Isaiah 46:3 - Tedim Bible Revision 2017

³ “Na suah a kipan kong tawi, gil sung pan a kong puak, Jakob innkuan, Israel innkuan a suakta laite khempeuh aw, keima thu hong ngai un.

Tedim Bible

³ “Na suah-a kipan kong tawi, gilsung pan-a kong puak, Jakob innkuan, Israel innkuan a suakta laite khempeuh aw, keima thu hong ngai un;

Isaiah 46:3 Referans Kwoze

Isaiah 51:7

“Thuman a thei, na lungsim sung uh ah keima thu a vom mite aw, ka thu ngai un. Mihingteʼ kosiatna kihta kei unla, amauteʼ hong simmawhna hangin lungkia kei un.

Late 71:6

Ka suah tung a kipanin nangmah kong bel a, ka nuʼ gil sung panin hong la khia pa na hi hi. Nangmah kong phat ngitnget hi.

Isaiah 51:1

Topa in, “Hotkhiat ding a ut, Topa a zongte aw, ngai un. Note hong ki-eu khiatna suangpi, note hong kitawh khiatna khuk en un.

Isaiah 48:1

Israel min tawh a kilo, Judah sung panin a piang khia, Topa’ min tawh thu ciam napi-in, thuman thutak tawh Israel Pasian a pulak lo Jakob innkuan aw, hih thu ngai un.

Isaiah 10:22

Na mi Israel-te, tuipi sehnel zah a phak hangin amaute tawm khat bek hong ciahkik ding hi. Amauteʼ thuak dingin a kilawm bangin thu a kikhen ahi hi.

Isaiah 1:9

Vanglian Topa in eite tawmno khat a nungta-in hong siit hikeileh, eite pen Sodom khua bang khinin Gomorrah khua i bang khinta ding hi.

Paikhiatna 19:4

Egypt mite tungah ka bawlna le muvanlai in a kha tawh a note a puak bangin note hong pua-in keima kiangah kong paipihna na mu khin uh hi.

Isaiah 46:12

“Suahtak nading haksa mahmah ding hi, a ci lungsim khauh mite aw, ka thu ngai un:

Isaiah 44:21

Jakob aw, hih thu phawk in. Israel aw, ka nasem pa na hi hi. Nang kong bawl a, nang pen keima nasem na hi hi. Israel aw, nang kong mangngilh kei ding hi.

Isaiah 37:4

A nungta Pasian a zahko dingin ama topa, Assiria kumpipa in a sawl a ulian paʼ thugente, Topa na Pasian in za henla, tua bang thu a gente gim pia tahen. Tua ahih ciangin a om lai i mite adingin thu ngen in,’ ci hi,” ci-in a gen uh hi.

Isaiah 11:11

Tua ni ciangin Topa in Assiria gam, Egypt gam, Pathros gam, Ethiopia gam, Elam gam, Shinar gam, Hamath gam le tuipi gei-a gamte panin ama mi a omlaite a ngahkik nadingin a vangliatna zangkik ding hi.

Isaiah 63:9

Vantung miteʼ hotkhiat hi loin, Topa mahmah in amaute hon khia hi. A itna le a hehpihna tawh amaute hon khia a, amah in a beisa hun khempeuh ah amaute hoihtakin a kem hi.

Late 28:9

Na mite hon inla, na luahte thupha pia in. Amau a cing pa hi inla, a tawntungin amaute huh in.

Isaiah 4:3

Topa in thukhenna le meihalna tawh Zion miteʼ mawhna teng siangsakin, Jerusalem khua sung panin mi thahna teng a beisak ciangin Zion ah a om lai mi, Jerusalem ah khang tawntungin a om dingin a kiciamteh sa mite khempeuh, a siangtho kici ding hi.

Isaiah 10:20

Tua ni a kipan Israel a omlaite, Jakob innkuan a suakta laite in amau a su gawp pa suang nawn loin, Topa ahi, Israel Siangtho Pa pen thuman tawh suanin nei ding uh hi.

Isaiah 10:21

Jakob innkuan a omlaite a vanglian Pasian kiangah ciahkik ding hi.