Isaiah 38:3 - Tedim Bible Revision 2017

³ “Topa aw, ka lungsim khempeuh le thuman tak tawh nangma mai ah gamta-in, nangma muhna ah a hoih nate ka sepna thu, tu-in nong phawk nadingin kong thum hi,” a ci hi. Hezekiah nakpi takin a kap hi.

Tedim Bible

³ “Topa aw, lungsim khempeuh leh thuman tak tawh nangma mai-ah gamta-in, nangma muhna ah a hoih nate ka sepna thu, tu-in nong phawk nadingin kong thuum hi,” a ci hi. Hezekiah nakpi takin kap hi.

Isaiah 38:3 Referans Kwoze

Hebru 6:10

Pasian, a man loin gamta ngei lo ahih manin na Khristian pihte uh a beisa hunah na huhna uh le tu dongin na huh laina uh tawh ama adingin na nasepna uh le amah na itna uh na lahnate uh hong mangngilh het lo ding hi.

Hebru 5:7

Leitungah mihingin Jesu a om lai-in sihna panin amah a hon khia thei ding Pasian tungah thu ngenin khitui naptui tawh thumin na kiko hi.

Nehemiah 13:14

Ka Pasian aw, hih thu tawh kisai-in kei hong phawk inla, ka Pasianʼ biakinn le a nasep nadingin ka sep sa gamtat hoihte maimangsak kei in.

2 KORIN NIHNA 1:12

Koteʼ kisialh pih thu in: hih leitung a ka gamtatnate uh le a diakdiakin note tungah kong gamtatnate uh ah, mihingteʼ pilna a zang hi loin Pasian hehpihna vang tawh, Pasianʼ deihna bangin lungsim takpi tawh a gamta hi ung, ci-in ka kitheihna lungsim uh ahi hi.

Johan 1:47

Jesu in ama kiangah Nethanel hong pai a muh ciangin, “En un, hih mipa, Israel mi taktak hi a, a lungsimah zuau thu om het lo hi,” a ci hi.

Nehemiah 13:22

Tua ciangin Sabbath ni a siangtho-in a omsak theih nadingun amaute kisiansuah tawmin kongpite hong cin nadingun Levi mite ka sawl hi. Ka Pasian aw, hih thu ah zong hong phawk inla, na itna tawh kizui-in siatna panin kei hong pengsak in.

Nehemiah 5:19

Pasian aw, hih mite adingin ka bawlna khempeuh kei adingin a hoih lamin hong phawk in.

Thu-hilhkikna 6:18

Topaʼ hong ciam sa bangin noteʼ mai panin na langte khempeuh uh nawh khiatna tawh na pu na pate uh tungah piak dingin Topa in a ciam sa leitang hoih note in na luah theih nading uh le note na nopsak theih nadingun Topaʼ muhna ah a man le a hoih nate na sem ding uh hi.

Late 6:8

Siatna a bawlte khempeuh aw, ka kiang panin kihem khia un; bang hang hiam cih leh Topa in ka kahna aw a za hi.

1 KHANG TANGTHU MASATE 29:19

Amah in a lungsim khempeuh tawh na thupiaknate, na teci pannate le na thukhamte kemin a vekpi-in sem a, keimah in ka vaihawm sa biakinn lianpi amah in a lam theih nadingin ka tapa Solomon tungah utna lungsim guan in,” a ci hi.

Hosea 12:4

Vantungmi tawh kilaii-in a zo hi. Tua ciangin Jakob zong kapin ama tung panin hehpihna a ngen hi. Pasian in Bethel munah amah mu-in a hopih hi.

Late 119:80

Guallelh maizumna ka thuak loh nadingin nangma ngeina kipte a kicing takin a zui zo mi hong hisak ta in.

Late 102:9

Bang hang hiam cih leh vut bek ka annek hi ta a, na thangpaihna le na hehna hangin ka tuidawnte khitui tawh kihel hi. Bang hang hiam cih leh nang in kei hong dom to napi-in lei nong denna hi.

