Isaiah 5:6 - Tedim Bible Revision 2017

⁶ Lokhulin ka bawl ding hi. Kipuah loin, kikho lo dinga, tua lo sungah lingkung le lingte a khang ding hi. Ama tungah meiite in zong guah a zuksak loh nadingin thu ka pia ding hi.

Tedim Bible

⁶ Lo khul-in ka bawl ding hi; kipuah loin, kikho lo ding a, lingkung leh lingte khang ding hi; ama tungah meiite in zong guah a zuksak loh nadingin thu ka pia ding hi.

Isaiah 5:6 Referans Kwoze

Jeremiah 25:11

Gam sung khempeuh kisia-in, gam simtham suak dinga, hih mite khempeuh kum sawm sagih sung Babylon kumpipaʼ salin a om ding uh hi.

Mangmuhna 11:6

Amauteʼ ut hunhunin a thugen laitakun guah zu losak thei uh a, tuite sisan a suahsak theih nadingun vangliatna nei uh a, leitungah gimna a tuamtuam tungsak thei uh hi.

Luka 21:24

Mi pawl khat, namsau tawh kithat dinga, pawl khat, galmatin gam dangah kiciah pih ding hi. Tua ciangin Gentail miteʼ uk hun a bei matengin Jerusalem khuapi a siacipin om ding hi.

Amos 4:7

Tua ahih manin anlak hun ding kha thum bek in a sap laitak, lo lai-a om ante in guahtui a sap mahmah laitakin guah ka zusak kei a, khuapi khat bekah zusakin a dangte ah ka zusak kei hi. Lo khat bekah guah zu a, a zuk lohna lote a keutum hi.

Hosea 3:4

Hih pen kumpi ahi a, makai ahi zongin, biakpiakna le biakpiakna khuampite ahi zongin, siampi puanpi le milim pasian-te nei loin hun saupi sung Israel mite om ding a cihna ahi hi.

Jeremiah 45:4

“Topa in nang tungah hih bang a gen dingin hong sawl hi: En in, keimah in ka lam sate ka phelkik a, ka phuh sate ka bot khiakik hi. Keimah in leitung buppi tua bangin ka hih ding hi.

Jeremiah 14:22

Gamdang pasian zuauteʼ lakah guah a zusak thei om ahi hiam? Tua ahih kei leh zong vantungmi in ama thu-in guah zu tawmsak thei ahi hiam? Tua bang a hih thei nang bek hi lo na hi hiam? Topa koteʼ Pasian aw, nangmah in tuate khempeuh hih na hih manin nangma sungah lametna kong nei uh hi.

Jeremiah 14:1

Guah zu loin khua keuna tawh kisai-in Topa in Jerusalem kiangah hih bangin a gen hi:

Isaiah 30:23

Khaici na tuh nadingun amah in guah hong zusak dinga, lei panin a piang an hoih tampi tak hong pia ding hi. Tua ni ciangin gankhahna, mun zaina ah na ganhingte un lopa ne ding uh hi.

Isaiah 24:12

Khuapi sungah gamkhinna bek om a, kongpite kisat khamin kisia mang khinta hi.

1 KUMPI MASATE 17:1

Tu-in Gilead gam sung Tishbe khua panin Tishbe mi Elijah in Ahab kiangah, “A mai ah ka dinna Israel Pasian, Topa a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

Thu-hilhkikna 29:23

‘A gambup pen kaat le ci le nin a kaang tum, khai kituh lo, bangmah po lo, lopa zong a po zawh lohna mun Sodom le Gomorrah, Admah le Zeboiim bangin a kilawn thal gawp, a hehna le a sinsona tawh Topaʼ lot gawpte tawh kibang hi,’ ci ding uh hi.

1 KUMPI MASATE 8:35

“Nangma tungah hong khialhna hangin vantung kikhakcipin guah a zuk loh ciangin, amaute in hih mun lamah thu ngenin na min hong phawk a, amaute na gimsak ciangin amauʼ khialhna panin a kihei uh leh,

JOB (Job) 31:40

tua lo sungah mangbuh le mangbuhham tangin kiak le ling po tahen,” a ci hi. Jobʼ thugente bei ta hi.

Isaiah 7:19

Tuate khempeuh hong pai-in, keenhawmte sung, suangpi heengte sung, lingkung kawmte le ganhing tatna mun khempeuh ah dim ding uh hi.

Isaiah 32:10

Nomauʼ tumtakin a lungkim numeite aw, kum khat val zek khit ciangin na liing lawng ding uh hi. Bang hang hiam cih leh leenggah kum hong sia dinga, singgah lawhna hun hong tung lo ding hi.

Isaiah 49:19

“A kisia, a kinusia khin sa nangma munte le a kisusia nangma gam pen nangma tungah a teeng mite adingin tu-in kawcik lua ta dinga, nang hong valh tum mite, gamlapi ah om ding uh hi.

Isaiah 55:13

Ling tangin tak kung hong po dinga, lingkung tangin mui kung hong po ding hi. Tua pen Topa’ nasepna phawk tawntungna, a kila khia ngei lo ding, a tawntungin a om lim khat hi ding hi, a ci hi.

Hosea 9:6

Lungkhamna hun hong tungin, mite na kithehthang uh ciangin, Egypt mite in note hong kaikhawm dinga, amau gam Memfis khuapi ah vui ding bek na hi uh hi. Na inn na lote uh, kiak le lopa in khuhcip lel ding hi.

Joel 1:7

Amaute in i leenggui teng susia mangkhin a, i theikung teng khempeuh ne tum mangkhin uh hi. A hawng khempeuh ne tum uh a, a hiangte kang sengsang hi.

Paunak 24:31

Limtakin ka et ciangin a lo ciing bupah kiak dim a, a leitang khempeuh lopa in khuhcip a, a umna a phungcian suangte kicim khin hi.

Kah la 2:6

Amah in biakna Biakinnpi a zan gawpsak hi. Amah in biakna ni siangtho nite le Sabbath nite a beisak hi. Kumpite le siampite in a nasia ama hehna a thuak khawm uh hi.