Isaiah 4:3 - Tedim Bible Revision 2017

^3-4 Topa in thukhenna le meihalna tawh Zion miteʼ mawhna teng siangsakin, Jerusalem khua sung panin mi thahna teng a beisak ciangin Zion ah a om lai mi, Jerusalem ah khang tawntungin a om dingin a kiciamteh sa mite khempeuh, a siangtho kici ding hi.

Tedim Bible

^3-4 Topa in thukhenna leh meihalna tawh Zion numei’ nitna teng siangsakin, Jerusalem khua sung panin mithahna teng a beisak ciangin, Zion-ah a om lai mi, Jerusalem ah a om lai mi khang tawntunga Jerusalem ah om dingin a kiciamtehsa mite khempeuh pen a siangtho kici ding hi.

Isaiah 4:3 Referans Kwoze

Luka 10:20

Ahi zongin dawite in na thu uh hong manna hangin lungdam kei unla, vantungah na min uh a kigelh manin lungdam zaw un,” a ci hi.

Mangmuhna 21:27

Ahi zongin a siang lo, a hoih loin a gamta mi, zuau a gen mite kuamah lut thei lo ding uh a, a nungta mite a kigelhna Tuuno laibu sungah a min a omte bek tua khuapi sungah lut thei ding uh hi.

Isaiah 60:21

Na mihingte khempeuh thuman ding uh hi. Keima min a than nadingin keima suan sa kung, ka khut tawh ka sep sa gam pen amaute in nei paisuak ding uh hi.

Isaiah 52:1

Zion aw, khanglo in; khanglo inla na tha khauhsak in. Khuapi siangtho Jerusalem aw, na puan hoihte silh in. Bang hang hiam cih leh dawibia mite le a nin mite nang sungah hong pai nawn lo ding hi.

Late 69:28

A nungtateʼ laibu sung panin amaute kiphiatsak inla, miphate lakah a min uh kikhumsak kei in.

Mangmuhna 20:15

A nungta mite a kigelhna laibu sungah a min a om lo peuhmah meiphual pi sungah kilawn hi.

Mangmuhna 17:8

Tua na muh ganhing nidangin a om hangin tu-in om nawn lo hi. Ahi zongin tu-in kuahawm thukpi panin hong pusuakin sihna a thuak dingin paikhia ding hi. Tua ganhing nidangin omngei a, tu-in om nawn lo napi-in khatvei hong kilangkik ding ahih manin, a nungta miteʼ min a kikhumna laibu sungah leitung pian ma-in a kigelh nai lo, tu laitakin leitungah a om mite in tua ganhing a et uh ciangin lamdang sa ding uh hi.

Mangmuhna 13:8

Tua ahih manin a kigo Tuuno laibu sungah a nungta ding miteʼ min, leitung pianmapekin a kikhumna ah a kihel lo leitung mi khempeuh in tua ganhing bia ding uh hi.

Mangmuhna 3:5

A gualzo mite in tua bangin puan pak silh ding uh a, a nungta mite a kikhumna laibu sung panin amauteʼ min ka phiat kei ding hi. Ka Pa le ama vantung mite kiangah zong keima mite ahihna uh ka pulak ding hi.

Hebru 12:14

Mi khempeuh tawh na kilem theih nading uh hanciam un. Nuntak siangtho lo tawh kuamah in Topa mu zo lo ding ahih manin nuntak siangtho na nungta un.

Kolose 3:12

Pasian in note hong itin, hong teelin, ama mi siangthote hi khin na hih manun note pen hehpihna nei-in, migi-in, kiniamkhiatin, dikin, na lungduai ding uh ahi hi.

Filippi 4:3

Hih numei nihte in Klement le a nungta mite a kikhumna Pasianʼ laibu sungah a kikhum, ka nasep pih dangte khempeuh tawh, lungdamna thu a kizelh nadingin nakpi takin kei tawh na hong sem khawm uh ahih manin, citakin kei tawh na a sem khawm note in zong amau tegel na huh nadingun kong thum hi.

ROM (Romans) 11:5

Tua mah bangin tuhunin zong Pasian in ama hehpihna tawh a teel sa mi tawm khat om lai hi.

