Isaiah 37:4 - Tedim Bible Revision 2017

⁴ A nungta Pasian a zahko dingin ama topa, Assiria kumpipa in a sawl a ulian paʼ thugente, Topa na Pasian in za henla, tua bang thu a gente gim pia tahen. Tua ahih ciangin a om lai i mite adingin thu ngen in,’ ci hi,” ci-in a gen uh hi.

Tedim Bible

⁴ A nungta Pasian zahko dingin ama topa, Assiria kumpipa in a sawl a galkap mangpa’ thugennate, Topa na Pasian in za hen la, tua bang thu a gente daantat ta hen. Tua ahih ciangin a om lai i mite’ adingin thungen in,’ a ci hi,” ci-in a gen uh hi.

Isaiah 37:4 Referans Kwoze

Isaiah 36:20

Topa in ka khut sung panin Jerusalem khua a hotkhiat nadingin, hih gamte khempeuhʼ pasian lakah kua in ka khut sung panin a gam uh hon khia zo ahi hiam?’ ci hi,” ci-in a gen hi.

Isaiah 1:9

Vanglian Topa in eite tawmno khat a nungta-in hong siit hikeileh, eite pen Sodom khua bang khinin Gomorrah khua i bang khinta ding hi.

Isaiah 10:22

Na mi Israel-te, tuipi sehnel zah a phak hangin amaute tawm khat bek hong ciahkik ding hi. Amauteʼ thuak dingin a kilawm bangin thu a kikhen ahi hi.

Late 106:23

Tua ahih ciangin amaute a suksiatna ding a hehna panin a hei khia dingin Pasianʼ mai ah ama teelpa Moses ding hikeileh amaute ka susia ding hi, amah in ci hi.

Jeim 5:16

Tua ahih manin na ci uh a dam nadingin khatlekhat tungah na mawhna uh kipulakin thu na kingetsak ta un. Mihoihteʼ thungetna in vang nei a, na lianpi sem zo hi.

ROM (Romans) 9:27

Isaiah in Israel miteʼ thu a genna ah, “Israel mite, tuipi gei-a sehnel zahin a tam hangin mi tawmno khat bek suakta ding uh hi.

Amos 5:15

Thusia mudahin thupha deih unla, thukhen zumah a manin thu khen un. Tua hileh Josef minam a suakta sunte tungah Topa, Vanglian Pasian hong thunuam kha thei ding hi.

Joel 2:17

Topaʼ na a sem siampite, biakinn sung innliim le biakna tau kikalah kapin thu ngen uh henla, “Topa aw, na mite hong hehpih in. Minam dangte in, ‘Na Pasian uh koi ah om ahi hiam,’ ci-in kote hong simmawhsak kei in. Amauteʼ nuihsatin kote hong omsak kei in,” ci uh hen.

Isaiah 36:18

Hezekiah in, “Topa in eite hong hon khia ding hi,” ci-in lam hong khialsak kha ding ahih ciangin kidawm un. Assiria kumpipaʼ khut sung panin minam dangteʼ pasian khatpeuh in ama gam hon khia zo ngei ahi hiam?

Isaiah 36:13

Tua ciangin a ulian pa ding to-in, Judah pau-in nakpi takin kiko a, “Assiria kumpi, kumpi lianpaʼ thu za un!

Late 50:21

Hihte khempeuh na gamta khin uh a, bangmah ka pau kei hi. Kei pen no tawh a kibangin nong ngaihsun kha uh hi. Ahih hangin tu-in note ka hong taii a, na mawhna uh na mai uh ah ka koih hi.

2 KHANG TANGTHU NIHNATE 28:19

Judah Kumpi Ahaz pen Judah mite tungah kihihsakna tawh gamta-in Topaʼ tungah citak lo ahih manin ama hangin Topa in Judah mite niamkoih hi.

2 KUMPI NIHNATE 19:4

Ama topa ahi Assiria kumpipa in a nungta Pasian a zahko dingin a sawl a ulian paʼ kammalte khempeuh Topa na Pasian in za-in, Topa na Pasian in a zak sa thute nial khin kha ding hi. Tua ahih ciangin a om lai mite adingin thu ngen in,’ ci hi,” a ci uh hi.

2 KUMPI NIHNATE 17:18

Tua ahih ciangin Israel mite tungah Topa heh a, ama muhna panin amaute hem khia hi. Kuamah dang om nawn loin Judah gam mi bek om lai hi.

2 SAMUEL NIHNA 16:12

Topa in ka thuakna hong enin, tu ni-a kei hong samsiatna hangin Topa in a hoih tawh kei hong thuk kha ding hi,” a ci hi.

1 SAMUEL MASA 17:36

Na nasem pa in humpinelkai le vomte that khin ngei hi. Amah in a nungta Pasianʼ galkapte ninsak ahih manin dawibia hih Filistia-pa pen tuate khat tawh kibang lel ding hi,” a ci hi.

1 SAMUEL MASA 17:26

David in ama kiang a ding mite kiangah, “Hih Filistia-pa thatin Israel-teʼ tung panin hih mindaina a beisak pa adingin bang kihih ding ahi hiam? A nungta Pasianʼ galkapte a to dingin hih dawibia Filistia-pa kua ahi hiam?” a ci hi.

