Isaiah 5:9 - Tedim Bible Revision 2017

⁹ Vanglian Topa in ka zakna ah hih bangin kiciam a, “A mantakin inn tampi tak hawmsuak dinga, a lian a hoih innte ah a teeng om lo ding hi.

Tedim Bible

⁹ Vanglianpen Topa in ka zakna-ah hih bangin kiciam hi: “Aman takin, inn tampi tak hawmsuak ding a, a lian a hoih innte ah a teeng om lo ding hi.

Isaiah 5:9 Referans Kwoze

Mattiu 23:38

Tu-in na innte kisusiacip ding hi.

Amos 5:11

Note in mizawngte tuancilin, a an neih teng khempeuh uh laksak na hih manun, suangseek inn na lam hangun tua suang inn sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.

Amos 3:7

Topa Pasian in ama nasem kamsangte tungah ama geelna theisak masa lopi-in bangmah hih het lo hi.

Isaiah 22:14

Vanglian Topa in keima tungah thu hong gen a, “Na sih matengun hih mawhna hong kimaisak het lo ding hi,” Vanglian Topa Pasian in hong ci hi.

Mattiu 22:7

Kumpipa zong heh mahmah a, a galkapte kuansakin tua mi thatte a thahsak khit ciangin a khua a hal tum sak hi.

Amos 6:11

Topa in thu a piak ciangin inn liante kisatzanin inn neute kisat nen ding hi.

Isaiah 27:10

Bang hang hiam cih leh a muanhuai khuapi pen gamlak bangin amah guakin omin, miʼ teenna mun pen kitaisanin kinusia hi. Tua lai ah bawng no gamta-in lum a, sing hiangte a kheuh hi.

Isaiah 5:6

Lokhulin ka bawl ding hi. Kipuah loin, kikho lo dinga, tua lo sungah lingkung le lingte a khang ding hi. Ama tungah meiite in zong guah a zuksak loh nadingin thu ka pia ding hi.

2 KHANG TANGTHU NIHNATE 36:21

Tua sungin Israel leitang in a sabbath-te a kicingin na tang hi. Kamsang Jeremiah tungtawnin Topaʼ thugen a tun nadingin kum sawm sagih a cin nadingin leitang a kinusiat sung khempeuh leitang in sabbath tawlngakna a nei ahi hi.

Jeim 5:4

Na lo uh a hong khawhsakte a thaman pia lo na hih manun tu-in amauteʼ phunna za un. An la dingin na sawl uh miteʼ phunna Vanglian Topa in za khinta hi.

JOB (Job) 15:28

ama teenna khuapi sia-in, ama inn kinusia dinga, a sawt loin ninbu lomtang suak ding hi.

JOB (Job) 20:21

Amah in a nek ciangin a khamval cih omngei lo a, tu-in a hauhna khempeuh a bei mang khinta ahi hi.

Paunak 15:27

A man loin sum ngahna in inn sung lungkhamsak a, sumgolh a deih lote a nuntak sauvei nuam hi.