Late 32:2

Topa in mawhna a khuksak loh mi, a lungsim sungah khemna a om lo mi, thupha ngah ahi hi.

Late 101:2

Paubaanna a om lo thu bek ka kin ding hi. Cik ciangin kei kiangah hong pai ding na hi hiam? Lungsim hoihna tawh ka inn sungah ka gamta ding hi.

Late 26:3

Bang hang hiam cih leh na itna kip in lam hong lak a, nangma tungah citakin ka gamta hi.

Late 16:8

Topa ka maingat tawntung a, ka tak lamah amah om ahih manin ka kiliing kei ding hi.

Nehemiah 13:31

Tua ciangin a kiseh hunin zat dingin cih ding sing tawh biakna le anpal tawh biakna ding ka vaihawmsak hi. Ka Pasian aw, a hoih lamin kei hong phawk in.

Nehemiah 1:4

Hih thu ka zak ciangin tu sukin ka kap niloh a, ni tampi sung an tangin, vantung Pasian kiangah thu ka ngen hi.

Ezra 10:1

Ezra in tu-a bangin thu ngenin mawhna pulakin khitui naptui tawh Pasianʼ biakinn mai ah kunin a om laitakin Israel mi numei, pasal, naupang, mi tampi tak ama kiimah hong kikhawmin amaute khempeuh zong nakpi takin a kap uh hi.

2 KHANG TANGTHU NIHNATE 25:2

Topaʼ mitah a manin amah gamta a, ahi zongin a lungsim a paubaang lo hi zo nai sam lo hi.

2 KHANG TANGTHU NIHNATE 16:9

Bang hang hiam cih leh ama lamah a lungsim a paubaang lo miteʼ tangin ama vangliatna a lak dingin Topaʼ mit in leitung khempeuh en kawikawi hi. Hih thu ah na hai gamtat khin hi; bang hang hiam cih leh tu a kipan gal na do ding hi,” a ci hi.

1 KHANG TANGTHU MASATE 29:9

Tua ciangin hih mite in utna lungsim tawh pia uh ahih manin mite lungdam uh hi; bang hang hiam cih leh amaute in a lungsim khempeuh uh tawh Topaʼ tungah pia ziahziah uh a, kumpi David zong nakpi takin a lungdam hi.

Piancilna 17:1

Abram kum sawm kua le kum kua a phak ciangin ama tungah Topa kilang a, “Kei, Vanglian Pasian ka hi hi. Hoihtakin gamta inla, paubaang kei in.

Piancilna 6:9

Noahʼ tangthu hih bang ahi hi. Noah a thuman mi khat hi a, ama khang ah paubaang lo hi. Noah pen Pasian tawh kikhawl hi.

1 KUMPI MASATE 15:14

Ahih hangin mual tunga biaknate kila khia lo hi. Ahi zongin ama hunsung khempeuh Asaʼ lungsim Topaʼ tungah thuman bup hi.

1 KHANG TANGTHU MASATE 28:9

“Tu-in nang, ka tapa Solomon aw, na paʼ Pasian thei inla, na lungsim khempeuh le utna lungsim tawh ama na sem in; bang hang hiam cih leh Topa in lungsim sung zong a, ngimna le ngaihsutna khempeuh thei hi. Nangmah in amah na zon le nangmah in amah na mu ding hi. Ahih hangin amah na nusiat leh amah in nang hong paai khia paisuak ding hi.

Late 6:6

Ka tautauna-in ka gim hi. Zan sialin ka khitui in ka lupna tum a, ka kahkahna-in ka lupna kawt dikdek hi.

Isaiah 38:2

Tua ciangin Hezekiah kawm lam nga-in Topa’ tungah thu ngen a,

Isaiah 38:4

Tua ciangin Isaiah tungah Topa’ thu hong tung a,

2 KUMPI NIHNATE 18:3

A pu Davidʼ hihna khempeuh tawh kizui-in Topaʼ mitah a man gamta hi.