Isaiah 5:12 - Tedim Bible Revision 2017

¹² Amaute in a pawi sung uh ah laiza lasakna le harp lasakna, khuang, tamngai le leenggahzu, tampi a nei uh hi. Ahih hangin amaute in Topa’ sepnate don lo uh a, a khut tawh a bawlte zong mu lo uh hi.

Tedim Bible

¹² Amaute in a pawi sung uhah laiza la sakna leh harp la sakna, khuang, tamngai leh leenggahzu tampi nei uh hi; ahih hangin amaute in Topa’ sepnate don lo uh a, a khut tawh a bawlte zong mu lo uh hi.

Isaiah 5:12 Referans Kwoze

Late 28:5

Amaute in Topaʼ nasepnate thupi ngaihsut lo ahih manun, amah in amaute susia-in a donkik nawn kei ding hi.

JOB (Job) 34:27

Bang hang hiam cih leh amaute in ama thu mang nawn lo uh a, a thupiakte khempeuh don nawn lo uh hi.

Juda 1:12

Noteʼ annek khopna ah zumna mel nei loin hong om gawp uh ahih manin hong siat suah uh a, amauʼ pumpi bek ngaihsun uh hi. Amaute pen cikmahin guah a zusak ngei lo, huih in a letkhiat mang meiipi, tuk hun laitak nangawnin a gah a gah lo, kizunglotin a keutum singkungte,

Daniel 5:23

Vantung Topaʼ langah na pang hi. A biakinnpi hai le kuangte la-in sabuai tungah nangmah tawh, na mi liante tawh a zineute le na zite uh tawh zu nekna-in na zang uh hi. Theihna a nei lo, a mu thei lo, khua a za thei lo ngun, kham, sumngo, sik, sing le suang tawh a kibawl pasian-teʼ min na phat uh hi. Na nuntakna le na hihna khempeuh a hong uk Pasian na zahtak kei hi.

Luka 16:19

“Khat vei, mihau mahmah khat om a, nisimin puan manpha nono silhin, an lim nono ne-in a om hi.

Isaiah 22:13

Ahih hangin note in lungdamna le kipahna, bawngtalte le tuute gawhna, sa nekna le leenggahzu nekna na nei zawsop uh a, “Zing ciangin si ding ihih ciangin nene-in dawndawn ni,” na ci zawsop uh hi.

Piancilna 31:27

Bang hangin tai simin kei hong khem a, hong gen lo na hi hiam? Tua ci gamtat kei lecin, lungdamna le lasakna, khuang le laiza tawh kong kha ding hi.

1 KORIN MASA 14:7

Nuntakna a nei lo tamngai le harp lasaknate nangawn, a aw a kitelin ging sensen kei leh bang la kisa ahi hiam, ci-in kua in theithei ding ahi hiam?

1 SAMUEL MASA 12:24

Topa zahtak unla, na lungsim khempeuh uh tawh citakin ama na sem un; bang hang hiam cih leh note adingin amah in na lian hong bawlsak sate ngaihsun un.

2 SAMUEL NIHNA 19:35

Tu ni-in kei kum sawm giat ka pha ta a, a nuam le a nuam lo khentel thei nawn ka hi hiam? Na nasem pa in a nek ahi a, a dawn ahi zongin a limna phawk thei nawn ka hi hiam? Lasa numeite le lasa pasalteʼ aw za thei nawn ka hi hiam? Tua ahih ciangin bang hangin ka to kumpipa tungah na nasem pa van gik kibehlap hong hi ding ka hi hiam?

Isaiah 24:8

Lungdamna khuang gingte dai-in lungdam a gamlumnate om nawn lo a, lungdam a laiza tawh lasaknate a dai ta hi.

Isaiah 29:1

Pasianʼ biakna tau, Jerusalem khuapi, David in a sat khuapi, a sia ding hi ta hi. Kumte, a banbanin paipaisak unla, pawite zong a ngeina bangin kot paipaisak un.

Isaiah 56:12

Amaute in, “Hong pai un, leenggahzu nene ni; khamtheih zu dawndawn ni. Zing ciangin zong tu ni sangin nuam zaw lai ding hi,” a ci uh hi.

Ezekiel 26:13

Khuapi sungah lasakna awging ka beisak dinga, tum theih awgingte khempeuh zong kiza nawn lo ding hi.