Isaiah 48:5 - Tedim Bible Revision 2017

⁵ note in, “Ka milim un hihte bawl a, a kisui ka milim uh le a kisung ka milim un thu pia hi,” na cih theih loh nadingun tanglai a kipanin note tungah hih thute kong gen a, tuate hong pian ma-in note tungah kong zasak khol hi.

Tedim Bible

⁵ note in, ‘Ka milim un hihte bawl a, a kisui ka milim leh a kisung ka milim un thu pia hi,’ na cih theih loh nadingun tanglai-a kipanin hih thute note tungah kong gen a, tuate hong pian’ ma-in note tungah kong zasak khol hi.

Isaiah 48:5 Referans Kwoze

Isaiah 48:3

A masa lam a nate thu tanglai-in ka gen a, keima kam panin tuate ging khia-in ka kitheithangsak hi. Tua ciangin thakhat thu-in keimah in ka sem a, a hong piang hi.

Luka 1:70

Amah in tanglai-in a kamsang mi siangthote tungtawnin thu hong gen a,

Isaiah 46:10

A kipat cil-in a tawpna ding thu ka pulak a, tanglai pek panin a piang nai lo nate genin, ‘Ka thugen kip dinga, ka ngimna khempeuh ka tungsak ding hi,’ ka ci hi.

Isaiah 44:7

Kua pen kei tawh kibang ahi hiam? Amah gensakin pulaksak unla, keima mai ah gensak un. A hong tung ding nate thu tanglai pek panin kua in tangko ahi hiam? Hong tung ding nate thu amaute gensak dih un.

Isaiah 44:8

Lau kei unla, kihta kei un. Tanglai pek panin note kiangah hong genin hong pulak khin hi lo ka hi hiam? Note khempeuh keima teci na hi uh hi. Kei sim loh pasian dang om ahi hiam? Suangpi dang om lo hi. Khat beek ka thei kei hi,” a ci hi.

Isaiah 45:20

“Minamte sung panin a suakta lai note aw, nomau kikaikhawmin hong pai unla, hong nai un! Sing milim a pua kawikawi mite in theihna nei lo uh a, a hon khia thei lo pasian tungah thu ngenngen uh hi.

Isaiah 43:19

Tu-in a thak na khat ka bawl a, tu-in hong piang khia hi. Note in thei lo na hi uh hiam? Gamlak ah lam lianpi khat ka bawl dinga, sehnel gam sungah gunte ka luangsak ding hi.