Isaiah 6:13 - Tedim Bible Revision 2017

¹³ Mi sawm-ah-khat bang a om lai tei hangin, taak kung le tawsaw kungte a kiphuk khit ciangin a bulsum a omlaite mei tawh a kihalkik bangin amaute zong kisusia ding hi,” hong ci hi. (A bulsum pen Pasianʼ mite a kipat thakna ding lahna lim ahi hi.)

Tedim Bible

¹³ Mi, seh sawmsuah seh khat bang a om lai hangin, taak kung leh tawsaw kungte a kiphuk khit ciangin a bulsum om laite mei tawh a kihal kik bangin amaute zong kisusia ding hi. A siangtho khaici pen, tua a bulsum ahi hi, ci hi.

Isaiah 6:13 Referans Kwoze

Piancilna 22:18

na suanlekhakte thupha ka piak bangin, leitung minam khempeuh in thupha a ngah nadingun hong ngen ding uh hi. Bang hang hiam cih leh nang in ka thu na mang hi,” a ci hi.

Ezra 9:2

Amaute le a tapate un hih gam a teeng minam dangteʼ numeite teenpih uh a, tua thu hangin a siangtho minam pen tu-in gamdang mite tawh a kihel suakta hi. Tua hi a, hih thu ah makaite le thukhen uliante pen a khial masa ahi uh hi,” hong ci uh hi.

Marka 13:20

Topa in tua gimna hun a ni khiam lo hileh a suakta zo kuamah om lo ding hi. Ahi zongin ama teel mite a khualna-in a ni a khiam hi.

Malakhi 2:15

Pasian in na zite uh tawh pum khat, lungsim khat ahi dingin hong bawl hi lo ahi hiam? Hih bangin a hong bawlna pen bang a deihna ahi hiam? Pasianʼ mi taktak ahi ding tate i neih theih nading ahi hi. Tua ahih manin na khangno lai-un na teenpih na zi uh tawh na thuciamna uh na palsat khak loh nadingun kidawm un.

Isaiah 1:9

Vanglian Topa in eite tawmno khat a nungta-in hong siit hikeileh, eite pen Sodom khua bang khinin Gomorrah khua i bang khinta ding hi.

ROM (Romans) 9:5

le a thupi pupiteʼ suanlekhakte hi uh a, leitung si le sa tawh kisai-in Khris zong amau minam sung panin a piang ahi hi. Hih thute hangin mi khempeuh in na khempeuh a uk Pasian phat tawntung ta uh hen! Amen.

Isaiah 4:3

Topa in thukhenna le meihalna tawh Zion miteʼ mawhna teng siangsakin, Jerusalem khua sung panin mi thahna teng a beisak ciangin Zion ah a om lai mi, Jerusalem ah khang tawntungin a om dingin a kiciamteh sa mite khempeuh, a siangtho kici ding hi.

Mattiu 24:22

Pasian in tua gimna hun a ni khiam lo hileh a suakta zo kuamah om lo ding hi. Ahi zongin ama teel mite a khualna-in a ni a khiam ding hi.

Thu-hilhkikna 7:6

“Bang hang hiam cih leh note pen Topa noteʼ Pasianʼ tungah a siangtho mi na hi uh hi. Leitung a om mite khempeuh sung panin ama mi ahi dingin Topa na Pasian un note hong teel zo hi.

Isaiah 11:1

Jessiʼ phung sung panin a sel khat hong khang khia dinga, a zungte panin a no khat hong khang ding hi.

Ezekiel 6:8

“Tua banga kihonthahna panin pawl khat ka suaktasak dinga, minam dangte lakah kithehthangin,

Amos 5:3

Tua ahih manin Topa in hih bangin ci hi: Israel khuapi khat in galkap tul khat kuan khiasak a, ahi zongin za khat bek hong ciahkik hi. Khuapi dang khat in galkap za khat kuan khiasak a, ahi zongin sawm khat bek hong ciahkik hi.

Zekhariah 13:8

Leitung khempeuh ah, seh thum suah sehnih si dinga, seh khat bek suakta lai ding hi.

Thu-hilhkikna 28:62

Note, vantung aksite zahin a tam na hihna sung uh ah tawmno bek na pha ding uh hi; bang hang hiam cih leh Topa na Pasian uh thu na mang kei uh hi.

Ezra 9:8

Ahi zongin tu-in Topa ka Pasian un tom kha sung kote hong hehpih a, a suakta pawl khat hong omsakin nangma mun siangtho ah siksan ding mun nong pia hi. Nangmah in ka mit uh hong vaksakkikin ka salsuahna uh ah ka nuntakna uh ka thak pat theih nading uh kalsuan cilna nong pia hi.

Micah 5:6

A namsau uh tawh Nimrodʼ gam ahi, Assiria gam zo ding uh a, Assiria mite in i gam hong sim ciangin amauteʼ kiang panin eite hong hon khia ding uh hi.

Zefaniah 3:12

Note lakah a kiniamkhiat, mi neute bek, ka suaktasak lai dinga, keima tungah huhna hong ngen ding uh hi.