Isaiah 59:1 - Tedim Bible Revision 2017

¹ A hon khia zo lo dingin Topa zawngkhal lo a, khua a za thei lo dingin a bilngong lo hi.

Tedim Bible

¹ En un, a honkhia zo lo dingin Topa a ban tom lo a, khua a za thei lo dingin a bil ngong lo hi;

Isaiah 59:1 Referans Kwoze

Jeremiah 32:17

‘Topa Pasian! Nangma vangpi le na khut tawh vantung le leitung na bawl khinzo hi. Nang adingin a haksa lua khat beek om lo hi.

Isaiah 50:2

“Kong pai ciangin bang hangin mi khat zong om lo ahi hiam? Kong sap ciangin bang hangin hong dawng ding khat zong om lo ahi hiam? Hong hon zo lo zah dingin ka khut hat lo lua ahi hiam? Tua ahih kei leh zong note khah khiatna ding vangliatna nei lo ka hi hiam? Keima taina tawh tuipi ka keusak a, gunte pen sehnel gam ka suaksak hi. Tui om loh manin a ngasate dangtakin si-in a uih gawp hi.

Gamlak-vakna 11:23

Topa in Moses kiangah, “Topaʼ hih theih ding zah kiciangtan sa na hi hiam? Ka thugen a manin hong tun leh hong tun loh tu-in na mu ding hi,” a ci hi.

Isaiah 65:24

Amaute in hong sap ma-in keʼn ka dawng dinga, amaute in thu a gen laitakin keʼn ka za ding hi.

Hebru 7:25

Tua hi a, mite adingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a hon khia thei ahi hi.

Mattiu 13:15

Hih miteʼ lungsim mawl mahmah hi; a bil uh bingsak uh a, a mit uh a si uh hi. Tua bang hi kei le-uh, a mit uh tawh mu-in, a bil uh tawh za-in, a lungsim un tel dinga, kei lamah amaute hong kihei-in, amaute ka damsak ding hi, ci-in Pasian in gen hi,’ ci-in kigelh hi.

Piancilna 18:14

Na khat peuhpeuh Topa adingin haksa lua ahi hiam? A kiseh sa tu zawh kha kua ciangin nang kiangah kong paikik dinga, Sarah in tapa khat nei ding hi,” a ci hi.

Isaiah 58:9

Tua ciangin nong thungetna uh kong pia dinga, nong sap uh ciangin kong dawng ding hi. Mi bawlsiatnate khawlin, mi simmawhna le kam gilo na paunate uh na khawl uh a,

Isaiah 6:10

Amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theih tel loh nading, amaute kihei-in damna a ngah loh nadingun hih miteʼ lungsim mawlsak inla, amauʼ bil uh ngongsak inla, a mit uh va sisak in,” hong ci hi.

Isaiah 63:1

Edom gam, Bozrah khua panin puan ausan silhin a hong pai, a puan silhna ah minthanna mel nei-in, ama thahatna tawh a hong pai pa kua ahi hiam? A hon khia zo dingin hatna a nei, gualzawhna thu a zasak dingin a hong pai pa pen Topa ahi keimah ka hi hi.

Jeremiah 14:9

Bang hangin mi lungkia gawp bangin omin, a hon khia thei lo galkap pa bangin om na hi hiam? Ahih hangin Topa aw, koteʼ laizang ah nang na om a, nangma minin kote hong kisam hi. Kote hong nusia kei in,’ hong ci uh hi,” hong ci hi.

Ezekiel 8:18

Tua ahih manin amaute in ka heh mahmahna thuak ding uh a, amaute zah loin, zong ka khasiat kei ding hi. Amaute in a thaneih tawpun kei kiangah thu hong nget uh hangin amauteʼ thungetna ka ngai kei ding hi,” a hong ci hi.

Micah 2:7

Israel mite aw, “Topa a lung tom ta a, hihte khempeuh, ama hong bawl mah ahi hiam?” na cih ding uh kilawm lo hi. Ka thugenna kammalte, a thuman mite adingin a hoih hi lo ahi hiam?

1 SAMUEL MASA 4:3

Mihonte giahphual ah hong ciah ciangin Israel upate in, “Bang hangin Topa in tu ni-in Filistia miteʼ mai ah eite hong taisak ahi hiam? Eiteʼ lakah amah hong pai-in a thahat i galteʼ khut sung panin amah in eite hong hotkhiat theih nadingin Shiloh panin Topaʼ Thuciamna Singkuang paipih ni,” a ci uh hi.

1 SAMUEL MASA 8:18

Tua ni ciangin note adingin na teel sa uh na kumpipa uh hangin note na kiko ding uh a, ahih hangin tua ni ciangin Topa in note hong dawng lo ding hi,” a ci hi.

Late 94:9

I bil a bawlpa in khua za lo ding ahi hiam? I mit a piangsak pa in khua mu lo ding ahi hiam?

Isaiah 50:1

Topa in, “Amah ka ciahsakna, na nu a kimakna lai koi ah om ahi hiam? Tua ahih kei leh nang kong zuakna ka leibatnate koi pan ahi hiam? Nomau mawhna hangin note hong kizuak a, nomau khialhna hangin na nu uh kipaikhiasak hi.