Isaiah 3:5 - Tedim Bible Revision 2017

⁵ Mite khatlekhat, mi khempeuh in a lawmte ciat, mi khempeuh in a veengte ciat, hih gawp ding uh hi. Khangnote pen uhamte tungah, migina lote pen mi liante tungah kiphasak ding uh hi.

Tedim Bible

⁵ Mite khat leh khat, mi khempeuh in a lawmte ciat, mi khempeuh in a veengte ciat, kinencip gawp ding uh hi; khangnote pen uhamte tungah, migina lote pen miliante tungah kiphasak ding uh hi.

Isaiah 3:5 Referans Kwoze

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.

Jeim 5:4

Na lo uh a hong khawhsakte a thaman pia lo na hih manun tu-in amauteʼ phunna za un. An la dingin na sawl uh miteʼ phunna Vanglian Topa in za khinta hi.

Jeim 2:6

note in mizawngte na simmawh bawl uh hi. Note hong bawlsia-in thukhen zum hong tun pahpahte, mihaute hizaw uh hi.

Luka 22:64

Puan tawh a mit tuamsak uh a, “Kuaʼn hong sat ahi hiam, thei dih in,” a ci uh hi.

Marka 14:65

Tua ciangin mi pawl khat in cilphih uh a, a mai tunsakin beeng uh a, “Kua in hong beng ahi hiam, gen in,” a ci uh hi. Palikte in zong amah paipihin a beeng uh hi.

Mattiu 26:67

Tua ciangin amaute in a maitang cilphih uh a,

Micah 3:11

Khuapi ukte in sumgolh ngah theih nading ngaihsutna bek tawh thu khen a, siampite in sum ngah theih nading ngaihsutna bek tawh thu gen a, kamsangte in zong sum ngah theih nading ngaihsutna bek mah tawh mailam thu gen khol uh hi. Tua bang hi napi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Amos 4:1

Bashan gam bawngpi bangin a thau mahmah, mizawngte nengniamin mi cimawhte a su gawp, na pasalte uh kiangah, “Ka dawn ding bang khatpeuh hong puak in,” ci-in a vaikhak no Samaria numeite aw, hih thu limtakin ngai un:

Ezekiel 22:12

Pawl khat in sum deih manin mi that uh hi. Pawl khatte in a Israel mipih sum leitawi a late tungah nuamtak sa-in a meet lakna tawh hauhlawh uh hi. Amaute in kei hong mangngilh uh hi, Topa Pasian in ci hi.

Jeremiah 22:17

Ahih hangin note in thuman lo tawh ngah nading ahi zongin, mimawh loteʼ sisan luanna ding ahi zongin, mi nuaisiahna le ngongtatna ding ahi zongin, na mitte uh le na lungsim uh na zang uh hi.

Isaiah 11:13

Efraim in hazatna lungsim a neihnate bei dinga, Judah mi a galbawlte kisusia ding hi. Efraim in Judah haza nawn lo dinga, Judah in zong Efraim galbawl lo ding hi.

Isaiah 1:4

Ah, a khial minam, mawhna in a nencip mite, siatna a bawlteʼ suanlekhakte, a gamtat sia tapate! Amaute in Topa nusia khin uh a, amaute in Israel-teʼ Siangtho Pasian simmawh khin uh hi. Amaute in lam khial khin taktak uh hi.

2 KUMPI NIHNATE 2:23

Amah tua lai panin Bethel ah pai to hi. Lampi ah a pai toh laitakin khuapi panin naupang neu pawl khat hong pai khia-in amah zahko uh a, “Pai to in, nang lukolh pa” a ci uh hi.

Siampi Laibu 19:32

“Note, sam kangteʼ mai-ah na kun ding uh a, puteekteʼ maitang zahtakin, na Pasian uh na kihta ding uh hi; kei pen Topa ka hi hi.

Isaiah 9:18

Bang hang hiam cih leh gitlohna mei bangin kuang a, lingkungte le lingte kaang tumsak hi. Gamlak lopa phate kuangsak a, meikhu lomtangin van lamah kizial to uh hi.

Isaiah 19:2

Egypt mite amau le amau ka kitawngsak ding hi. Mi kim in ama veengte ciat do dinga, khua khatlekhat kido-in, mi khatlekhat kumpi za kituh ding hi.

Micah 7:2

Leitungah mihoih teng bei khinta a, Pasianʼ tungah a thuman mi kuamah om nawn lo hi. Mihoih teng si khinta hi. Mi khempeuh in mi thah ding bek ngaihsun uh a, a kuamah peuh in a mipihte thah ding bek hanciam uh hi.

Zekhariah 11:6

Tua ahih ciangin hih gamah a teeng mite ka hehpih nawn kei ding hi. Amaute a ukpa le a kumpipaʼ khutnuai ah mi khempeuh ka koih ding hi. Gam uk mite in gam sungteng susia gawp dinga, amauʼ suksiatna panin kuamah ka hon khia kei ding hi,” hong ci hi.