1 SAMUEL MASA 14:6

Tua ciangin Jonathan in ama galhiam a pua tangvalpa kiangah, “Hong pai in; dawibia mi hih khuacingte kiangah va pai ni. Topa in eite adingin hong hihsak kha ding hi. Bang hang hiam cih leh hotkhiat nadingin a tam a tawm in Topa nawngkaisak lo ding hi,” a ci hi.

1 SAMUEL MASA 12:23

Tua tham loin kei zong, note adingin Topaʼ tungah thunget lohna tawh ka na khial het kei dinga, keimah in a hoih a man lampite note kong hilh ding hi.

1 SAMUEL MASA 12:19

Tua ciangin mi khempeuh in Samuel kiangah, “Kote ka sih loh nadingun na nasemte adingin Topaʼ tungah thu ngen in; bang hang hiam cih leh ka khialhna sate uh banah kote adingin kumpi khat ngenin ka khialhnate uh banah hih siatna ka behlap lailai uh hi,” a ci uh hi.

1 SAMUEL MASA 7:8

Tua ciangin Israel mite in Samuel kiangah, “Filistia-teʼ khut sung panin amah in eite hong hotkhiat theih nadingin Topa i Pasianʼ tungah eite adingin thunget na khawl kei in,” a ci uh hi.

Joshua 14:12

Tua ahih ciangin tu-in tua ni-a Topaʼ gen hih mual tung gam kei hong pia in. Anak mite a muanhuai mahmah khuapi sungah a omna thu tua hun lai-in kong gen uh hi. Topa in kei hong ompih dinga, Topaʼ cih mah bangin amaute ka hawl khia zo kha ding hi,” a ci hi.

Isaiah 10:20

Tua ni a kipan Israel a omlaite, Jakob innkuan a suakta laite in amau a su gawp pa suang nawn loin, Topa ahi, Israel Siangtho Pa pen thuman tawh suanin nei ding uh hi.

Isaiah 11:11

Tua ni ciangin Topa in Assiria gam, Egypt gam, Pathros gam, Ethiopia gam, Elam gam, Shinar gam, Hamath gam le tuipi gei-a gamte panin ama mi a omlaite a ngahkik nadingin a vangliatna zangkik ding hi.

Isaiah 37:5

Kumpi Hezekiahʼ nasemte Isaiah kiangah a tun uh ciangin

Isaiah 37:17

Topa aw, na bil hong ngat inla hong za in. Topa aw, na mit hak inla hong mu in. Sennakherib in a nungta Pasian a zahkona, hong khak hih thute khempeuh za in.

Isaiah 37:31

Tua ciangin, Judah minam sung panin a suakta lai mite in singkung bangin zungkha sukkikin, gah na gah tokik ding uh hi.

Isaiah 37:32

Bang hang hiam cih leh a omlaite, Jerusalem pan ahi zongin a suakta teng, Zion Mual panin ahi zongin paikhia ding uh hi. Vanglian Topa’ deih luatna in hih thu hong tungsak ding hi.

Isaiah 46:3

“Na suah a kipan kong tawi, gil sung pan a kong puak, Jakob innkuan, Israel innkuan a suakta laite khempeuh aw, keima thu hong ngai un.

Jeremiah 26:19

“Tua hi napi, Judah kumpipa Hezekiah le Judah mi khempeuhte in amah that zenzen uh ahi hiam? Kumpipa in Topa zahtakin, Topaʼ pahtak ding a nget ciangin Topa in zong amauʼ tungah siatna tunsak dingin a gen sa khelkik zaw hi lo ahi hiam? Ahih hangin eite in eiteʼ tungah siatna lianpi khat i tungsak dektak hi,” a ci uh hi.

Jeremiah 42:2

kei kiangah, “Kong thumna uh hong ngai inla, a hong kinusia ko teng adingin Topa na Pasian kiangah thu hong ngetsak in. Bang hang hiam cih leh khatvei lai-in mi tampi ka hih uh hangin tu-in nong muh bangin mi tawmno khat bek ka hi ta uh hi.

Daniel 2:18

Amah in, vantung Pasian in eite hong hehpihin, tua thuthukpi gen khia thei-in, Babylon gam sunga mipil dangte tawh thahna i thuak khawm loh nadingin thu i ngen ding hi, ci-in a gen hi.

Amos 7:2

Kauphe in gam sung lopate a gaih khit ciangin, keimah in Topa tungah ka thum a, “Topa Pasian aw, na mihingteʼ mawhna maisak in. Amaute minam tawm hi a, zawngkhal uh ahih manin bangci-in thuak zo ding ahi uh hiam?” ka ci hi.

2 KHANG TANGTHU NIHNATE 34:21

“Pai unla, a kimu laibu sunga kammalte tawh kisai-in keima ading le Israel le Judah ah a om lai mite adingin Topa thu va dong un; bang hang hiam cih leh i pu i pate in hih laibu sungah a kigelh khempeuh bangin sep ding Topaʼ kammal na zui lo uh ahih manin eite tungah Topaʼ hehna lian hi,” a ci hi.

Isaiah 1:8

Jerusalem khuapi bek om lai a, leenggui lo-a buk, tangmai lo sunga om hampheng bangin kuama don lohin kinusia a, a ki-umcip khuapi bangin kinusia hi.

Isaiah 41:14

Lungno bang ahi lel Jakob, no Israel mite aw, lau kei un! Note kong huh ding hi, Topa in ci hi. Note hong honpa pen Israel-teʼ Siangtho Pa ahi hi.