Isaiah 45:25 - Tedim Bible Revision 2017

²⁵ Israel suanlekhakte khempeuh, Topa’ hangin gualzo-in a kisial ding uh hi.

Tedim Bible

²⁵ Israel suan leh khakte khempeuh in Topa’ hangin midik tangin a kisial ding uh hi.”

Isaiah 45:25 Referans Kwoze

Isaiah 41:16

Amaute na haih ding uh a, huih in amaute mut khia dinga, huihpi in amaute thehthang ding hi. Tua ciangin Topa’ hangin na lungdam ding uh a, Israel-teʼ Siangtho Paʼ hangin na minthang ding uh hi.

1 KORIN MASA 6:11

Note pawl khat, tua bangin na gamta uh hi. Ahi zongin note pen i Topa Jesu Khris le i Pasianʼ Kha Siangtho hangin mawhna panin a hong kisiangsak khin sa, Pasianʼ tungah a kipia sa, Pasian tawh a kipawl sa mite na hi uh hi.

1 KORIN MASA 1:31

Tua ahih ciangin Lai Siangtho sungah, “A kisathei mite, Topaʼ hang bekin kisathei tahen,” ci-in na kigelh hi.

ROM (Romans) 8:30

Tua ahih manin ama sap mite a seh sa hi a, a sap mite amah tawh a kipawlin bawl a, amah tawh a kipawlin a bawl mite ama minthanna zong a hawm hi.

ROM (Romans) 8:1

Ahi zongin tu-in ahihleh Khris Jesu tawh kipawlin a nungta mite pen mawhna thukhenna tawh kipelh hi.

ROM (Romans) 5:1

Tu-in upna hangin Pasian tawh kipawl khinta ihih manin i Topa Jesu Khris hangin Pasian tawh a kilemkik ta ihi hi.

ROM (Romans) 4:16

Tua ahih manin Abrahamʼ suanlekhakte khempeuh tungah Pasianʼ hehpihna piakkhong a suah theih nadingin Thukham a zuite bek in ngah loin, Abrahamʼ up bangin a umte in zong a ngah theih nadingun upna bulphuhin thuciamna kipia hi. Bang hang hiam cih leh Abraham pen kha thu lamah eite khempeuhʼ pupi ahi hi.

Sawltak 13:39

Tua tham loin Jesu a um mite khempeuh pen Moses Thukham in a suahtaksak zawh loh mawhna khempeuh panin a suakta ahihna thu na theih ding uh ahi hi.

Isaiah 65:23

Amaute in a mawk nadingin na sem lo ding uh a, lungkham nadingin ta nei lo ding uh hi. Bang hang hiam cih leh amaute pen Topa’ thupha piak, suanlekhakte hi ding uh a, amauʼ tate amaute tawh nungta khawm ding uh hi.

Isaiah 65:9

Jakob sung panin Judah minamte thupha ka pia dinga, amauʼ suanlekhakte in mual tung gam a luah ding uh hi. Keima na hong sem, keima teel mite, tua gamah teeng ding uh hi.

Isaiah 61:9

Amauʼ suanlekhakte pen minamte lakah kithei dinga, amauʼ tuletate pen mite laizang ah kithei ding hi. Amaute pen Topa in thupha a piak mite hi, ci-in a mu mi khempeuhte in thei-in sang ding uh hi.

Isaiah 45:24

Topa’ hang bekin gualzawhna le thahatna kingah hi, hong kici ding hi. Kei hong mudahte khempeuh mindai-in maizum ding uh hi.

Isaiah 45:19

Keimah in mun simtham, khua mialna gam sungah thu ka gen kei hi. Jakob suanlekhakte tungah, ‘A awngthawl mun sungah kei hong zong un,’ ka ci kei hi. Keimah Topa in thuman ka gen a, a man nate ka pulak hi.

Isaiah 45:17

Ahih hangin Topa in Israel-te hon khia hi. A tawntungin gualzo ding uh a, cikmah hunin maizumna thuak ngei lo ding uh hi,” a ci hi.

