme ah zungbuh butsak unla, a khe ah khedap zong bulhsak un.

Esther 9:22

Tua nite pen Jew mite a galte uh tung panin a suahtak ni, dahna le thumnate lungdamna le lungnopna a suah kha ahi hi. Tua ahih manin amaute in pawi bawl ni le lungdam ni-in nei-in, an lim nono khatlekhat kikholh ni le mizawngte tungah letsong piak ni-in a zat dingun thu a pia hi.

Johan 15:8

Gah tampi gah le-uhcin ka Paʼ minthanna a kilangsak na hi ding uh a, keima nungzui na hihna uh kilang ding hi.

Late 104:15

mihing lungsim a nuamsak ding leenggahzu, mihing maitang a zolsak ding sathau, mihing lungsim a hatsak ding an na piangsak hi.

Isaiah 12:1

Ni khat ni ciangin mite in, “Topa aw, kei tungah na heh hangin na hehna dam ta a, kei hong hehnem na hih manin nang tungah lungdamna kong ko ding hi.

Mattiu 15:13

Jesu in, “Vantungah a om ka Paʼ suan ahi lokung khempeuh kibot khia ding hi.

1 KORIN MASA 3:9

Kote pen Pasian adingin na a sem khawm mite ka hi uh a, note pen Pasianʼ lo na hi uh hi. Note pen Pasianʼ inn zong na hi uh hi.

Hebru 1:9

Thuman na deih a, khialhna na mudah hi. Tua ahih manin nangma Pasian in nangmah hong teelin, na lawmte tungah a piak sangin a lian zaw, a lungdamhuai pahtawina nang hong pia hi,” a ci hi.

Late 149:4

Bang hang hiam cih leh ama mite tungah Topa lungdam a, miniamte gualzo sakin a pahtawi hi.

Isaiah 26:2

Upna ah a kip thuman minamte a lut theih nadingin kulh kongpite hong ta un.

Isaiah 44:23

Vantungte aw, Topa in tua thu sem khin ahih manin la sa un. Lei thuknate aw, awng un. Mualte aw, la sa-in awng khia un. Tulak le a sunga om sing khempeuh aw, awng un. Bang hang hiam cih leh Topa in Jakob hon khia khin a, Israel sungah amah kiminthangsak ding hi.

Isaiah 46:13

Suahtak nading hun ka hong tungsak ta a, gamla nawn lo hi. Ka hong hotkhiat ding hun zekai nawn lo ding hi. Keima minthanna ahi Israel adingin Jerusalem ka hon khia ding hi,” a ci hi.

Isaiah 52:1

Zion aw, khanglo in; khanglo inla na tha khauhsak in. Khuapi siangtho Jerusalem aw, na puan hoihte silh in. Bang hang hiam cih leh dawibia mite le a nin mite nang sungah hong pai nawn lo ding hi.

Jeremiah 31:13

Tua ciangin nungakte lamin lungdam ding uh a, tangvalte le papite zong nuam ding uh hi. Amauʼ kahnate lungdamna ka suaksak dinga, amaute hehpihin a dahnate uh kipahna ka suaksak ding hi.

Ezekiel 34:29

Amaute tungah logam hoih pia ding ka hih manin gam sungah gilkial dangtak om nawn lo ding hi. Minam dangte in amaute simmawh bawl nawn lo ding uh hi.

Ezekiel 47:7

tua lai mun ka tun ciangin a gun lang nih tuakah singkung tampi tak a po ka mu hi.