Isaiah 39:2 - Tedim Bible Revision 2017

² Hezekiah in amaute limtakin zin na do hi. Amah in ama dangka inn, ngun, kham, paknamtui, sathau manpha, a galvan koihna inn khempeuh le a vankoihna sunga a kimu theite khempeuh amaute a na lak hi. Ama inn sung hitaleh, ama gam sunga om khempeuh hitaleh Hezekiah in amaute a lah loh bangmah om lo hi.

Tedim Bible

² Hezekiah in amaute lim takin zin na do hi; amah in ama dangka inn, ngun, kham, paknamtuite, sathau manpha, a galvan koihna inn khempeuh, a van koihna sunga a kimu theite khempeuh amaute na lak hi. Ama inn sung hita leh, ama gamsung khempeuh a, omte hita leh Hezekiah in amaute a lah loh om lo hi.

Isaiah 39:2 Referans Kwoze

2 KHANG TANGTHU NIHNATE 32:31

Tua ahih ciangin gam sung om zia lim a kan dingin ama kiangah a kisawl Babylon ulianteʼ kamtaite tawh kisai-in, amah a ze-et nading le ama lungsim sungah bang om hiam cih a vekpi-in a theih nadingin Pasian in ama thu-in amah a omsak hi.

2 KHANG TANGTHU NIHNATE 32:25

Ahih hangin a lungsim kiphasak ahih manin ama tungah phattuamna a kibawl zahin Topaʼ tungah Hezekiah in lungdam ko nuam lo hi. Tua ahih manin amah le Judah le Jerusalem tungah Topaʼ hehna hong tung hi.

Jeremiah 17:9

“Na khempeuh lakah lungsim a khem hat pen hi a, a kisia pha mahmah ahi hi. Kua in lungsim thei zo ding ahi hiam?

JOB (Job) 31:25

ka hauhna zong ka kisaktheih pih ngei kei hi.

2 KORIN NIHNA 12:7

Ahi zongin hih a lamdang na tampite ka muhna hangin kisialin ka kisaktheih khak loh nadingin Satanʼ sawltak bangin na a sem, keima pumpi sungah natna khat hong kipia ahih manin ka kisaktheih luat loh nadingin a hong kham hi.

Thuhilh-sia 7:20

A manin a gamta, a khial ngei het lo, leitungah mi khat zong om het lo hi.

Paunak 4:23

Na lungsim ngaihsutnate nuntakna nak hi a, na neihsa a manpha pen bangin na kep ding ahi hi.

2 KHANG TANGTHU NIHNATE 32:27

Hezekiah hau mahmah in a min thang mahmah hi. Amah in ngun, kham, suang manphate, a namtui nate, lumte, a manpha umlebeel khempeuh adingin van manpha koihnate a bawl hi.

2 KHANG TANGTHU NIHNATE 9:9

Tua ciangin amah in kumpipa tungah kham talen za khat le sawm nih le a namtui nate tampi tak le suang manphate a pia hi. Sheba kumpinu in Kumpi Solomon tungah a piak tua banga a namtui nate zahin a hoih omngei lo hi.

2 KHANG TANGTHU NIHNATE 9:1

Tu-in Sheba kumpinu in Solomonʼ minthanna a zak ciangin thudotna haksate tawh a ze-et dingin Jerusalem ah hong pai a, nungzui honpi le a namtui nate le kham tampi le suang manphate a pua kalaohte hong keng hi. Solomon kiangah amah hong tun ciangin a lungsim a om khempeuh ama tungah gen hi.

2 KUMPI NIHNATE 20:13

Tua ciangin Hezekiah in amaute na zin do a, amah in amaute kiangah a vankoihna inn khempeuh, ngun, kham, a namtui nate, sathau manpha, a galvan le a vankoihna innte ah a om khempeuh a lak hi. Ama inn sung hitaleh ama gam sung khempeuh pan hitaleh Hezekiah in amaute a lah loh om lo hi.

1 KUMPI MASATE 10:25

Amaute khempeuh in letsong, ngun le kham tawh kibawl nate, puante, myrrh paknamtui, a namtui nate, sakolte le la-sakolte, a kumkumin tampi tak hong puak uh hi.

1 KUMPI MASATE 10:10

Tua ciangin amah in kumpipa tungah kham talen za le sawm nih le a namtui nate tampi tak le suang manphate a pia hi. Sheba kumpinu in Kumpi Solomon tungah a piak hih banga a tam a namtui nate hong pai ngei nawn lo hi.

1 KUMPI MASATE 10:2

Amah nungzui honpi, a namtui nate a pua kalaohte, kham tampi le suangmanpha tampi tawh Jerusalem ah hong pai a, Solomonʼ kiangah a tun ciangin amah in a lungsim a om khempeuh Solomon tungah a gen hi.

1 JOHAN MASA 1:8

Mawhna ka nei kei hi, i cih leh eite a kineihkhem ihi a, eite a thutak lo ihi hi.