Isaiah 61:10 - Tedim Bible Revision 2017

¹⁰ Topa’ hangin nakpi takin ka lungdam dinga, ka Pasianʼ hangin kipakin ka diang ding hi. Bang hang hiam cih leh zipi pa puan hoih tawh kizemin, mothak nu a suang manphate tawh a kizep mah bangin amah in hotkhiatna puan kei hong silhsakin, thumanna puanpi tawh kei hong tuam khin hi.

Tedim Bible

¹⁰ Topa hangin nakpi takin ka lungdam ding a, ka Pasian hangin kipakin ka diang ding hi; bang hang hiam cih leh zipipa in a lu kizemin, mo thaknu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawk kei hong tuam khin hi.

Isaiah 61:10 Referans Kwoze

Filippi 3:9

Khris tawh kip takin kipawl khin ka hih manin Thukham zuihna tawh a kingah thei keima hanciamna tawh dik ngahna cihte ka nei nawn kei hi. Tu-in, Jesu Khris upna hangin Pasian in a hong piak diksakna ka ngah a, tua pen upna siksanin a hong kipia ahi hi.

Late 132:9

Na mite na hotkhiatna thu, na siampite in taangko henla, na mi siangthote lungdamin awng ta uh hen.

ROM (Romans) 14:17

Bang hang hiam cih leh Pasianʼ Ukna pen nekledawn tawh a kisai thu hi lo a, Kha Siangtho hangin i ngah Pasianʼ deih bangin gamtatna, kilemna, lungdamna, cihte hizaw hi.

ROM (Romans) 5:11

Tua teng bek hi lo lai a, Pasian tawh hong kilemsak i Topa Jesu Khris hangin Pasian tungah i nuam mahmah hi.

Late 132:16

Ka hotkhiatna thu, a siampite ka taangkosak dinga, a mi siangthote lungdamin la sa-in awng ding uh hi.

Mangmuhna 21:2

Mothak khat a pasal tawh a kituah dingin a kizem bangin vantung Pasian kiang panin Khuapi Siangtho ahi Jerusalem khua thak a hong pai suk ka mu hi.

Isaiah 49:18

Na kimkot ah khuadak to inla mu in. Na mi khempeuh hong kikhawm uh a, nangma kiangah amaute hong ciah uh hi. Kei pen a nungta Topa ka hih mah bangin, na mite khempeuh hangin nang na kisial dinga, mothak in kizepna-in a zat bangin amaute khempeuh na zang ding hi.

Isaiah 52:1

Zion aw, khanglo in; khanglo inla na tha khauhsak in. Khuapi siangtho Jerusalem aw, na puan hoihte silh in. Bang hang hiam cih leh dawibia mite le a nin mite nang sungah hong pai nawn lo ding hi.

Galati 3:27

Khris sungah a kiphum note in Khrisʼ pianzia a nei khinta na hi uh hi.

Luka 15:22

Ahi zongin a pa in a nasemte sam a, ‘Hong manlang un. Puan hoih pen hong la unla silhsak un. A khutme ah zungbuh butsak unla, a khe ah khedap zong bulhsak un.

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion ah a om a dah mite a lungdam nading, a lungkham mite in phatna la a sak theih nading, a lunggim mite in Pasian a phat theih nadingin amah in kei hong sawl zo hi.

Isaiah 51:11

Topa’ mi a kithehthangte hong ciahkik dinga, lasakna tawh Zion ah hong pai ding uh hi. A tawntungin amaute lungdam ding uh a, amaute in lungdamna le kipakna ngahin, dahna le khuisatna nei nawn lo ding uh hi.

2 KHANG TANGTHU NIHNATE 6:41

Tu-in ding in, Topa Pasian aw, na tawlngak nading munah na vangliatna lim Thuciamna Singkuang tawh pai in. Topa Pasian aw, na siampite, thupha pia inla, na hoihna ah na mi siangthote lungdam tahen.

