Biblia Todo Logo
Bib sou entènèt

- Piblisite -




Isaiah 6:1 - Tedim Bible Revision 2017

1 Kumpi Uzziah a sih kumin, a sang mahmah, a lian kumpi tokhom tungah Topa a tu ka mu hi. Ama kumpi puanpi pen biakinn sungteng a dim hi.

Gade chapit la Kopi

Tedim Bible

1 Uzziah Kumpipa a sih kumin, a sang mahmah, a lian kumpi tokhom tungah Topa a tu ka mu hi; ama kumpi puanpi pen biakinn sung teng dim hi.

Gade chapit la Kopi




Isaiah 6:1
38 Referans Kwoze  

Isaiah in Jesuʼ neih Pasianʼ pianzia mu ahih manin hih bangin thu a gen ahi hi.


Tua biakinn sungah Pasianʼ minthanna le a vangliatna khu kidim ahih manin, vantungmi sagihte in hong paipih gimna sagih a ven matengin biakinn sungah kuamah lut thei lo uh hi.


Ka et laitakin kumpi tokhomte a hong kikoih hi. A nungta tawntung mipa tua tokhomte khat tungah a tu hi. A puante vuk bangin ngo a, a samte tuumul hoih tawh a kibang hi. A tokhom pen meikuang leengpei tungah kinga-in mei kuang zuazua a,


A sangna munah a tu, vantung le leitung a hong en suk Topa, eiteʼ Pasian pen kua tawh kibang ahi hiam?


“Mihing Tapa a vantung mite tawh Kumpi-in hong pai khawm uh ciangin a kumpi tokhom tungah hong tu ding hi.


Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.


Topa in hih bangin ci hi: Vantung pen keima tokhom hi a, leitung pen keima khengakna ahi hi. Kei adingin koi lai ah inn lam dinga, keima tawlngak nading mun koi lai ahi hiam?


Pasian aw, vantungteʼ tungah sang to lai in. Leitung khempeuh ah na minthanna omsak in.


Thakhat thu-in Kha Siangtho tawh ka kidim a, tua vantung a tokhom tungah mi khat a tu ka mu hi.


Keimah zong gualzo-in ka Paʼ tokhom ah ka tut khawm uh mah bangin a gualzote khempeuh zong kei tawh ka tokhom tungah hong tut khawm theih nadingun thu ka pia ding hi.


“Om hithiat unla, Pasian ka hihna thei un. Minamte lakah keimah hong kisangsak a, leitung khempeuh ah ka min hong kithangsak hi,” a ci hi.


Tua ciangin, tokhom tungah a tupa in a taklam khut ah a tawi laizial tawn khat ka mu hi. Tua a laidal tung a lang nih tuakah lai kigelhin a kizial cip khit ciangin a kiphel theih loh nadingin mun sagih ah kiciamteh hi.


Tua i Pasian bek mah a si thei lo hi a, khuavak pha mahmah sungah om ahih manin kuamah in a kiang neh thei lo hi. Kuamah in amah mu ngei lo a, zong mu thei lo hi. A tawntungin amah kipahtawi henla, vanglian tawntung tahen. Amen.


Tua ciangin Mikaiah in, “Tua ahih ciangin Topaʼ thu ngai in: Topa a kumpi tokhom tungah tu-in, ama taklam le a veilamah vantung mihonpi a ding ka mu hi.


Bang hang hiam cih leh a sang, a lian, a nungta tawntung Pa, ama min Siangtho ahi pa in hih bangin ci hi: “Kei pen a sangna mun le a siangtho munah ka om a, a kiniamkhiat miteʼ lungsim le a kisik miteʼ lungsim a thakhauhsakkik dingin kisikna le kiniamkhiatna lungsim a neite tawh zong kei ka om khawm hi.


Judah gam kumpi ahi Uzziah, Jotham, Ahaz le Hezekiah-teʼ hun lai-in Amozʼ tapa Isaiah in Judah gam le Jerusalem khua tawh kisai a maangmuhnate:


Amah tawh kam le kam kiho-in, a kitel lo kampaute tawh hi loin, a kitel takin thu ka gen uh a, amah in Topaʼ mel a mu hi. Tua bang ahih ciangin bang hangin ka nasem Moses gensiat ding lau lo na hi uh hiam?” a ci hi.


nungta tawntungin tokhom tungah a tupa mai ah tua upa sawm nih le lite zong bokin amah bia uh a, tua tokhom mai ah a lukhute uh lawnin, la sa uh a,


Tua ciangin kherub-teʼ lu tung sanah a om a kuum ka et leh sapfaia suangmanpha tawh a kibawl kumpi tokhom bang pian khat, tua a kuum tungah a om hi.


Kum sawm thum ka phak kum, a kha lina, a ni nga ni-in Babylon gam a om Khebar Gun gei ah sal a om Jew midangte tawh ka om laitakin maang ka mu hi. Tua ka maangmuhna ah van hong kihong a, Pasian ka mu hi.


Ni khat ni ciangin mite in, “Topa’ tungah lungdam ko unla, ama hong huh ding ngen un. Minam khempeuh lakah ama septe kitheisak unla, ama min kiliansak hi, ci-in gen un.


mualte le suangtum lianpite kiangah, “Kote tungah hong kia suk unla, tokhom tungah a tupaʼ maitang le Tuunoʼ hehna panin kote hong liah un.


Tua ciangin Uzziah si a, amaute in David khuapi sungah a pate tawh amah vui uh a, tua ciangin ama tangin a tapa Jotham in a uk hi.


Tua Tuuno va pai a, tokhom tungah a tupa in a tak lamah a tawi laizial a va la hi.


Tua tokhom tungah a tupa pen Jasper le Karnelian suangmanpha bangin taang ziazua a, a tokhom kimkot pen Emerald suangmanpha bangin suum pempam hi.


Tua ganhingte in a nungta tawntung, tokhom tungah a tupa tungah a lungdamna uh ko-in pahtawi-in a phat simun


Tua ciangin tokhom kang a lian khat le a tungah a tupa ka mu hi. Ama omna panin lei le van leng khia mang a, a tunna mel uh kithei lo hi.


Tua ciangin Mikaiah in, “Topaʼ thugen za in: Topa a kumpi tokhom tungah tu a, a taklam le a veilamah vantung mihon khempeuh a ding ka mu hi.


Kherub-teʼ tung panin Topaʼ minthanna vang hong pai khia-in biakinn kongah va om hi. Tua ciangin biakinn sungah meiipi hong kai a, biakinn tual ah Topaʼ minthanna vang taang zeizai hi.


A topaʼ mai ah a ding sila khat tawh ka kibang hi. Bangci bangin thu hong gen thei ding ka hi hiam? Husanʼ zawh nading thatang nangawn ka nei kei hi,” ka ci hi.


Tua ciangin Moses le Aaron, Nadab, Abihu le Israel upate sung pan sawm sagih pai to uh a,


Nidangin miʼ gen sawn bekin nang ka hong thei a, tu-in keima mit mahmah tawh nang ka hong mu ta hi.


Swiv nou:

Piblisite


Piblisite