Isaiah 5:7 - Tedim Bible Revision 2017

⁷ Bang hang hiam cih leh Vanglian Topa’ leenggui lo pen Israel mite hi a, Judah mite pen lungdamna tawh a suan kungte ahi hi. Amah in thutang lamen a, ahih hangin sisan luanna om hi. Thumanna lamen a, ahih hangin kahna om hi.

Tedim Bible

⁷ Bang hang hiam cih leh Vanglianpen Topa’ leenggui lo pen Israel mite hi a, Judah mite pen lungdamna tawh a suan kungte ahi hi; amah in thutan’na lamen a, ahih hangin sisan luan’na om hi; thumanna lamen a, ahih hangin kahna om hi:

Isaiah 5:7 Referans Kwoze

Jeim 5:4

Na lo uh a hong khawhsakte a thaman pia lo na hih manun tu-in amauteʼ phunna za un. An la dingin na sawl uh miteʼ phunna Vanglian Topa in za khinta hi.

Johan 15:2

Amah in gah a nei lo ka hiang khempeuh sat khia a, gah a nei hiangte ahihleh a gah semsem theih nadingin a puah hi.

Luka 18:7

A sun a zanin ama tungah a thumthum ama miteʼ thu a manin Pasian in khensak lo ding ahi hiam? Amaute a huh ding kizekaisak ding ahi hiam?

Mattiu 23:23

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in Pasian tungah lengmasel, masala le kummin sing namtui a kipanin meh namtui nam khempeuh, sawm-ah-khat pia napi-in, thukham sungah a thupi zaw ahi thutang, hehpihna le thumante na don kei uh hi. A dangte nusia tuan loin hih thute na zuih ding uh ahi hi.

Zefaniah 3:17

Topa na Pasian un note hong ompih a, ama vangliatna in hong gualzosak hi. Note tungah Topa lungkim dinga, ama hong itna tawh hong thakbawl ding hi. Noteʼ hangin Topa lungdamin la sa dinga,

Micah 6:8

Mun khempeuh ah a om no mihingte aw, Topa in a hoih nate hong gen khinzo hi. Topa in note tung panin hong kalh thu in: Thuman thutang sem dinga, itna kip nei tawntungin, kiniamkhiatna tawh Pasianʼ thu man ding ahi hi.

Jeremiah 12:10

Tuucing dang tampi in ka leenggah lo hong suksiatsak uh a, kei aʼ teng hong tuatcilsak uh hi. A hoih mahmah ka leenggah lo pawn lak, gam lak, a suaksak uh hi.

Isaiah 62:5

Bang hang hiam cih leh tangval in nungak khat a teenpih mah bangin nang hong lam pa in nang hong teenpih dinga, zipi pa mothak nu tungah a lungdam mah bangin nang tungah na Pasian lungdam ding hi.

Isaiah 5:2

Amah in lei to-in a suangte paikhia a, leenggui hoihte a suan hi. A laizang ah tausang khat lam a, tua lo sungah leenggah sukna khuk khat a to hi. Amah in leenggah hoih a hong gah ding lamen a, ahih hangin gam leenggah hong gah mawk hi.

Isaiah 3:17

Topa in Jerusalem numeiteʼ lutang meima sakin Topa in amauʼ lutang kolhsak ding hi.

Isaiah 3:14

Topa pen upate le ama miteʼ uliante tawh thukhen dingin kipan a, “Leenggui lo a netumte, note na hi uh a, mizawngteʼ na a kisutte noteʼ inn sungah om hi.

Isaiah 1:6

Khenuai a kipan luzang dong nangawnin a cidamna mun om lo a, sanim gawpnate, meimapite, le siluang liammate a om hi. Tuate pen a nai kisal lo, kitun lo, sathau tawh zong kinomsak lo hi.

Solomon la 7:6

Itluat aw na ngaihbaang a, na mel kong muh nuam zungzung hi.

Paunak 21:13

Mizawngteʼ huh ngetna a pia nuam lote pen amau zong cimawhin huhna a nget uh ciangin kipia lo ding hi.

Late 149:4

Bang hang hiam cih leh ama mite tungah Topa lungdam a, miniamte gualzo sakin a pahtawi hi.

Late 147:11

Amah a zahtak mite le ama itna kip a muangte tungah Topa a lungkim hi.