1 PETER MASA 1:8

Amah mu ngei lo napi-in na it uh a, amah mu ngei lo napi-in a thu umin kam a gen zawh loh zah dongin nakpi takin na lungdam uh hi.

ROM (Romans) 13:14

Kidal nadingin, Topa Jesu Khrisʼ hong piak galhiamte zang unla, na pumpi uh deihna bangin gamtat nading hun omsak nawn kei un.

ROM (Romans) 3:22

Tua thu in: Jew mi le Gentail mi kuamah a kilamdanna om loin Jesu Khris upna hangin mi khempeuh in Pasian tawh kipawl theihna a ngah hi.

Habakkuk 3:18

Topa Pasian pen hong hon khia pa ahih manin lungdamin ka kipak lai veve ding hi.

1 SAMUEL MASA 2:1

Hannah in zong thu ngenin, “Topaʼ tungah ka lungdam a, Topaʼ hangin ka kipak hi. Nong huhna hangin ka galte ka nuihsan hi.

Isaiah 25:9

Tua ni ciangin, “En un, amah pen eima Pasian ahi hi. Eite a hong hon dingin amah i ngak hi. Amah pen eima Topa ahi hi. Amah i ngak hi. Amah in eite hong hon khia ahih manin lungdamin kipak ni,” kici ding hi.

Filippi 4:4

Topa sungah lungdam tawntung un, ka hong cih sa bangin tu-in zong lungdam un, ka hong cikik hi.

Isaiah 35:10

Topa’ hotkhiat sa mite hong ciahkikin, lungdam tawntungna mai pua-in la sa kawmin Jerusalem ah hong tung ding uh hi. Amaute in lungdamna le kipakna ngah ding uh a, dahna le khuisatna om nawn lo ding hi.

Mangmuhna 21:9

Tua ciangin gimna nunung sagihte a dimin a om hai sagih a tawi vantungmi sagihte sung panin khat kei kiangah hong pai-in thu hong gen a, “Hong pai in; Tuuno zi, a Mothak kong lak ding hi,” hong ci hi.

Late 28:7

Topa, ka hatna le ka lum hi a, amah ka muang hi. Tua ahih manin kei hong kihuh a, lungdamin ka diang a, ka lasakna tawh ama tungah lungdamna ka ko hi.

Zekhariah 10:7

Israel mite, galkap hatte bang ding uh a, zukham lungnuam, bang ding uh hi. A suan a khakte un hih gualzawhna phawkin lungdam ding uh a, Topaʼ bawlna hangin kipak ding uh hi.

Jeremiah 2:32

Nungak khat in a kizepnate mangngilh thei ahi hiam? A kipi mothak in a mothak puante mangngilh thei ahi hiam? Ahih hangin ka mite in sim zawh loh ni tampi sung a hong mangngilh uh hi.

Nehemiah 8:10

Tua ciangin amah in amaute kiangah, “Tu-in ciah un. Anlim tuilim ne-in thadim unla, a nei zo lote zong va kholh un; bang hang hiam cih leh i Topa adingin tu ni pen biakna ni siangtho ni ahi hi; dah kei un, bang hang hiam cih leh Topaʼ hong piak lungdamna in note hong thahatsak ding hi,” a ci hi.

Piancilna 24:53

Nasem pa in ngun le kham kizepnate le puante hong suah khia-in Rebekah a pia hi. A sanggampa le a nu zong a manpha kizepnate a pia hi.

Mangmuhna 4:4

Tua tokhom kimkot ah tokhom sawm nih le li om a, tuate tungah puan pak silhin kham lukhu a khu upa sawm nih le lite tu uh hi.

JOB (Job) 29:14

Thuman, puan bangin ka silh a, thuman in kei hong tuam hi. Thutang, puan pi-in ka silh a, thutang in kei hong tuam hi.

Late 35:9

Tua ciangin Topa tungah ka lungdam mahmah dinga, ama hotkhiatna ah nuamin ka diang ding hi.

