Isaiah 3:10 - Tedim Bible Revision 2017

¹⁰ Amaute tungah thu hoih ding hi, ci-in thuman mite kiangah hih thu gen un. Bang hang hiam cih leh amaute in amauʼ gamtat hoih thaman ngah ding uh hi.

Tedim Bible

¹⁰ Amaute tungah thu hoih ding hi, ci-in thuman mite kiangah gen un, bang hang hiam cih leh amaute in amau gamtatna hoih a gah ne ding uh hi.

Isaiah 3:10 Referans Kwoze

Hebru 6:10

Pasian, a man loin gamta ngei lo ahih manin na Khristian pihte uh a beisa hunah na huhna uh le tu dongin na huh laina uh tawh ama adingin na nasepna uh le amah na itna uh na lahnate uh hong mangngilh het lo ding hi.

Thuhilh-sia 8:12

Mawhnei khat in zavei dong siatna bawl napi-in a khansau veve hi. Ahi zongin “Pasian a zahtakte adingin thu khempeuh nuam ding hi.

Malakhi 3:18

Tua ciangin midikte le migilote le keima na hong semte le hong sem lote a kilamdanna na mukik ding uh hi,” a ci hi.

Zefaniah 2:3

Kiniamkhiatin, Topaʼ thupiakna a mang Judah gam mi khempeuh aw, Topaʼ kiang zuan un. A manin gamta unla, kiniamkhiat un. Tua hileh Topaʼ hehna hong kilat ciangin, tua hehna hangin gimna panin na peng kha thei ding uh hi.

Jeremiah 15:11

Topa aw, amauteʼ hoih nadingin nang tungah kong thumsak kei a, gimna le haksatna hun ciangin ka galte adingin nangʼ tungah kong ngetsak kei leh tua amauʼ hong hamsiatnate keiʼ tungah hong tung tahen!

Ezekiel 9:4

“Jerusalem khua sung khempeuh ah pai kawikawi inla, hih khuapi sungah a muhdahhuai gamtatnate a kisepna hangin dahin a lungkham mi khempeuhteʼ taltang ah ciaptehna va bawl in,” ci-in a sawl hi.

Piancilna 18:25

Thuman mite, migilote tawh a kibat nadingin migilote tawh thuman mite thah khop ding, hi thei ding ahi hiam? Tua pen hi thei lo ding hi. Leitung khempeuh Thukhen pa a manin gamta lo ding ahi hiam?” a ci hi.

Paikhiatna 1:20

Tua ahih ciangin Pasian in naudomte limbawl hi. Mite khangin pawl cing semsem uh hi.

Thu-hilhkikna 12:25

Topaʼ muhna ah a manin na gamtat uh ciangin note le noteʼ khit cianga na tate uh a nopsak theih nadingin si na ne kei ding uh hi.

Late 58:11

Mite in, “Thuman mi ading noptuamna om taktak a, leitung thu a khen Pasian khat om taktak hi,” ci ding uh hi.

Paunak 12:14

Mite in kam hoih pauna hangin thaman ngah uh a, a sepna bangun zong thaman ngah uh hi.

Paunak 13:21

Tuahsiatna in mawhneite sulzuih kawikawi a, midikte tuahpha kawikawi hi.

Paunak 18:21

Kampauna in sihna ahi a, hinna ahi zongin piangsak thei a, i kampauna bangin a piangte san loh phamawh hi.

Isaiah 54:17

Nangmah do nadingin a kibawl hiam peuhmah maavang lo dinga, thukhenna sungah na langah a pang mi khempeuh na nial gawp zo ding hi. Hih thu pen Topa’ nasemteʼ gamhluah le keima kiang panin amauteʼ dikna a kilahna ahi hi, Topa in ci hi,” a ci hi.

Jeremiah 7:23

Ahih hangin, ‘Ka thu hong mang un; tua hileh noteʼ Pasian ka hi dinga, note pen ka mite na hi ding uh hi. Note adingin a hoih zawk nadingin na khempeuh ah kong thupiak bang na zui un,’ ci-in thu ka pia zaw hi.

Jeremiah 21:14

Na gamtatna tawh kizui-in gimna kong pia ding hi, Topa in kong ci hi. Tu lak a sing hoihte tawh a kilam na kumpi innte uh mei tawh kihal dinga, a kimkot khempeuh ka kaang tumsak ding hi,” a ci hi.

Jeremiah 22:15

Taamtak sing tawh inn na lam manin kumpi kisa na hi hiam? Na pa in an ne tui dawn a, thumanna le diktatna tawh na a sep manin a maa pai hi lo ahi hiam?

Ezekiel 18:20

A si ding pa pen a mawh mipa ahi hi. Ta in paʼ mawhna thuak lo dinga, tua mah bangin pa in taʼ mawhna thuak lo ding hi. Mihoih pa in a hoihna thaman ngah dinga, migilo pa in a gitlohna thaman thuak ding hi.

Micah 7:13

Ahi zongin a tungah a teeng miteʼ gitlohna hangin, leitung pen sehnel gamkhing a suak ding hi.

Paunak 10:6

Mihoihte in thupha ngah a, migilote in thusia bekbek gen hi.

Luka 19:19

Amah in, ‘Khuapi nga na uk ding hi,’ a ci hi.