Isaiah 5:2 - Tedim Bible Revision 2017

² Amah in lei to-in a suangte paikhia a, leenggui hoihte a suan hi. A laizang ah tausang khat lam a, tua lo sungah leenggah sukna khuk khat a to hi. Amah in leenggah hoih a hong gah ding lamen a, ahih hangin gam leenggah hong gah mawk hi.

Tedim Bible

² Amah in lei to-in suangte paikhia a, leenggui hoihte a suan hi; amah in a laizangah tausang khat lam a, tua sungah leenggah sukna khuk khat a to hi; amah in leenggah hoih hong gah ding lamen a, ahih hangin gam leenggah hong gah mawk hi.

Isaiah 5:2 Referans Kwoze

Jeremiah 2:21

A kiteelteel leenggui ci hoihte bangin nang kong suankik zo a, ahih hangin nang kisiakikin bang hangin leenggah gui a hoih lote na suakkik na hi hiam?

1 KORIN MASA 9:7

Kuamah in ama sum bei-in galkap na sem lo uh hi. Leenggui suan napi-in a leenggah a ne lo kuamah om lo hi. Tuu cing napi-in a tuunawi a ne lo kuamah om lo hi.

Marka 11:13

A teh a no theikung khat gal muh ahih manin a gah khak leh ci-in a lo dingin a va pai hi. Thei min hun hi lo ahih manin, a phung a tun ciangin a teh sim loh bangmah na om lo hi.

ROM (Romans) 9:4

Amaute pen Pasianʼ teel Israel mite hi a, Pasian in ama ta-in bawlin a minthanna a hopte, amaute tungah thuciamna bawlin Thukham a piakte, a man taktakin biak theihna nei-in thuciamna a ngahte,

Marka 12:2

Leenggah lawh hun a tun ciangin ama ngah ding taang teng a la dingin lo khawhlawhte kiangah a nasemte khat a paisak hi.

Mattiu 21:34

Leenggah min hun a tun ciangin ama ngah ding teng a va la dingin lo khawhlawhte kiangah a nasemte a paisak hi.

Mattiu 21:19

Lam gei ah theikung khat mu ahih manin a gei ah va pai a, ahi zongin a teh sim loh bangmah a mu kei hi. Jesu in tua theikung kiangah, “Gah ngei nawn kei in!” a cih khit phetin a theikung a si pah hi.

Micah 4:8

Pasian in a mite a etna Jerusalem khuapi aw, nidang a na vangliatna na ngahkik dinga, kumpi khuapi na suakkik ding hi.

Hosea 10:1

Israel mite ahihleh a gah pha mahmah leenggui tawh kibang hi. Cithei semsem leh biakna tau tam lam semsem uh hi. A gam sung uh cithei semsem leh biakna song a hoih bawl semsem uh hi.

Isaiah 5:7

Bang hang hiam cih leh Vanglian Topa’ leenggui lo pen Israel mite hi a, Judah mite pen lungdamna tawh a suan kungte ahi hi. Amah in thutang lamen a, ahih hangin sisan luanna om hi. Thumanna lamen a, ahih hangin kahna om hi.

Isaiah 1:8

Jerusalem khuapi bek om lai a, leenggui lo-a buk, tangmai lo sunga om hampheng bangin kuama don lohin kinusia a, a ki-umcip khuapi bangin kinusia hi.

Nehemiah 13:15

Tua hun lai-in Judah gam sungah mite in Sabbath ni-in leenggah sukin, a khawh sate uh khawmin late tungah suanin, leenggah, thei le van namkim, Sabbath ni-in Jerusalem ah hong puakna ka mu hi. Tua ni-in na a zuakna uh hangin ka lungkim lohna amaute tungah ka gen hi.

Thukhente 16:4

Tua khit ciangin Samson in Sorek kuamah Delilah a kici numei khat ngai hi.

Thu-hilhkikna 32:6

A hai, ngaihsutna nei lo mite aw, tua bangin Topa thuk ding na hi uh hiam? Amah pen, note a hong piangsak, note hong bawlin a hong kipsak, na pa uh hi lo ahi hiam?

Gamlak-vakna 23:9

Bang hang hiam cih leh mual dawn panin amaute ka mu a, mual neute panin amaute ka en hi. En in, a tangten mite, minamte lakah a kihel lote!

Paikhiatna 33:16

Bang hang hiam cih leh keimah le nangma mite in nangma muhna ah maipha ka ngahna uh bangci-in kithei ding ahi hiam? Leitung a om mi khempeuh tungah keimah le nangma mite ka tungnunna uh pen kote tawh nang nong paikhopna hi lo ahi hiam?” a ci hi.

Mattiu 21:33

“Thu gentehna dang khat na ngai lai un. Mi khat in lo zuanin leenggui suan a, a kimkot umin, leenggah cil nading bawl a, a hon nading tausang khat a lam khit ciangin lo khawhlawhte khawhlawhsakin gam dangah a pai hi.

Marka 12:1

Tua ciangin Jesu in amaute kiangah thu gentehna zangin thu hilh a, “Mi khat in lo zuanin leenggui suan a, a kimkot umin leenggah cil nading bawl a, a hon nading tausang khat a lam khit ciangin, lo khawhlawhte khawhlawhsak a, amah gam dangah a pai hi.

2 SAMUEL NIHNA 7:10

Keimah in ka mi Israel-te adingin mun khat ka seh dinga, amauʼ munah amaute teengin a kinawngkaisak nawn loh nadingin amaute ka phut ding hi. Nidang a bangin mi ngongtatte in,

Late 80:8

Nangmah in Egypt panin leenggui khat na la a, minam dangte hawl khia-in, tua leenggui na suan hi.

Late 80:9

Nangmah in tua leenggui adingin leitang na hahsiang a, amah in zung thuk kha-in gam sung a dim hi.

Jeremiah 11:17

Israel mite le Judah mite in meihalna tawh Baal bia-in hong hehsak uh a, hih bang siatna bawl uh ahih manin, amaute a phut keimah Vanglian Topa in amauteʼ tungah siatna a tun nading thu ka pia zo hi,” hong ci hi.