Isaiah 48:4 - Tedim Bible Revision 2017

⁴ Note pen paupeeng in na ngawng uh sik thagui bang hi a, na thatang uh sumngo bangin a sakna thei khin ka hih manin,

Tedim Bible

⁴ Note pen paupeng-in, na ngawng uh sik thagui bang hi-in, na taltang uh sumngo banga sak a hihna thei ka hih manin,

Isaiah 48:4 Referans Kwoze

Sawltak 7:51

“Na lungsim uh khauh mahmah a, lawki lungsim paii-in, Pasianʼ thu ah bilngong na bang uh hi. I pu i pate mah bangin Kha Siangtho thu na mang nuam kei uh hi.

Paikhiatna 32:9

Topa in Moses kiangah, “Hih mite ka mu zo hi. En in, a lungkhauh mite ahi uh hi.

Paunak 29:1

Kihilh napi-in a mang nuam lote bawl phat zawh nawn loh dongin kisia ding uh hi.

ROM (Romans) 2:5

Lungsim khauhin na kisik nop lohna hangun Pasianʼ hehna le a manin a thukhenna a hong kilat Ni ding ciangin na gimthuak ding uh a nasia semsem dingin a bawl na hi uh hi.

Jeremiah 19:15

“Vanglian Topa, Israel miteʼ Pasian in a cih in ah: En un, hih khuapi le a kiim a khuaneute tungah ka gen sa siatna khempeuh ka tungsak ding hi. Bang hang hiam cih leh amaute in a lungsim uh khauhsak uh a, ka thute a ngai nuam kei uh hi, ci hi,” ka ci hi.

Jeremiah 5:3

Topa aw, nangmah in thuman en gige hi lo na hi hiam? Nangmah in amaute na sat hangin a awlmawh tuan kei uh hi. Na suk gawp hangin na thuhilhna a ngai tuan kei uh hi. Amauteʼ maitang suangtum sangin sak zaw a, a kisik nuam kei uh hi.

Thu-hilhkikna 31:27

Bang hang hiam cih leh a lehdo mite le a lungkhauh thei mite na hihna uh ka thei hi. En un, note tawh kei a nungta khawm laipi mahin, tu ni-in Topa na lehdo khin uh hi. Ka sih khit ciangin bangzah takin lehdo zaw lai ding na hi uh hiam!

Paikhiatna 33:5

Bang hang hiam cih leh Topa in Moses kiangah, “Israel miteʼ tungah hih bangin gen in: ‘Note mi lungkhauh na hi uh hi. Noteʼ lakah tomno khat sung hong pai to leng, note kong beisak ding hi. Tua ahih ciangin note kong bawl nading ka theih nadingin noteʼ tung panin na kizepnate uh suah khia un,’ ci in,” ci-in gen khinzo hi.

Late 75:5

Kihisak kei unla, kiphatsakna tawh kampau kei un,” ka ci hi.

Paikhiatna 33:3

Bawngnawi le khuaizu a luanna leitang ah pai to un. Ahi zongin note hong sisak kha ding ka hih ciangin noteʼ lakah kei kong pai to kei ding hi. Bang hang hiam cih leh note mi lungkhauh na hi uh hi,” a ci hi.

Isaiah 46:12

“Suahtak nading haksa mahmah ding hi, a ci lungsim khauh mite aw, ka thu ngai un:

2 KHANG TANGTHU NIHNATE 36:13

Pasian tawh amah a kiciamsak kumpi Nebukhadnezzar zong amah in lehdo hi. Israel Pasian, Topaʼ kiang zuankik nuam lo a, zong kisik nuam loin a lung khauhsak hi.

Hebru 3:13

Lai Siangtho in, “Tu ni,” a cih pen eite tungah zong hong cihna hi lai ahih manin mawhnaʼ khem sa-in ta-in na lungsim uh na khauhsak khak loh nadingun khatlekhat kihanthawnin na kihuh zaw un.

Daniel 5:20

Ahih hangin amah a lung khauhin kiphasak a, gilo lua ahih manin a kumpi tokhom panin kila khia a, a minthanna a taan hi.

Jeremiah 7:26

ahih hangin amau in ka kamsangteʼ thu ngai loin, a bil uh hong ngat lo uh a, a lungsim uh a khauhsak uh hi. A pute a pate uh sangin a sia zaw uh hi.

Jeremiah 3:3

Tua hang mahin guahtui kikangsak a, guah nunung hong zu lo hi. Ahi zongin numei paktatte tawh a kibang hi napi-in na maizum thei kei lailai hi.

2 KHANG TANGTHU NIHNATE 30:8

Tu-in na pute na pate uh bangin lungkhauh kei unla, note kiang panin a lauhuai ama hehna a kiheikhiat theih nadingin Topaʼ lamah kipia unla, amah in a tawntung dingin a sianthosak sa a biakinn ah Topa na Pasian uh bia un.

2 KUMPI NIHNATE 17:14

Ahih hangin amaute in a thu ngai lo uh a, Topa a Pasian uh a um lo a pu a pate uh mah bangin lungsim khauh uh hi.

Thu-hilhkikna 10:16

Tua ahih ciangin Topaʼ thu mang unla, lungkhauh nawn kei un.

Nehemiah 9:28

Ahi zongin a tawldam khit uh ciangin nangma muhna ah a sia gamta zel uh a, nangmah in amauʼ galteʼ khut sungah amaute na nusia a, a galte un amaute a uk gawp uh hi. Ahi zongin amaute in nang tungah huhna hong nget uh ciangin vantung panin amauʼ ngetna za-in na hehpihna tawh amaute tam veipi na hon khia hi.

Ezekiel 2:4

Amaute a lungsim uh khauhin paupeeng uh hi. Keimah Topa Pasian in amaute tungah ka gen ding thute a va gen dingin a hong sawl ka hi hi.

Paikhiatna 9:7

Faro in a en dingin mi sawl a, Israel-teʼ ganhing khat zong na si lo hi. Ahih hangin Faroʼ lungsim khauh lai a, amah in mite paisak lo hi.

Isaiah 30:9

Bang hang hiam cih leh amaute pen a lehdo mite, a zuau thei tapate, Topa’ thuhilhna a ngai nuam lo mite ahi uh hi.