JOB (Job) 34:28

Amaute in mizawngte kapsak gawp uh a, mizawngteʼ huh ngetna awging Pasian in a za hi.

Thu-hilhkikna 15:9

Na lungsim uh ah ngaihsutna hoih lo omin, ‘Kum sagihna, maisakna kum hong nai hi,’ ci-in na sanggampa galmi et-in amah bangmah na piak loh uh ciangin na lang khat ah Topaʼ tungah amah kiko-in, no tungah khialhna a suahkhak ding kingaihsun un.

Paikhiatna 3:7

Tua ciangin Topa in, “Egypt ah a om ka miteʼ gimna mu khinin, amaute a uk nasem ukteʼ hangin amauʼ kikona ka za khin hi. Amauʼ thuaknate ka thei a,

Piancilna 4:10

Topa in, “Bang hangin hici gamtat na hi hiam? Na sanggampaʼ sisan, leilak panin kei tungah hong kiko hi.

2 SAMUEL NIHNA 7:10

Keimah in ka mi Israel-te adingin mun khat ka seh dinga, amauʼ munah amaute teengin a kinawngkaisak nawn loh nadingin amaute ka phut ding hi. Nidang a bangin mi ngongtatte in,

Thuhilh-sia 4:1

Tua ciangin leitungah thuman loin a kigamtatnate khempeuh ka ngaihsunkik leuleu hi. Nenniamna a thuak mite kap uh a, ahi zongin kuamah in amaute hehnem lo uh hi. A nengniam mite thahat lua uh ahih manin kuamah in thuk ngam lo hi.

Isaiah 3:15

Ka mite sucipin mizawngte na gawina uh bang na cihnopna uh a hiam?” Vanglian Topa Pasian in ci hi.

Isaiah 27:2

Tua ni ciangin, “A deihhuai leenggah lo thu la-in sa un!

Isaiah 30:12

Tua ahih ciangin Israel-teʼ Siangtho Pa in, “Note in hih thu simmawhin, zawhthawhna le khemna suangin, tuate muang na hih manun,

Isaiah 59:4

Kuamah in thutang tawh thu na nei kei uh a, thuman tak tawh thukhen zumah na pai kei uh hi. Note in bangmah lopi suanin nei-in zuau thu na gen uh a, siat nading thu ngaihsunin buaina na piangsak uh hi.

Isaiah 59:13

Nangmah hong lehdo-in nang kong nial uh a, na thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.

Isaiah 59:14

Thutang kihawl khia a, thuman in hong naih thei lo hi. Mihonpiteʼ kikhopna munah thuman kizang lo a, thutang tum thei lo hi.

Jeremiah 24:2

Bawm khat sunga theigahte, a min masate tawh kibangin limci mahmah hi. Ahih hangin a bawm khat pen sunga theigahte limci het loin nek theih ding bang hi dek lo hi.

Jeremiah 50:46

A pukna uh gin ngaih lua ahih manin leitung a kiliing ding hi. A kahna aw uh gam khempeuh ah a kiza ding hi,” a hong ci hi.

Ezekiel 22:29

Mi cithei a kineite in mi khemin a na sut uh hi. Mizawng mi cimawhte bawlsia-in, peemtate tungah nuamtak sa-in khualna mel nei loin a ututun gamta uh hi.

Micah 6:12

Na mihaute uh mizawngte tungah tatsia mahmah in, na khua sung mi khempeuh uh zuaugen vive ahi uh a, a kam un khemna thu bekbek gen hi.

Isaiah 1:21

A thutak, thutang tawh a kidim ngeisa khuapi, bangci-a a paktat numei tawh kibang ta ahi hiam? Ama sungah thumanna omngei napi-in tu-in mi thatte bek a om ta hi.

Isaiah 46:12

“Suahtak nading haksa mahmah ding hi, a ci lungsim khauh mite aw, ka thu ngai un:

Hosea 10:1

Israel mite ahihleh a gah pha mahmah leenggui tawh kibang hi. Cithei semsem leh biakna tau tam lam semsem uh hi. A gam sung uh cithei semsem leh biakna song a hoih bawl semsem uh hi.

Habakkuk 1:3

Bang hangin hih bang siatnate le lungkhamnate hong musak na hi hiam? Kisuksiatna le kisuk gawpna in hong umcih a, kitotna le kiseelna, mun citeng ah om hi.