Isaiah 32:10 - Tedim Bible Revision 2017

¹⁰ Nomauʼ tumtakin a lungkim numeite aw, kum khat val zek khit ciangin na liing lawng ding uh hi. Bang hang hiam cih leh leenggah kum hong sia dinga, singgah lawhna hun hong tung lo ding hi.

Tedim Bible

¹⁰ Nomau thu tum tak-a a lungkim numeite aw, kumkhat val zek khit ciangin na liinglawng ding uh hi; bang hang hiam cih leh leenggah kum hong sia ding a, singgah lawhna hun hong tung lo ding hi.

Isaiah 32:10 Referans Kwoze

Jeremiah 8:13

“Topa in kong cih in ah, amaute ka susia khin dinga, a lote uh ah leenggah a om nawn kei ding hi. Thei in zong gah a nei nawn kei ding hi. A tehte nangawn keu dinga, amaute ka piak sa nate a bei ding uh hi.

Isaiah 7:23

“Tua ni ciangin ngun tang tul khat a man leenggui tul khat a omna mun khempeuh pen lingkungte le lingteʼ omna suak ding hi.

Zefaniah 1:13

Amauʼ neihsa khempeuh kisut dinga, a innte uh kisuksiatsak ding hi. Inn a lam hangun a sungah teeng kha lo ding uh a, leenggui a suan hangun a leenggahzu dawn kha lo ding uh hi,” a ci hi.

Habakkuk 3:17

Theigahte a hut khin a, leengguite a gah kei zongin, oliv kungte gah lo a, lo ah an a piang kei zongin, tuu khempeuh a si khin a, ganbuk khempeuh a hawm khin zongin,

Joel 1:12

Leengguite keu a, theikungte vuai ta hi. Mang kawlsingte, nisuhte, epel kungte a kipan singkung khempeuh keu mangkhin hi. Mihingte a lungdamna ding teng zong a maimang ta hi.

Joel 1:7

Amaute in i leenggui teng susia mangkhin a, i theikung teng khempeuh ne tum mangkhin uh hi. A hawng khempeuh ne tum uh a, a hiangte kang sengsang hi.

Hosea 3:4

Hih pen kumpi ahi a, makai ahi zongin, biakpiakna le biakpiakna khuampite ahi zongin, siampi puanpi le milim pasian-te nei loin hun saupi sung Israel mite om ding a cihna ahi hi.

Hosea 2:12

Ka pasal it dangte in thamanin hong piak hi, ci-in a gen a leengguite le a theikungte ka susia dinga, gamsate in tuate suksiatsakin gamlakpi a suak ding hi.

Isaiah 16:10

An tampi a pian ngeina lo lai ah lungdamna le nuamna om nawn lo hi. Leenggui lote ah lasakna om lo a, lungdam a kikona om nawn lo hi. Leenggah cilna ah kuamah in leengtui suk nawn lo a, leenggah lawh cianga kikona aw kidaisak ta hi.

Joel 1:5

No zukhamte aw, tho unla kap un. No leenggahzu nete aw, thumin tau un. Na zunek ding teng uh bei mang khinta hi.