Isaiah 3:9 - Tedim Bible Revision 2017

⁹ Amauʼ maipuak in amauʼ langah teci pang hi. Sodom bangin amaute a langtangin gamta uh a, amaute in im lo uh hi. Amaute in gimna ngah tahen! Bang hang hiam cih leh amaute in amauʼ tung mahah siatna kitun uh hi.

Tedim Bible

⁹ Amau’ maiput in amau langah teci pang hi; Sodom bangin amaute in a mawhna uh genkhia uh hi, amaute in iim lo uh hi. Amaute in gimna ngah ta hen! Bang hang hiam cih leh amaute in amau tung mah ah siatna kitun’ uh hi.

Isaiah 3:9 Referans Kwoze

Piancilna 13:13

Tua laitakin Sodom mite migilo hi a, Topaʼ tungah nakpi takin a khialte ahi hi.

Jeremiah 6:15

Hih a kihhuai nate a sep uh ciangin a maizum beek uh hiam? Maizum beek lo uh a, kisuang thei beek lo uh hi. Tua ahih manin a siteʼ lak mahah amaute zong si ding uh a, gim ka piak ni ciangin a kilawn khia ding uh hi,” Topa in hong ci hi.

ROM (Romans) 6:23

Bang hang hiam cih leh mawhna in thaman hong piak pen sihna hi a, ahi zongin i Topa Jesu tawh i kipawl manin Pasianʼ hong piakkhong pen nuntak tawntungna ahi hi.

Ezekiel 23:16

Amah in tua limte a muh phetin amaute lunggulh mahmah pah a, a sam dingin Babylon gamah kamtai a paisak pah hi.

Kah la 5:16

Kisaktheih nading bangmah om nawn lo a, mawh ihih manin gimna a thuak ihi hi.

Jeremiah 3:3

Tua hang mahin guahtui kikangsak a, guah nunung hong zu lo hi. Ahi zongin numei paktatte tawh a kibang hi napi-in na maizum thei kei lailai hi.

Isaiah 3:16

Topa in hih bangin ci hi: Jerusalem numeite kiphasakin ngawng dok sa-in lam pai uh a, kiphatsakna tawh a mit uh hei pampamin hi tuihtuihin lam pai uh a, a khe uh gingsak sualsual ahih ciangun

Paunak 30:13

Mihoih pha mahmah in a kingaihsun, a kiliansak mahmah mi pawl khat om hi.

Paunak 8:36

Ahi zongin kei hong mu lo mi, a mahmah a kisusia hi a, kei hong mudah peuhmah, a si nuam ahi hi,” hong ci hi.

Late 10:4

Migilo in kiphatsakna lungsim nei a, Topa zong lo hi. Ama ngaihsutna khempeuh ah, “Pasian om kei,” a ci hi.

2 KUMPI NIHNATE 9:30

Jezreel khua ah Jehu hong tun ciangin Jezebel in a thu na za hi. Amah in a mitte zutin a lutang zem a, tawlet ah khuadak hi.

1 SAMUEL MASA 15:32

Tua ciangin Samuel in, “Amalek-teʼ kumpi Agag hih lai ka kiangah hong paipih in,” a ci hi. Tua ciangin Agag launa linna tawh ama kiangah hong pai hi. Agag in, “Sih ding lungkhamna hong tung taktak ta hi,” a ci hi.

Hosea 13:9

No Israel-te kong su gawp ding hi. Kua in note hong huh zo ding ahi hiam?

Daniel 7:20

Tua ciangin a lu tungah ki sawm le, a nung ciangin ki khat hong po a, a om sa kite sung pan ki thum a kitanna thu ka thei nuam hi. Amah in mittang le kiphatsakna kamsia pauna ding kam a nei hi. A dangte sangin nakpi takin kihtakhuai zaw hi.

Mangmuhna 11:8

singlamteh tungah amauteʼ Topa a kithahna mun Sodom ahih kei leh Egypt minkhem a pua khuapi kongzing ah a luanghawm uh kipaidak ding hi.

Piancilna 4:5

ahih hangin Kain le ama piakna thusim lo hi. Tua ahih ciangin Kain heh mahmah a, a mai sia hi.

Paunak 15:32

Kihilh ding a ut lote a mahmah a kisusia hi a, kithuhilh ding a utte pil semsem ding hi.

Isaiah 1:10

Sodom a uk mangte aw, Topa’ thu na za un! No Gomorrah mite aw, i Pasianʼ hihna na ngai un!

Isaiah 57:20

Ahih hangin migilote pen a kilok tui tawh kibang uh hi. Bang hang hiam cih leh tuipi khawlcip thei lo a, a tuite in buan le ninte laam to uh hi.

Isaiah 59:12

Bang hang hiam cih leh nangma tungah koteʼ thupalsatna tampi tak pha a, ka mawhnate un koteʼ langah teci hong pang hi. Koteʼ thupalsatnate, ka mawhnate uh ka thei uh hi.

Jeremiah 2:19

Na gitlohna mah in nangmah hong thuhilh dinga, kei na hong up nawn lohna in nangmah hong mawhsak ding hi. Topa na Pasian nong nusia a, keimah nong kihtak nawn loh ciangin, nuam het loin kha velval hi, cih thu thei inla mu in, Vanglian Topa Pasian in ka hong ci hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh a, kisuang thei beek lo uh hi. Tua ahih manin a site lak mahah amau zong si ding uh a, gim ka piak ni ciangin a kilawn khia ding uh hi, Topa in kong ci hi.

Ezekiel 16:30

“Topa Pasian in hih bangin ci hi: A bangci lawmlawm na hi hiam? Zumna mel thei loin hih bangin na paktat hi.

Ezekiel 16:49

Na sanggamnuʼ mawhna pen: Amah le a tanute in nek ding tampi nei-in nuamsa mahmah in, daitakin om uh ahih manin amaute kiphasak uh a, a zawng a cimawhte don lo uh hi.

Piancilna 19:34

A zing ciangin a u in a nau tungah, “En in, zan zanin i pa tawh ka lum hi. Tu nitakin zong amah leenggahzu khamsak leuleu ni. Tua ciangin nang pai inla, i pa tawh suanlekhak i kizopsak theih nadingin amah tawh lum khawm in,” a ci hi.

Hosea 5:5

Israel-teʼ kiphatsakna pen amau mahʼ siat nading ahi hi. Amauʼ mawhna in amaute puksak dinga, Judah mite in zong puk pih ding uh hi.