Isaiah 39:1 - Tedim Bible Revision 2017

¹ Tua hun laitakin Baladanʼ tapa, Babylon kumpi ahi Merodak-baladan in Hezekiah a ci na-in a damkikna thu za ahih manin ama kiangah laikhak le letsong tawh taangmite a sawl hi.

Tedim Bible

¹ Tua hun lai takin Baladan’ tapa, Babilon kumpi ahi Merodakbaladan in Hezekiah a ci na-in a dam kikna thu za ahih manin ama kiangah laikhak leh letsong tawh mite a sawl hi.

Isaiah 39:1 Referans Kwoze

Isaiah 23:13

Taia khuapi, gamsateʼ phualpi a suaksakte pen Assiria mite hi lo a, Babylon mite ahi hi. Babylon mite in khuapi luhna ding panmun bawl uh a, Taia khuapi kulhte susia-in, khuapi sung khempeuh a sia a suaksak uh hi.

Isaiah 14:4

Babylon kumpipa tungah hih zahkona kam na zang ding uh a, “Kumpi gilopa puk ta a, amah in kuamah nengniam zo nawn lo ding!

Isaiah 13:19

Khaldea miteʼ hoihna, a kiphatsakpih, kumpi gam a minthang bel Babylon khuapi pen Pasian in Sodom le Gomorrah a siatsak lai hun bang ding hi.

Isaiah 13:1

Amozʼ tapa Isaiah in Babylon siat nading tawh kisai a thumuhnate:

2 KHANG TANGTHU NIHNATE 32:31

Tua ahih ciangin gam sung om zia lim a kan dingin ama kiangah a kisawl Babylon ulianteʼ kamtaite tawh kisai-in, amah a ze-et nading le ama lungsim sungah bang om hiam cih a vekpi-in a theih nadingin Pasian in ama thu-in amah a omsak hi.

2 KHANG TANGTHU NIHNATE 32:23

Tua ciangin mi tampi in Jerusalem khua Topa kiangah letsongte hong puakin, Judah kumpi Hezekiah kiangah na manphate hong puak uh a, tua hun a kipanin minam khempeuhʼ muhna ah amah kisangtawi hi.

2 SAMUEL NIHNA 10:2

Tua ciangin David in, “Keima tungah a pa thuman takin hong gamtat bangin Nahashʼ tapa Hanunʼ tungah thuman takin ka gamta ding hi,” a ci hi. Tua ahih ciangin David in a paʼ hangin amah a hehnem dingin a nasemte a sawl hi. Davidʼ nasemte Ammon miteʼ gamah va tung uh hi.

2 SAMUEL NIHNA 8:10

amah in Hadadezer do-in a zawhna hangin amah va hopihin a lungdam pih dingin Toi in Kumpi David kiangah a tapa Joram a sawl hi. Bang hang hiam cih leh Hadadezer pen Toi tawh galin kido ngei zel hi. Joram in ngun, kham le sumngo tawh a kibawl nate puak hi.

2 KHANG TANGTHU NIHNATE 32:25

Ahih hangin a lungsim kiphasak ahih manin ama tungah phattuamna a kibawl zahin Topaʼ tungah Hezekiah in lungdam ko nuam lo hi. Tua ahih manin amah le Judah le Jerusalem tungah Topaʼ hehna hong tung hi.