Isaiah 39:3 - Tedim Bible Revision 2017

³ Tua ciangin Kumpi Hezekiah kiangah kamsang Isaiah hong pai-in, “Hih mite in bang hong gen ahi uh hiam? Koi lai panin nang kiangah hong pai ahi uh hiam?” a ci hi. Hezekiah in, “Amaute, a gamlapi, Babylon gam panin kei kiangah a hong pai uh ahi hi,” a ci hi.

Tedim Bible

³ Tua ciangin Kumpipa Hezekiah kiangah kamsangpa Isaiah hong pai-in, “Hih mite in bang gen ahi hiam? Koi lai panin nang kiangah hong pai ahi hiam?” a ci hi. Hezekiah in, “Amaute, a gamlapi, Babilon gam panin kei kiangah hong pai uh ahi hi,” a ci hi.

Isaiah 39:3 Referans Kwoze

Thu-hilhkikna 28:49

Topa in a gamlapi leimong panin muvanlai leeng bangin a manlang, amauʼ pau na theih loh uh minam, thukhualna a nei lo minam, khangham mite a zahtak lo, khangno mite tungah maipha zong a lak tuan lo minam khat, noteʼ lang khat ah hong paipih dinga,

Jeremiah 5:15

“En un, Israel minamte aw, Topa in kong cih in ah, gamlapi panin note a hong sim dingin gam khat kong kuansak ding hi. Tua gam pen tanglai pekin a om khin sa, a hat mahmah, amauteʼ pau na theih loh uh gam khat ahi hi.

2 KHANG TANGTHU NIHNATE 16:7

Tua hun laitakin Judah kumpi Asa kiangah thumu pa Hanani hong pai-in ama kiangah, “Nangmah in Syria kumpipa suangin, Topa na Pasian suang lo na hih manin, Syria kumpipaʼ galkapte in nang hong suaktasak hi.

2 SAMUEL NIHNA 12:1

Tua ciangin Topa in David kiangah kamsang Nathan sawl hi. Amah hong pai-in David kiangah, “Khuapi khat sungah mi nih om a, khat hau-in a khat zawng hi.

Isaiah 38:5

“Pai inla Hezekiah kiangah gen in. Topa, na pa Davidʼ Pasian in hih bangin ci hi: Na thungetna ka za khin a, na khitui ka mu khin hi. Tua ahih ciangin na nuntakna kum sawm le kum nga kong piak beh ding hi.

Isaiah 38:1

Tua hun laitakin Hezekiah a ci na-in si dektak hi. Amozʼ tapa, kamsang Isaiah ama kiangah hong pai-in, “Topa in hih bangin ci hi: Na inn sung thu ding vaihawm in; bang hang hiam cih leh nang na damkik zo kei dinga, na si ding hi, hong ci hi,” ci-in a gen hi.

2 KHANG TANGTHU NIHNATE 25:15

Tua ciangin Amaziah tungah Topa hehin ama kiangah kamsang khat sawl a, tua pa in, “Bang hangin nangma khut panin ama mite a hon khia lo, mi pawl khatteʼ pasian-te beel na hi hiam?” a ci hi.

Joshua 9:9

Amaute in, “Topa na Pasian uh min hangin a gamla mahmah gam panin na nasemte kong pai uh hi. Bang hang hiam cih leh ama thu le Egypt gam sungah a hihte khempeuh,

Joshua 9:6

Amaute Gilgal-a giahphual a Joshua kiangah hong pai-in amah le Israel mite tungah, “A gamlapi panin kong pai uh hi. Tua ahih ciangin kote tawh thuciamna khat hong bawl un,” a ci uh hi.

2 KHANG TANGTHU NIHNATE 19:2

Ahih hangin amah a dawn dingin Hananiʼ tapa, thumu pa Jehu hong paikhia a, Kumpi Jehoshafat kiangah, “Migilote huhin Topa a mudahte it ding na hi hiam? Hih thu hangin Topaʼ hehna nang tungah hong tung zo hi.

Isaiah 39:4

Amah in, “Amaute in na inn sungah bang teng mu ahi uh hiam?” a ci hi. Hezekiah in, “Amaute in ka inn sunga a om khempeuh a vekin mu khin uh hi. Ka vankoihna innte sunga nate amau ka lah loh om lo hi,” ci-in a dawng hi.

Jeremiah 4:16

Minamte kiangah va gen unla, Jerusalem kiangah va taangko un. “Gamlapi panin mite hong pai uh a, Judah gam khuapite langpangin hong kiko uh hi.

Jeremiah 8:19

Ngai un, gam sung mun khempeuh ah ka miteʼ tanute kap uh a, “Zion khua ah Topa om nawn lo ahi hiam? A kumpipa uh om nawn lo ahi hiam?” a ci uh hi. Topa in dawngkik a, “Bang hangin milim bawl tawmte le a gamdang milimte uh tawh kei hong hehsak ahi uh hiam?” a ci hi.