Isaiah 5:10 - Tedim Bible Revision 2017

¹⁰ Bang hang hiam cih leh leenggah lo eka sawm in phelpi khat dim bek gah dinga, khaici beem khat in an seu khat bek piangsak ding hi,” ci hi.

Tedim Bible

¹⁰ Bang hang hiam cih leh leenggah lo eeka sawm in phelpi khat dim bek gah ding a, khaici beem khat in an seu khat bek piangsak ding hi.”

Isaiah 5:10 Referans Kwoze

Siampi Laibu 26:26

Keimah in noteʼ nuntakna an ka suksiat ciangin, an kicing lo ahih manin nupi sawm in meibung khat sungah na anlum uh em khawm dinga, na anlum uh a tawi tehin hong pia khiakik ding hi. Note in na ne ding uh a, na kham zo kei ding uh hi.

Haggai 2:16

An seu sawm nih pha ding ci-in ansal ah na pai uh ciangin seu sawm bek na pha a, leenggahzu thawlpi sawm nga pha ding ci-in leenggahzu kholna beel pi ah na pai uh ciangin thawlpi sawm nih dim bek a na pha hi.

Haggai 1:6

Khaici tampi na tuh uh hangin an tawm bek na la uh a, annek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puansilh ding na neih tei uh hangin a lum khop ding na nei kei uh hi. Sum thalawhte in zong a khamkhop ding uh thalawh zo lo uh hi.

Joel 1:17

Guahtui om lo ahih manin khai kituhte khempeuh lei sungah keucip a, an khol ding bangmah om nawn lo ahih manin ansalte khempeuh a vekin kisia khinta hi.

Siampi Laibu 27:16

“Mi khat in a luah ama leitang phel khat Topaʼ tungah a ap leh, nangma sehna pen khaici vawh zah ding tawh kizui ding hi. Mangbuhham beem khat dim a pawina leitang pen ngun shekel sawm nga-in kiseh ding hi.

Thu-hilhkikna 28:38

“Khaici tampi lo ah na tuh ding uh a, ahi zongin tawmno bek na khawm ding uh hi; bang hang hiam cih leh kauphe in ne mang ding hi.

Thu-hilhkikna 28:39

Note in leenggah lo zuanin na puah ding uh a, ahih hangin leenggahzu dawn loin, leenggah zong na ne kei ding uh hi; bang hang hiam cih leh lung in tuate ne ding hi.

Isaiah 7:23

“Tua ni ciangin ngun tang tul khat a man leenggui tul khat a omna mun khempeuh pen lingkungte le lingteʼ omna suak ding hi.

Jeremiah 48:33

Leihoih mahmah Moab gamah lungdamna le kipahna a bei ta hi. Leenggah cilna panin leenggahzu ka luang khiasak nawn kei a, leenggah cilin lungdamin kuamah a kiko nawn kei a, a kikona uh lungdam kikona hi lo hi.

Paikhiatna 37:22

Amauʼ nunte le a hiangte pen tua tawh sakhat hi a, a buppi-in kham citak a kiseek sakhat ahi hi.