Isaiah 59:15 - Tedim Bible Revision 2017

¹⁵ Thuman om lo lua ahih manin siatna a pelh mipa pen mihai-in kingaihsun zawsop hi. Topa in hih thu mu a, thutang om lo ahih manin amah lungkim lo hi.

Tedim Bible

¹⁵ Thuman om lo lua ahih manin siatna a pelh mipa pen mi hai-in kingaihsun zawsop hi. Topa in hih thu mu a, thutang om lo ahih manin amah a lungkim lo hi.

Isaiah 59:15 Referans Kwoze

Micah 7:2

Leitungah mihoih teng bei khinta a, Pasianʼ tungah a thuman mi kuamah om nawn lo hi. Mihoih teng si khinta hi. Mi khempeuh in mi thah ding bek ngaihsun uh a, a kuamah peuh in a mipihte thah ding bek hanciam uh hi.

ROM (Romans) 8:36

Lai Siangtho sungah zong, “Note hangin sun thapai-in siat nading lauhuaina ka thuak uh a, gawh ding tuu bangin a hong kibawl hi,” ci-in a kigelh hi.

Sawltak 9:23

Tua zawh ni tampi khit ciangin Jew mite kikaikhawmin Saul thah sawm uh a,

Sawltak 9:1

Tua hun sungteng Saul in Topaʼ thu a um mite thah dingin a hanciamna zom lai hi. Siampi lianpen pa kiangah pai a,

2 KORIN NIHNA 5:13

Mihai ka hih uh leh zong Pasianʼ minthan nading hi a, mipil ka hih uh leh zong noteʼ phattuam nading mah hi veve hi.

Sawltak 26:24

Hih bangin amah kiphelna thu Paul in a gen ciangin Festas in, “Paul aw, mihai na hi ta hi. Na pil sinna teng in mihai hong suaksak ta hi,” ci-in nakpi takin a kiko hi.

Marka 3:21

A innkuanpihte in hih thu a zak uh ciangin Jesu a la dingin hong kuan khia uh hi. Bang hang hiam cih leh, “Jesu mihai suakta hi,” a kicihna thu a za uh hi.

Hosea 9:7

Gim thuakna hun hong tung ta a, thukkikna hun hong tung ta hi. Tua hun ciangin Israel mite in na thei ding uh hi. Noteʼ mawhna hang le note in kei nong muhdah luat manun, “Hih kamsang pa mihai hi; hih thumu pa lungsim kicing lo hi,” nong ci uh hi.

Jeremiah 29:26

“Topa in siampi Jehoiada tangin nangmah siampi-in hong koih khinzo a, Topaʼ biakinnpi sungah a ukpi ding na hi ta hi. Tua ahih manin thu a hilh mawkmawk mihaite thong kiasakin kol na bulh ding hi.

Jeremiah 7:28

Tua ciangin nangmah in amaute kiangah, ‘Hih gam pen, Topa amauteʼ Pasianʼ thu a mang lo gam hi a, thuhilhna sang loin, thuman om nawn lo a, thuman genin zong a nei nawn kei uh hi,’ na ci ding hi.

Isaiah 48:1

Israel min tawh a kilo, Judah sung panin a piang khia, Topa’ min tawh thu ciam napi-in, thuman thutak tawh Israel Pasian a pulak lo Jakob innkuan aw, hih thu ngai un.

Late 5:9

Bang hang hiam cih leh amau sungah thuman om lo hi. Amau lungsimah siatna bek ngaihsun uh a, amau gawlgui pen a kihong sa hankhuk tawh kibang hi. A kam uh tawh mawk phat uh hi.

2 KHANG TANGTHU NIHNATE 21:7

Ahi zongin, David tawh a bawl sa a thuciamna, ama tung le a suante tungah ukna za a piak suak nading a ciam khitna hangin Topa in Davidʼ suante susia lo hi.

2 SAMUEL NIHNA 11:27

A kahna a ven ciangin David in mi sawlin ama inn ah tua nu lasak a, tua nu ama zi suakin, amah tawh tapa khat a nei hi. Ahih hangin Davidʼ gamtatna thu in Topa lungkim losak hi.

Johan 8:52

Tua ciangin mihonte in, “Dawivei taktak na hihna thu tu-in ka hong thei uh hi. Kamsangte khempeuh le Abraham zong si napi-in, ‘Keima thuhilhna a zui peuhpeuh si nawn lo ding,’ na ci lailai hi.

2 KUMPI NIHNATE 9:11

A topaʼ nasemte kiangah Jehu hong pusuah ciangin amaute in ama kiangah, “Thu khempeuh a hoih hiam? Bang hangin hih mihai pa nang kiangah hong pai ahi hiam?” a ci uh hi. Tua ciangin amah in amaute kiangah, “A mipa le a thugen na thei uh hi,” a ci hi.

Piancilna 38:10

Ama gamtatna Topaʼ muhna ah lungkimhuai lo a, Topa in amah zong a that hi.

Johan 10:20

Mi tampi tak in, “Hih pa pen dawivei, mihai hi lel ahih manin a thugen ngaih taak lo hi,” ci uh a,

Isaiah 1:21

A thutak, thutang tawh a kidim ngeisa khuapi, bangci-a a paktat numei tawh kibang ta ahi hiam? Ama sungah thumanna omngei napi-in tu-in mi thatte bek a om ta hi.

Isaiah 5:23

mimawhte sumgolh tawh khah a, midikte a mawhsakte in gimna ngah tahen!

Isaiah 32:7

Migina loʼ ginat lohna siahuai mahmah hi. Zuauna kam tawh mizawngte a siasak ding le mi cimawhteʼ thu a thuman ciang nangawnin a siasak dingin amah in gitloh nasepna a bawl hi.

Isaiah 59:4

Kuamah in thutang tawh thu na nei kei uh a, thuman tak tawh thukhen zumah na pai kei uh hi. Note in bangmah lopi suanin nei-in zuau thu na gen uh a, siat nading thu ngaihsunin buaina na piangsak uh hi.

Amos 5:10

Note in thukhen zumah thutang a deih pa na mudah uh a, thuman a gen pa na hua uh hi.

Isaiah 46:12

“Suahtak nading haksa mahmah ding hi, a ci lungsim khauh mite aw, ka thu ngai un:

Isaiah 65:12

namsau tawh a si dingin ka hong seh dinga, hong that dingteʼ mai ah na ngawng uh na dawh ding uh hi. Bang hang hiam cih leh kong sap ciangin note in nong dawng kei uh a, thu ka gen ciangin nong ngai kei uh hi. Keima thu man loh ding mah na ut zaw uh a, a sia na gamta uh hi.

Isaiah 66:4

Tua ahih ciangin amaute tungah gimna ka tungsak dinga, amauʼ kihtak thute mah amauʼ tungah ka tungsak ding hi. Bang hang hiam cih leh ka sap ciangin kuamah in hong dawng lo uh a, thu ka gen ciangin kuamah in hong ngai lo uh hi. Keima thu man loh ding mah ut zaw uh a, a sia-in gamta uh hi, a ci hi.

Kah la 3:36

zum thukhenna ah a manin thu a kikhen loh ciangin, amah in a hong thei veve hi.