Late 64:10

Topaʼ nasepna hangin midikte lungdam ding uh a, amah a beel ding uh hi. Lungsim thutangte khempeuh in amah a phat ding uh hi.

Late 22:23

Topa a zahtak mi khempeuh aw, amah phat un. Jakobʼ suan mi khempeuh aw, amah min thangsak un. Israel mi khempeuh aw, amah lamdang sa un.

1 KHANG TANGTHU MASATE 16:13

no ama nasem Abrahamʼ suante, Jakobʼ suante, ama teeltuamte aw!

Filippi 3:3

Bang hang hiam cih leh eite in Kha Siangthoʼ hong huhna tawh Pasian bia-in, Jesu Khris tawh i kipawl manin lungdamin, a tung lam a kilang vun-atna limte muanin nei lo ihih manin, amaute hi loin, eite pen vun-atna man taktak a zang mite ihi zaw hi.

Galati 6:14

Ahi zongin keimah in ahihleh, singlamteh tungah i Topa Jesu a sihna thu bek ka kisialh pih ding hi. Bang hang hiam cih leh singlamteh tungah ama sihna hangin kei adingin leitung thute misi bang a, kei zong, leitung thu ah misi mah ka bang hi.

2 KORIN NIHNA 10:17

Lai Siangtho in, “Mi khat peuhpeuh a kisialh nop leh Topaʼ nasepnate bek kisialh pih hen,” na ci hi.

2 KORIN NIHNA 5:21

Khris tawh i kipawlna hangin eite zong Pasian tawh a kibangin midik i suah theih nadingin mawhna a nei lo Khris pen eiteʼ tang dingin Pasian in mawhnei mi a suaksak hi.

1 KUMPI MASATE 8:32

nangmah in vantung panin za-in gamta inla, na nasemte thu khen inla, a mawh pa thuaksakin ama lu tung mahah ama gamtatna tungsak inla, a dikpa a dikna langsakin ama dikna tawh kizui-in thaman pia in.

Isaiah 26:2

Upna ah a kip thuman minamte a lut theih nadingin kulh kongpite hong ta un.

Isaiah 28:5

Tua ni ciangin Vanglian Topa pen ama mi a omlaite adingin minthanna kumpi lukhu le hoihna lukhu hi ding hi.

Isaiah 50:8

Ka thumanna a langsak Pasian a nai ah hong om hi. Keima lang khat ah kua hong pang zo ding ahi hiam? Thukhen zumah kikhia nuʼng. Thukhen zumah kua in hong khia nuam ahi hiam? Kei hong langpang dingin hong kuan tahen.

Isaiah 53:11

Amah in a gimna thaman mu-in a lungdam ding hi. A mawk thuak ahih lohna thei-in a thuman ka nasem pa in mi tampi tak a dik suaksak dinga, amah in amauteʼ mawhnate pua ding hi.

Isaiah 60:19

Sun hunin ni pen nangma khuavak hi lo dinga, zan hunin kha pen na khuavak hi nawn lo ding hi. Topa pen a tawntung nangma khuavak hi dinga, na Pasian pen na minthanna hi ding hi.

Isaiah 60:21

Na mihingte khempeuh thuman ding uh hi. Keima min a than nadingin keima suan sa kung, ka khut tawh ka sep sa gam pen amaute in nei paisuak ding uh hi.

Jeremiah 4:2

‘Topa a nuntak bangin,’ ci-in, thuman tak, kiptak, thutang takin thu na ciam nak uh leh gam khempeuh in thupha ka piak ding hong ngen ding uh a, keiʼ sungah amaute a lungdam ding uh hi,” a ci hi.

Jeremiah 33:16

Tua ni ciangin Judah mite kihon khia dinga, Israel mite lungmuang takin a teeng ding uh hi. Amah a kisap nadingin a min ‘Topa, Eiteʼ Diktanna,’ ci-in a kiphuak ding hi.