Solomon la 1:10

Na biang tuakah a kai suk na samphekte ngaihbaang a, suangmanpha bangin na liangko tungah kinga hi.

Isaiah 12:1

Ni khat ni ciangin mite in, “Topa aw, kei tungah na heh hangin na hehna dam ta a, kei hong hehnem na hih manin nang tungah lungdamna kong ko ding hi.

Isaiah 12:2

En in, Pasian pen kei a hong hon khia pa ahi hi. Amah ka muang dinga, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong hon khia pa ahi hi,” a cih hun uh hong tung ding hi.

Isaiah 17:10

Nomau hong hon khia Pasian note in mangngilhin, nomauʼ belh Suangpi phawk lo na hih manun note in biakna huan bawlin kung hoihte suan a, kung namdangte tawh pehin,

Isaiah 25:1

Topa aw, nang pen keima Pasian na hi hi. Nangmah kong liansak dinga, nangma min ka phat ding hi. Bang hang hiam cih leh a lamdang nate na sem khin a, tanglai pek a na geelnate a kip a kho takpi ahi hi.

Isaiah 41:16

Amaute na haih ding uh a, huih in amaute mut khia dinga, huihpi in amaute thehthang ding hi. Tua ciangin Topa’ hangin na lungdam ding uh a, Israel-teʼ Siangtho Paʼ hangin na minthang ding uh hi.

Isaiah 48:18

Ka thupiakna a ngai hi hoh leteh! Nangma nopsakna gunpi bang dinga, na thumanna, tuihualte tawh kibang ding hi.

Isaiah 49:4

Ahih hangin keimah in, “Na ka sem a, ahi zongin a kimanna om lo hi. Ka thatang khempeuh ka beisak a, ahi zongin bangmah ka tangtun kei hi. Ahi zongin Topa in a manin na hong sem ding, ci-in ka muang a, ka sep thaman hong pia ding hi, ci-in ka um hi,” ka ci hi.

Isaiah 51:3

“Tu-in Zion ka hehnem ding hi. A kisia ama munte khempeuh puahpha-in, ama gamlakte Eden huan sung ka bangsak dinga, ama sehnel gamte Topa’ huan ka bangsak ding hi. Ama sungah lungdamna le kipahna, lungdamkohna le lasakna awging om ding hi.

Isaiah 56:7

ka mual siangtho ah paipihin keima thungetna inn sungah ka lungdamsak dinga, amauteʼ meihal biakna le a biakpiaknate uh ka biakna tau tungah kisang ding hi. Bang hang hiam cih leh ka inn pen mi khempeuh adingin thungetna inn kici ding hi.

Isaiah 58:14

keimah biakna hangin lungdamna na ngah ding uh a, leitung khempeuh ah pahtawina kong ngahsak ding hi. Na pu uh Jakob tungah ka piak leitang luahin nuam na sa ding uh hi. Topa ahi keimah in hih thu ka gen khin hi, a ci hi.

Isaiah 65:18

Keima piansak sa sungah lungdamin kipakin om tawntung un. Bang hang hiam cih leh Jerusalem khuapi lungdamna khua-in bawlin, a mite a lungnuam dingin ka bawl hi.

Ezekiel 42:14

Siampite in Topa tungah biakna pia-in biakinn sungah a lut khit uh ciangin a pua lamah a pusuah nop uh leh, Topa tungah biakna a piak laitakun a silh uh puante suahin hih inn deite sungah koih ding uh hi. Tua lai panin puan dang silhin midangte omna ah pai thei pan uh hi,” hong ci hi.

Zekhariah 3:5

Tua ciangin a sawltak van mite thu pia a, Joshuaʼ lu tungah dial siangtho a khipsak ding uh a sawl hi. Topaʼ vantungmi tua munah a din sung mahin, amaute in zong Joshua, dial siangtho khimsakin, tua khit ciangin puan siangtho zong a silhsak uh hi.