Isaiah 53:2 - Tedim Bible Revision 2017

² Bang hang hiam cih leh amah pen kungno khat ahi a, lei keu sungah a om singzung khat bangin ahi zongin ama mai ah khangto lel hi. Eiteʼ et dingin amah in lim le deihhuaina mel bangmah nei lo a, eiteʼ deih dingin hoihna nei lo hi.

Tedim Bible

² Bang hang hiam cih leh amah pen kungno khat leh leikeu sunga zung khat bangin ama mai-ah khangto hi; eite’ et dingin ama’ limin deihhuaina mel nei lo a, eite’ deih dingin hoihna nei lo hi.

Isaiah 53:2 Referans Kwoze

Isaiah 52:14

Mi tampite in amah lamdang sa uh hi. Mihing a bang nawn lo zah dongin nakpi takin a mai sia a, mihing a sun nawn lo zah dongin a mel a sia hi.

Isaiah 11:1

Jessiʼ phung sung panin a sel khat hong khang khia dinga, a zungte panin a no khat hong khang ding hi.

Marka 6:3

Amah khutsiam pa hi lel a, Mary’ tapa hi lo ahi hiam? James, Josef, Judas le Simon-teʼ u hi lo ahi hiam? A nau numeite zong hih lai mah a om hi lo ahi uh hiam?” a ci uh hi. Tua hi a, amah sang zo lo uh hi.

Jeremiah 23:5

“En un, Topa in kong cih in ah, keimah in Davidʼ suan lak panin kumpi dingin a dik tat mi khat ka khan khiatsak ni hong tung ding hi. Amah gam uk siam mahmah dinga, gam sungah thuman thutang tawh thu hong khen ding hi.

Marka 9:12

Jesu in, “Na khempeuh a bawl khol dingin Elijah hong pai masa takpi hi. Mihing Tapa in gimna tampi thuakin simmawhna ngah ding hi, ci-in Lai Siangtho in gen hi lo ahi hiam?

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hih zo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingteʼ mawhna lungsim mah a nei-in a hong pai hi.

1 PETER MASA 2:14

a gamtat siate gim pia-in, a gamtat hoihte a pahtawi dingin kumpipa in a sawl thuneite khempeuhʼ thu ahi zongin na mang un.

Johan 19:5

Tua ahih manin Jesu zong ling lukhu khu kawm leh puansan silh kawmin hong pusuak a, Pilat in mihonte kiangah, “En un, hih lai ah na mipa uh om hi,” a ci hi.

Johan 18:40

amaute awng gawpin, “Hih mipa khah kei in! Barabbas hong khah in!” ci-in a dawng uh hi. (Barabbas pen mi suamin thong kia khat ahi hi.)

Luka 9:58

Jesu in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihing Tapa in a luptheih nading mun koi mahah nei lo hi,” a ci hi.

Zekhariah 6:12

Ama kiangah, ‘Vanglian Topa in hih bangin ci hi: “Hih mipa pen sing bangin A Sel a kici mipa ahi hi. A omna peuhpeuh ah amah cithei dinga, Topaʼ biakinn lamkik ding hi.

Luka 2:7

Zintun nading mun dang khempeuh mi dim khinta ahih manin ganbuk ah tung uh a, a tacil ahi ta pasal khat nei-in, puan tawh tunin gan annekna kuang sungah a sial hi.

Isaiah 4:2

Tua ni ciangin Topa’ bul sel pen melhoihin minthang dinga, leitung panin a piang gahte pen, a suakta lai Israel miteʼ kiphatsakna le minthanna hi ding hi.

Isaiah 9:6

Bang hang hiam cih leh eite adingin naungek khat hong suak a, eiteʼ tungah tapa khat hong kipia hi. Amah pen eite hong ukpa hi dinga, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Zekhariah 3:8

Tua ahih ciangin siampi lianpen pa Joshua aw ngai in: Ama siampi pih ahi no a dangte in zong ngai un. Note pen mailam thuhoihna ding lim na hi uh hi. Sing bangin A Sel a kici min nei khat kong paisak ding hi.