Isaiah 43:4 - Tedim Bible Revision 2017

⁴ Nang pen keima mitah manpha-in, pahtakhuai-in, nangmah hong it ka hih manin nangma tangin mite ka pia a, na nuntakna khek nadingin mihingte ka pia hi.

Tedim Bible

⁴ Nang pen keima mit-ah manpha-in, pahtakhuai in, nangmah hong it ka hih ciangin nangma tangin mite ka pia a, nangma nuntakna khek nadingin mihingte ka pia hi.

Isaiah 43:4 Referans Kwoze

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.

Jeremiah 31:3

gamlapi pek panin Topa ka kilang hi. Keimah in nang kong it tawntung a, tua ahih manin nangʼ tungah kong thuman tawntung hi.

Piancilna 12:2

Minam lian in kong bawl dinga, thupha hong pia-in, na min liansak ding ka hih manin midangteʼ adingin thupha na hi ding hi.

Mangmuhna 3:9

Jew mi hi lo napi-in Jew mi hi ung, ci-in zuau a gen Satanʼ pawlte, noteʼ mai ah hong paisakin na khephung uh ah ka boksak dinga, note ka hong itna thu amaute ka theisak ding hi.

Johan 17:23

Leitung mite in kei na hong sawlna thu a theih nading le kei na hong it mah bangin amaute na itna thu a theihna hangun amaute pum khat a suah taktak theih nadingun amaute lakah kei ka om a, kei tawh nang na hong om khawm hi.

Johan 16:27

Bang hang hiam cih leh note in kei hong itin, Pa kiang panin a hong pai ka hihna thu um na hih manun Pa mahmah in note hong it ahihna hang ahi hi.

Hosea 11:1

Israel a neu lai-in ka it mahmah a, Egypt gam panin ka tapa ka sam khia hi.

1 PETER MASA 1:7

Hih bang thuaknate in a um takpi mah na hihna uh hong kilangsak hi. A sia thei khamte nangawn, a hoih taktak mah ahi hiam, ci-in mite in mei tawh sin uh ahih manin, kham sangin a manpha zaw noteʼ upna zong a kiptak mah ahi hiam, ci-in Pasian in hong sin ding mah ahi hi. Tua bangin na thuak zawh uh leh Khris hong kilat Ni ciangin phatna, minthanna le pahtawina na ngah ding uh hi.

Malakhi 3:17

Vanglian Topa in hih bangin ci hi: “Tua a kiciamteh mite pen keima mite hi ding uh hi. Keimah in na ka sep ni ciangin amaute pen keima neihtuam taktak mite hi ding uh hi. Pa in ama thu a mang a tapa a hehpih mah bangin kei zong amaute ka hehpih ding hi.

Late 135:4

Bang hang hiam cih leh Topa in ama adingin Jakob teel a, ama neihsa dingin Israel teel khinta hi.

Thu-hilhkikna 26:18

Tu ni-in Topa in note pen amah in note tungah hong ciam sa bangin ama neih ding mi na hihna uh le note in ama thupiaknate khempeuh na zuih nading uh,

Thu-hilhkikna 14:2

Bang hang hiam cih leh note pen Topa na Pasian uh tungah a siangtho mite na hi uh a, leitung a om mite khempeuh sung panin ama neih dingin Topa in note hong teel ahi hi.

Johan 17:26

Kei na hong itna zah itna mah amaute sungah omin, amaute tawh kei ka om khawm theih nadingin amaute tungah nangma min ka gen khin a, mai lamah zong ka gen lailai ding hi,” ci-in thu a ngen hi.

Malakhi 1:2

Topa in, “Note kong it hi,” ci hi. Ahi zongin note in, “Kote hong bangci it na hi hiam?” na ci uh hi. Topa in hong dawng a, “Esau le Jakob unau hi a, ahi zongin Jakob le a suan a khakte itin,

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

Johan 5:44

Pasianʼ pahtak theih nading hanciam nuam loin, note khatlekhat na kiphat theih nading uh a hanciam miteʼ thugen, a bang hangin um zawsop na hi uh hiam?

Isaiah 63:9

Vantung miteʼ hotkhiat hi loin, Topa mahmah in amaute hon khia hi. A itna le a hehpihna tawh amaute hon khia a, amah in a beisa hun khempeuh ah amaute hoihtakin a kem hi.

Late 112:9

Amah in hawm khia zuahzuah a, mizawngte tungah a pia khia hi. Ama migitna kip tawntung a, amah vanglianin kipahtawi ding hi.

Isaiah 49:5

Ama kiangah Jakob kipaipihkikin, ama kiangah Israel-te a kikaihkhop theih nadingin Topa’ mai ah kei hong kipahtawi a, Pasian pen keima thahatna suakin, ama nasem dingin ka nu sung panin keimah a hong piangsak Topa in tu-in thu hong gen hi.

Thu-hilhkikna 4:37

Amah in na pate uh itin, amauʼ suanlekhakte hong teel a, a mahmah in ama vanglian tawh Egypt panin note hong paikhiatpih a,