Isaiah 3:13 - Tedim Bible Revision 2017

¹³ Topa in thupang dingin ama panmun hong la a, ama miteʼ thu a khen dingin a ding hi.

Tedim Bible

¹³ Topa in, thu pang dingin thukhenna munah ama panmun hong la a, ama mite thukhen dingin a ding hi.

Isaiah 3:13 Referans Kwoze

Micah 6:2

No mual liante le a kip tawntung leitung bulpite aw, Topaʼ thu ngai un. Topa in ama mite tawh thu nei a, Israel tawh thu kiseel ding hi.

Late 12:5

Topa in, “Mizawngte a neihsa kihawk khia a, mi cimawhte thumin tau uh ahih ciangin tu-in dingin, amauʼ lunggulh, lungmuanna munah amaute ka koih ding hi,” a ci hi.

Late 74:22

Pasian aw, tho inla, nangma thu ah hong pang in. Dawibia mite in sun tawntungin nang a hong thusim lohna hong phawk ta in!

Late 82:1

Thu vaihawm kikhopna sungah Pasian in ama panmun hong len a, amah in pasian-teʼ lakah thu a khen hi.

Isaiah 51:22

Ama mite adingin a thumsak Topa, Topa ahi noteʼ Pasian in hih bangin ci hi: “En un, noteʼ khut sung panin hoina hai ka la khia khin a, ka hehna haipi na dawn nawn kei ding uh hi.

Isaiah 66:16

Bang hang hiam cih leh Topa in mei tawh thukhenna sem dinga, a mawh mi khempeuh tungah a namsau tawh thu khen dinga, Topa in a thah mite tam mahmah ding hi.

Joel 3:12

“Minam dangte hong kithawi henla, Jehoshafat Kuam ah hong kuan suk uh hen. Kimkot ah a om minam dang khempeuhʼ thu a khen dingin Topa ahi keimah, tua munah ka tu ding hi.

Isaiah 1:18

Topa in hih bangin ci hi: “Tu-in hong pai unla, thu kikum khawm ni. Na mawhnate uh puansan a bat hangin vuk bangin hong ngo ding hi. Na mawhnate uh si bangin a san hangin tuumul bangin hong kang ding hi.

Micah 6:1

Topa le Israel a kitotna ngai un. Topa aw, kipan inla, mual liante le mual neute mai ah na thu sung in.