Isaiah 5:1 - Tedim Bible Revision 2017

¹ Ka lawm it paʼ tangin a leenggui lo a itna la keʼn hong sa ning: Ka lawm it pa in leitang a hoih mahmahna mual tung khat ah leenggui lo khat a nei hi.

Tedim Bible

¹ Ka lawm itpa’ tangin, a leenggui lo a itna la hong sa ning: Ka lawm itpa in, lei hoih mahmahna mual tung khatah leenggui lo khat a nei hi.

Isaiah 5:1 Referans Kwoze

Marka 12:1

Tua ciangin Jesu in amaute kiangah thu gentehna zangin thu hilh a, “Mi khat in lo zuanin leenggui suan a, a kimkot umin leenggah cil nading bawl a, a hon nading tausang khat a lam khit ciangin, lo khawhlawhte khawhlawhsak a, amah gam dangah a pai hi.

Luka 20:9

Tua ciangin Jesu in mite kiangah thu gentehna khat gen a, “Mi khat in lo zuanin leenggui suan a, lo khawhlawhte khawhlawh sakin, amah gam dangah pai-in sau veipi a tam hi.

Johan 15:1

Tua ciangin Jesu in, “Kei pen leenggui taktak ka hi a, ka Pa pen leenggui lo nei pa ahi hi.

Mattiu 21:33

“Thu gentehna dang khat na ngai lai un. Mi khat in lo zuanin leenggui suan a, a kimkot umin, leenggah cil nading bawl a, a hon nading tausang khat a lam khit ciangin lo khawhlawhte khawhlawhsakin gam dangah a pai hi.

Jeremiah 2:21

A kiteelteel leenggui ci hoihte bangin nang kong suankik zo a, ahih hangin nang kisiakikin bang hangin leenggah gui a hoih lote na suakkik na hi hiam?

Late 80:8

Nangmah in Egypt panin leenggui khat na la a, minam dangte hawl khia-in, tua leenggui na suan hi.

Solomon la 2:16

Ka ngaihno keima aʼ hi; kei zong ama aʼ hiʼng. Amah in unok paakte lakah a tuu cing a,

Solomon la 6:3

Ka ngaihno kei aʼ hi a, kei zong ama aʼ hiʼng. Amah in unok pak lakah a tuute gamtasak hi.

Solomon la 5:16

A kampaute khum zungzung a, a vekin, deih loh ding khat zong om lo hi. Ka ngaihno, hih bang teng hi, Jerusalem nungakte aw.

Solomon la 5:2

Ka lup hangin ka lungsim ihmu lo a, ka ngaihno in ka kong hong kiuh ka za hi. Itluat ngaihno ka lungtup aw, kei hong tumsak in. Ka lu tungah daingo kia a, meii zun in ka sam kawtsak hi.

Late 45:1

Thubul hoih khat tawh ka lungsim hong dimletin, kumpipa la ka phuah a, ka leii pen lai thei paʼ laikung tawh hong kibang hi.

Late 101:1

Keima la pen thumanna le thutanna la ahi hi. Nang ka hong sak ding hi; Topa aw, kong sak ding hi.

Late 60:5

Nangma it mite a suahtak theih nadingin na khut taklam tawh gualzawhna pia inla, koteʼ ngetna hong pia in.

Jeremiah 12:10

Tuucing dang tampi in ka leenggah lo hong suksiatsak uh a, kei aʼ teng hong tuatcilsak uh hi. A hoih mahmah ka leenggah lo pawn lak, gam lak, a suaksak uh hi.

Ezekiel 15:2

“Mihing ahi Ezekiel aw, leenggui pen singkung tawh bangci kiteh ding ahi hiam? Tu lak a om singkungte tawh tehna-in leenggui hiangte banga kimang ahi hiam?

Hosea 10:1

Israel mite ahihleh a gah pha mahmah leenggui tawh kibang hi. Cithei semsem leh biakna tau tam lam semsem uh hi. A gam sung uh cithei semsem leh biakna song a hoih bawl semsem uh hi.

Thu-hilhkikna 8:7

Bang hang hiam cih leh Topa noteʼ Pasian in, mual le guam ah a luang tuite a omna, ciktui le tuikhuk a omna leitang,

Thu-hilhkikna 8:10

Note in ne-in na gil uh vah dinga, note tungah gam hoih hong piakna hangin Topa na Pasian uh na phat ding uh hi.

Ezekiel 19:10

Na nu uh, luitui gei ah a kisuan leenggui tawh kibang hi. Tui tampi ngah a, a teh, a gah, a pha hi.