Ezekiel 43:12

Biakinn tawh kisai ngeina in: Mual tung a om biakinn kimkot mun khempeuh pen biakna tawh kisai-in a siangtho ahi hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.

Efesa 1:4

Ama mai ah eite pen paubaanna a nei lo, mi siangthote ahi ding le Khris hangin ama mite ahi dingin leitung a pian mapek nangawnin Pasian in a hong teel sa ihi hi.

Sawltak 13:48

Gentail mite in hih thu a zak uh ciangin lungdam mahmah uh a, Pasianʼ thu hoih mahmah hi, ci-in a phat uh hi. Nuntak tawntungna a ngah dingin Pasian in a teel sa mite in Pasianʼ thu hong um uh hi.

Ezekiel 13:9

Zuau thu tawh maang mu kineihin, mite a khialh theih nadingin zuau thu a gen khol no kamsangte gim a hong pia ding ka hi ta hi. Ka mite a kikhop uh ciangin tuate lakah na kihel kei ding uh a, Israel miteʼ min a kigelhna lakah noteʼ min kigelh lo ding hi. Na gam uh ah na ciahkik ngei nawn kei ding uh hi. Tua ciangin Topa Pasian ka hihna thu na hong thei ding uh hi.

Isaiah 1:27

Topa thutang ahih manin Jerusalem khuapi hon khia dinga, a sungah a teeng a kisik mi khempeuh zong a hon khia ding hi.

ROM (Romans) 11:4

Ahi zongin Pasian in, “Baal milim a bia nai lo mihing tul sagih ka nei lai hi,” ci-in a dawng hi.

Late 87:6

Topa in, “Hihte pen hua lai-a suak,” ci-in minam khempeuh ciamtehin a gelh ding hi.

Isaiah 28:5

Tua ni ciangin Vanglian Topa pen ama mi a omlaite adingin minthanna kumpi lukhu le hoihna lukhu hi ding hi.

Isaiah 35:8

Tua lai ah lam lianpi khat om dinga, Lampi Siangtho kici ding hi. A siang lo mite in tua tung tawn ngei lo dinga, mihaite in tua lam a zui mite khialsak nawn lo ding hi.

Isaiah 46:3

“Na suah a kipan kong tawi, gil sung pan a kong puak, Jakob innkuan, Israel innkuan a suakta laite khempeuh aw, keima thu hong ngai un.

Isaiah 62:12

Amaute pen A Siangtho Mi, Topa’ Hotkhiatte kici dinga, nang pen A kizong khia, a kinusia lo khuapi, hong kici ding hi.

Joel 3:17

Tua ciangin Topa in, “Israel-te aw, ka mual siangtho Zion tungah a teeng keimah pen Topa noteʼ Pasian ka hihna na hong thei ding uh hi. Jerusalem pen a siangtho biakna khuapi hi dinga, gamdang mite in zokik nawn lo ding uh hi.

Obadiah 1:17

Ahih hangin Zion mualah pawl khat va tai ding uh a, tua mun pen a siangtho suak ding hi. Jakob innkuante in amauʼ gam mah luahkik ding uh hi.

Malakhi 3:16

Topa a zahtak mite khatlekhat tua bangin thu kigen uh a, amauteʼ thugennate, Topa in ngai-in za hi. Topa in laibu khat nei a, amah zahtakin a thupi ngaihsut mite khempeuh tua sungah kiciamteh hi.

Isaiah 6:13

Mi sawm-ah-khat bang a om lai tei hangin, taak kung le tawsaw kungte a kiphuk khit ciangin a bulsum a omlaite mei tawh a kihalkik bangin amaute zong kisusia ding hi,” hong ci hi. (A bulsum pen Pasianʼ mite a kipat thakna ding lahna lim ahi hi.)

Zekhariah 14:2

Jerusalem khuapi a sim dingin Topa in minam khempeuh kaikhawm ding hi. A khuapi kila-in, a innte kiluh gawpin, a numeite zong kibuan gawp ding hi. Mi alang bang salin kipaikhiat pih dinga, a dangte ahihleh kipaikhiat pih lo ding hi.