Isaiah 6:5 - Tedim Bible Revision 2017

⁵ Tua ciangin keimah in, “Gim ngah pa hi ta ing! Bang hang hiam cih leh a mawknapi ka hi hi; ka kam a ka thugen khempeuh a mawkna vive hi a, a thugen khempeuh uh mawhna le nitna ahi mite lakah ka teeng kha hi. Vanglian Topa, Kumpipa ka mu kha khinta hi,” ka ci hi.

Tedim Bible

⁵ Tua ciangin keimah in, “Gim ngahpa hi ta ing! Bang hang hiam cih leh a mawknapi ka hi hi; ka kam-a ka thugen khempeuh mawhna vive hi a, a thugen khempeuh uh mawhna leh nitna ahi mite’ lakah ka teeng kha hi. Vanglianpen Topa, Kumpipa ka mu kha khin ta hi,” ka ci hi.

Isaiah 6:5 Referans Kwoze

Jeremiah 1:6

Tua ciangin keimah in, “Ah, Topa Pasian aw, kei thugen ka siam kei a, naupang khat ka hi lel hi,” ka ci hi.

Paikhiatna 6:30

Ahih hangin Moses in Topa kiangah, “En in, kei pen thugen a siam lo mi ka hi hi. Tua ahih ciangin bangci-in Faro in ka thu hong ngai ding ahi hiam?” a ci hi.

Isaiah 29:13

Tua ciangin Topa in, “Amauteʼ lungsim kei tawh kigamla napi-in hih mite in a kam uh tawh kei kiangah hong pai uh a, a muk uh tawh kei hong pahtawi-in, amaute in kei hong kihtakna pen mihingteʼ thupiak a zuihna uh ahi lel hi.

Paikhiatna 4:10

Ahih hangin Moses in Topa kiangah, “Oh, ka Topa aw, tu masiah hitaleh na nasem pa tungah thu na gen a kipan hitaleh, kei thugen a siam ka hi kei hi. Ka kampau ol-in, ka pau awk hi,” a ci hi.

Ezekiel 33:31

Tua ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kamun hoih khem napi-in, a lungsim uh ah amauʼ meetna ding bek ngaihsun uh hi.

Paikhiatna 6:12

Ahih hangin Moses in Topa kiangah, “En in, Israel mite nangawn in ka thu hong ngai lo uh hi. Tua ahih ciangin bangci-in thugen siam lo keima thu, Faro in hong ngai ding ahi hiam?” a ci hi.

Thukhente 6:22

Tua ciangin Gideon in amah pen Topaʼ vantungmi ahih lam a thei hi. Gideon in, “Ala! Topa Pasian! Topaʼ vantungmi mai kituahin ka mu kha khin hi,” a ci hi.

Paikhiatna 33:20

Ahih hangin nangmah in ka maitang na mu thei kei ding hi. Bang hang hiam cih leh mi in kei hong mu leh tua mi nungta lo ding hi,” a ci hi.

Thukhente 13:22

Manoah in a zi kiangah, “Pasian mu khin ihih manin i si taktak ding hi,” a ci hi.

Jeremiah 51:57

A kumpi uliante le a mipilte uh a kipan ukpite, uliante le galkapte, zu ka khamsak dinga, a tawntungin ihmu-in a khanglo nawn kei ding uh hi, ci-in Vanglian Topa a kici kumpipa in kong gen hi.

Isaiah 33:17

Tua ciangin a thupi mahmah kumpipa na mu ding uh a, a zai mahmah a gam zong na en ding uh hi.

Habakkuk 3:16

Hih thute khempeuh ka zak ciangin ka pumlinʼ a, lau lua-in ka muk liing sapsap hi. Ka guh ka taang hong zen a, guh nei lo bangin ka puk cip suk hi. Ko hong sim gawp mite Pasian in gim a piak ding hun daitakin ka ngak khikhe ding hi.

Paikhiatna 24:10

amaute in Israel Pasian mu uh hi. Ama khe nuai ah a sianthona van mel tawh a kibang, sapfaia suangmanpha tawh a kibawl suangphahpek bang pian om hi.

Gamlak-vakna 17:12

Israel mite in Moses kiangah, “En in, kote a si ka hi ta uh a, kote khempeuh a mawkna ka hi ta uh hi.

Isaiah 59:3

Bang hang hiam cih leh na khutte uh mi thahna sisan tawh nin a, na khutmete uh mawhna tawh a nin hi. Na mukte un zuau thu gen a, na leiite un gitlohna thu a gen hi.

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puan nin tawh kibang lai veve hi. Kote khempeuh singteh bangin ka vul uh a, ka mawhna hangun huih letkhiat nahthel keu ka bang uh hi.

Ezekiel 12:2

“Mihing ahi Ezekiel aw, a lehdo thei mite lakah a teeng na hi hi. Amaute in mit nei napi-in khua mu lo uh hi. Amaute pen a lehdo thei mite ahihna hang uh ahi hi.

Daniel 9:20

Keima mawhna le ka mipih Israel-teʼ mawhna pulakin, ka Topa Pasian kiangah a biakinn siangtho a hong puahkik nadingin thumin ka ngenngen hi.

Piancilna 32:31

A khelpiʼ hangin amah bai kawmin Peniel a kantan laitakin ni hong suak hi.

Paikhiatna 3:6

Tua ciangin amah in, “Kei pen na paʼ Pasian, Abrahamʼ Pasian, Isaacʼ Pasian le Jakobʼ Pasian ka hi hi,” a ci hi. Tua ciangin Moses in Pasian a muh ding lau ahih manin a maitang a hum hi.

Late 24:10

Hih a minthang Kumpipa kua ahi hiam? Vanglian Topa, minthang Kumpipa ahi hi.

Isaiah 24:16

Leimong a gamla pek pan nangawnin a thuman Israel minamte a kiphatna la i za ding hi. Ahih hangin keimah in, “Ka lungkham hi; ka lungkham hi. Gimna ngah hi ta ing! Bang hang hiam cih leh mi khemte in khemkhem lai-in sia semsem uh a, khem zawh thu mah ciamciam lai uh hi,” ka ci hi.