Isaiah 34:5 - Tedim Bible Revision 2017

⁵ Bang hang hiam cih leh ka namsau in vantungah a sep ding khempeuh a zawh khit ciangin, en un, a sia mang dinga ka seh sa Edom mite tungah thu a khen dingin hong kum suk ding hi.

Tedim Bible

⁵ Bang hang hiam cih leh ka namsau in vantungah a sep ding khempeuh a zawh khit ciangin, en un, a siamang ding a, ka sehsa Edom mite tungah thukhen dingin hong kum suk ding hi.

Isaiah 34:5 Referans Kwoze

Jeremiah 46:10

“Bang hang hiam cih leh tu ni pen Vanglian Topa Pasianʼ ni hi a, phu a lakkik ni, a galte a thuk ni ahi hi. Namsau in amaute that dinga, a kham mateng a si uh a dawn ding hi. Bang hang hiam cih leh Vanglian Topa Pasian in Eufratis gun gei leilu lamah amaute biakna-in a nei hi.

Malakhi 1:4

Esauʼ suanlekhak Edom mite in, “I khuapite a kisiat khit hangin i lamkik ding hi,” ci le-uh, Topa in, “A ut uh leh lam uh hen; ahi zongin ka susiakik veve ding hi. Midangte in, ‘Gam gilo, Topaʼ heh tawntungna minamte,’ ci-in ko ding uh hi,” ci-in a dawng ding hi.

Isaiah 63:1

Edom gam, Bozrah khua panin puan ausan silhin a hong pai, a puan silhna ah minthanna mel nei-in, ama thahatna tawh a hong pai pa kua ahi hiam? A hon khia zo dingin hatna a nei, gualzawhna thu a zasak dingin a hong pai pa pen Topa ahi keimah ka hi hi.

Mattiu 25:41

“Tua ciangin a veilamah a om mite kiangah, ‘Pasian in a samsiat mite aw, keima kiang panin paikhia unla, Dawimangpa le a nungzuite adingin a kibawl meikuang tawntung sungah pai un.

Zefaniah 2:12

No Ethiopia mite zong, Topa in hong that ding hi.

Jeremiah 47:6

Note in, ‘Topaʼ namsau aw, tawlnga nai lo ding na hi hiam? Na paai sungah lutkik inla, taang loin khawl dide in,’ na ci uh hi.

Isaiah 24:6

Tua ahih ciangin Topa in leitung samsiatin susia a, a tunga a teeng mite in amauʼ mawhna hangun a thuak uh hi. Tua ahih ciangin leitungah a teeng mite tawm semsem hi.

Late 137:7

Topa aw, Jerusalem a siat hun lai-in Edom mite in, “Sumai un, sumai un! A bulpi dongin sumai un!” a cih vialna uh phawk in.

Late 17:13

Topa aw, tho in! Amaute mai phut inla, thal paih in! Topa aw, a deih khempeuh uh hih leitungah a nei migilote kiang panin na khut le na namsau tawh kei hong hon khia in. Amau adingin na koihcing gimnate thuaksak inla, a tate un zong a cingvalin thuak uh henla, a naungekte uh ading nangawn nusiat lai ta uh hen.

Thu-hilhkikna 32:14

Bawng hon panin bawngnawi-thaukhal, tuu hon panin tuunawi, tuunote le tuutalteʼ thau tawh, Bashan bawnghonte le keelte, mangbuh hoih pente tawh leenggahtui san na dawn uh hi.

Mangmuhna 1:16

A taklam khutah aksi sagih tawi-in, a kam sung panin langnih a hiam namsau khat hong pusuak a, a maitang sun nitaang a bang hi.

2 PETER NIHNA 2:14

Numei bekbek etnopin nei uh a, a mawhnopna lungsim uh kam thei lo hi. Upna cingtaak lo mite zol belin nei uh a, huaihamna lungsim bekbek a nei uh hi. Tua bang mite, Pasianʼ samsiat mite ahi uh hi.

Galati 3:10

Hih thu tawh kisai-in Lai Siangtho in, “Thukham laibu sunga kigelh khempeuh a vekpi-in a zui khin tawntung lote in Pasianʼ samsiatna thuak hi,” ci ahih manin Thukham a suangte pen samsiatna a ngah mite ahi uh hi.

1 KORIN MASA 16:22

Topa a it lo mi peuhmah in samsiatna ngah tahen. I Topa hong pai tahen.

Isaiah 43:28

Na uliante un ka biakinn mindaisak uh ahih manin Israel tungah siatna ka tungsak a, Jakob ka mindaisak hi,” a ci hi.

Isaiah 65:12

namsau tawh a si dingin ka hong seh dinga, hong that dingteʼ mai ah na ngawng uh na dawh ding uh hi. Bang hang hiam cih leh kong sap ciangin note in nong dawng kei uh a, thu ka gen ciangin nong ngai kei uh hi. Keima thu man loh ding mah na ut zaw uh a, a sia na gamta uh hi.

Ezekiel 32:29

“Edom zong a kumpite le a gam ukte tawh tua lai mahah om hi. Amaute pen a thahat galkapte hi a, ahi zongin tu-in Pasian a thei loin gal sung a a site lak, misiteʼ gam Leinuai ah a lum uh hi.

Ezekiel 35:1

Topa in kei kiangah thu hong gen a,

Ezekiel 35:8

Mual tung khempeuh si luanghawm tawh ka kidimsak dinga, mual le guam khempeuh dimin gal sung a a siteʼ luanghawm a om ding hi.

Ezekiel 35:15

keima mi Israel-te a siat gawp manin na lungdamna zah tawh kizui-in nangma tungah kong bawl ding hi. Seir Mual tung gam ahi Edom leitang khempeuh, gamkhing suak ding hi. Tua ciangin Topa ka hihna thu mi khempeuh in hong thei ding uh hi,” hong ci hi.

Isaiah 21:11

Edom gam tawh kisai thu hih bangin gen hi: Seir mual tung panin khat in kei hong sam a, “Galvil pa aw, tu zan bangci hiam? Galvil pa aw, tu zan bangci hiam?” hong ci hi.

Ezekiel 36:5

“Topa Pasian ahi keimah in a kimkot ah a om minam dangte le a diakdiakin Edom mite tungah ka hehluatna tawh thu ka gen hi. Amaute in lungdamin nuihna le simmawhna tawh keima leitang la-in a tang uh hi.

Zefaniah 1:7

Topa Pasianʼ mai ah gamdai takin om un! Topaʼ ni hong nai ta hi. Topa in biakna-a sa gawh bangin a mite a go dingin kithawi a, a gawh ding mite siansuah khin hi.