Isaiah 53:1 - Tedim Bible Revision 2017

¹ Tua ciangin mite in, “I zak thu kua in um thei ding ahi hiam? Hih bang thu ah Topa’ vangliatna khut kua in bangci muh theih ding ahi hiam?

Tedim Bible

¹ Tua ciangin mite in, “I zaksa thu kua in um thei ding ahi hiam? Hih bang thu-ah Topa’ vangliatna khut kua in bang ci muh theih ding ahi hiam?

Isaiah 53:1 Referans Kwoze

Johan 12:38

Kamsang Isaiah in, “Topa aw, kua in ka thugente um a, Topaʼ vangliatna kua tungah kilak ahi hiam?” ci-in a genna thu a tun nading ahi hi.

1 KORIN MASA 1:18

Bang hang hiam cih leh sihna a thuak mite adingin singlamteh tungah Khris sihna thu pen a haihuai thu ahi hi. Ahi zongin hotkhiatna a ngah eite adingin Pasianʼ vangliatna ahi hi.

Johan 1:12

Tua bang hitaseleh ama thu ngai-in amah a um mite khempeuh tungah Pasianʼ tate suah theih nading thu a pia hi.

Mattiu 16:17

Tua ciangin Jesu in ama kiangah, “Jonahʼ tapa Simon aw, hoih mahmah hi. Hih thu, leitung pilna tawh na theih tawm hi lo a, vantungah a om ka Pa in nangma tungah hong hilh ahi hi.

Mattiu 11:25

Tua ciangin Jesu in, “Vantung le leitung Topa ahi ka Pa aw, mipilte le misiamte tungah na ip hih thute, bangmah a thei lo hih mite tungah lak na hih manin ka nuam hi.

1 KORIN MASA 1:24

Ahi zongin Pasian in a hong sap ei Jew mite le Gentail mite adingin Khris pen Pasianʼ vangliatna le Pasianʼ pilna ahi hi.

Isaiah 40:5

Topa’ kam in gen khin ahih manin, Topa’ minthanna vang hong kilang dinga, mi khempeuh in mu khawm ding uh hi,” a ci hi.

Isaiah 52:10

Topa in minam khempeuh mai ah a vangliatna siangtho zangin ama mite hon khia hi. Leitung mi khempeuh in i Pasianʼ hotkhiatna mu ding uh hi.

Isaiah 51:9

Khanglo in, khanglo in; thakhauh in, Topa aw. Khang sawtpi, hun lui lai-a bangin na vangliatna zangin hong huh in. Rahab a satzan gawp pa, gulpi a sun pa, nangmah hi lo na hi hiam?

Johan 1:7

mi khempeuh in ama thugenna za-in tua khuavak a up theih nadingun tua khuavak thu a gen dingin a hong pai ahi hi.

Isaiah 62:8

Topa in limtakin thuciamna bawl khinzo a, a vangliatna tawh tungsak ding hi. “Na galteʼ an dingin na ante ka piakik nawn kei dinga, nangma sep sa leenggahzu gamdang mite in dawn nawn lo ding hi.

Luka 18:31

Tua ciangin Jesu in nungzui sawm le nihte a tuamin paikhiat pihin amaute kiangah, “Tu-in Jerusalem khua ah a pai ding ihi a, kamsangte in Mihing Tapaʼ thu a gelh khempeuh, tua lai munah a hong tung ding hi.

Isaiah 59:16

Amah in nenniamna a thuakte a huh ding mi khat beek a om lohna a mu hi. Tua ahih ciangin amaute a hon khia ding le a gualzawh nadingin ama vangliatna a zang ding hi.