Biblia Todo Logo
Bib sou entènèt

- Piblisite -




Isaiah 32:2 - Tedim Bible Revision 2017

2 Amaute pen huihpi panin belhna, guahpi panin bukna bang ding uh hi. Sehnel gam sungah a luang tui bang ding uh a, nisa gam sungah a om suangpi liim bang ding uh hi.

Gade chapit la Kopi

Tedim Bible

2 Amaute pen, huihpi panin belhna, guahpi panin bukna bang ding uh a, sehnel gam sunga tui luang bangin, nisa gam sunga om suangpi liim bang ding uh hi.

Gade chapit la Kopi




Isaiah 32:2
29 Referans Kwoze  

Bang hang hiam cih leh nang pen mizawngte adingin mun muanhuai, a cimawh mite adingin a lungkhamna uh ah mun muanhuai, huihpi panin bukna le nisa panin niliim na hi hi. Bang hang hiam cih leh thu khual lo miteʼ hihna pen huihpi in kulh a nawk gawp tawh kibang a,


“Bang hang hiam cih leh a dangtak leitang tungah tui ka sung dinga, lei keu tungah luitui ka luangsak ding hi. Na suanlekhakte tungah ka kha ka sung dinga, na tu na tate tungah ka thupha ka pia ding hi.


Bang hang hiam cih leh eite adingin naungek khat hong suak a, eiteʼ tungah tapa khat hong kipia hi. Amah pen eite hong ukpa hi dinga, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.


“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang dinga, ka tuute gim ka pia ding hi.


Gamsate, ngiate le vasa-kalaohte in kei hong pahtawi ding uh hi. Bang hang hiam cih leh keima adingin ka piansak mite in keimah hong phatna a genkhiat theih nadingun, keima teel miteʼ dawn dingin gamlak ah tui pia-in, sehnel gam sungah gun ka luangsak hi.


Bangmah a om lohna a sangna munte panin gunte ka luangsak dinga, kuamteʼ laizang ah tuikhukte ka omsak ding hi. Sehnel gam pen bualtui ka suaksak dinga, lei keuna mun pen ciktui ka suaksak ding hi.


Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei dinga, ama min Immanuel kici ding hi.


Topa aw, ka langteʼ kiang panin kei hong hon khia in. Nangmah a beel dingin ka hong tai hi.


Tua ciangin vantungmi in Pasian le Tuuno tokhom panin a hong luang khia, kristal suangmanpha bangin a tee selsel gun tui hong lak a,


I biakna pen a thuthuk a thu lian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuh ah ama thu ki-umin, vantungah amah kila to hi.


Pawi bei ni ding pen a thupi pen ni hi a, tua ni-in mihon lakah Jesu dingin nakpi takin kiko a, “A dangtak na om uh leh ka kiangah hong pai unla tui hong dawn un.


Keimah in thutang pen khaukhai bangin ka bawl dinga, thuman pen khaukhai sikbawk bangin ka bawl ding hi. Gial in na zuau buk uh deng khia dinga, tui in na bukna mun uh susia ding hi,” ci hi.


Pasian aw, keima Pasian na hi hi. Nangmah kong zong a, ka lungsim khempeuh tawh nang kong deih hi. Tui om lohna gam keu bangin ka pumpi bup in nang hong deih hi.


Nang pen kei adingin ka bukna mun na hi a, haksatna pan kei hong kemin hotkhiatna kicing nong pia hi.


Sangpen paʼ liahna sung, Vanglian paʼ liim sungah a om mi khempeuh in


En in, Pasian pen kei a hong hon khia pa ahi hi. Amah ka muang dinga, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong hon khia pa ahi hi,” a cih hun uh hong tung ding hi.


Amaute in Judah mite kiangah, “Kote tungah thuhoih hong lak unla, thutangin hong gamta un. Sunkim laitak a sing liim bangin kote hong liah un. A kihawl khia kote hong seel unla, galtai kote hong heek kei un.


Tu-in a thak na khat ka bawl a, tu-in hong piang khia hi. Note in thei lo na hi uh hiam? Gamlak ah lam lianpi khat ka bawl dinga, sehnel gam sungah gunte ka luangsak ding hi.


“En un, Topa in kong cih in ah: Israel mite le Judah mite tungah ka khap sa thu ka tangtunsak hun hong tung ding hi.


Amaute in galteʼ khut sung panin a hong huh zo dingin ka up uh, Pasianʼ teel a muanhuai kumpi a hong matsak uh hi.


Swiv nou:

Piblisite


Piblisite