Isaiah 27:7 - Tedim Bible Revision 2017

⁷ Pasian in Israel-teʼ galte a vat gawp bangin Israel-te vat gawp ahi hiam? Tua ahih kei leh amau a thatte a kithah bangin Israel-te kithat ahi hiam?

Tedim Bible

⁷ Amau’ galte a vat gawp bangin Pasian in Israelte vat gawp ahi hiam? Tua ahih kei leh amau a thatte a kithah bangin amaute kithat ahi hiam?

Isaiah 27:7 Referans Kwoze

Nahum 3:19

Na liammate, a dam theih nading om lo a, na meimate a dam thei lo pawl ahi hi. Na thuakna thu a za mi khempeuh in lungdamin a khut uh beeng ding uh hi. Bang hang hiam cih leh na gitlohna a thuak kha lo kuamah om lo hi.

Nahum 1:14

Topa in Assiria mite tawh kisai-in hih bangin thu pia hi: “Note na cimang ding uh a, na pasian-te uh biakinn sunga om milimte ka susia ding hi. Note siahuai lua na hih manun na hankhuk ding uh a bawlbawl ka hi ta hi,” a ci hi.

Jeremiah 51:24

“Topa in kong cih in ah, Babylon khua le Khaldea gamah a teengte khempeuh in Zion khua ah siatna a bawl manun noteʼ muhna ah ka thuk ding hi.

Jeremiah 50:40

Topa in kong cih in ah, Sodom khua, Gomorrah khua le a kiim a khuate, Pasian in a suksiat bangin tua lai ah kuamah a teeng kei dinga, kuamah zong a va baang pak beek kei ding hi.

Isaiah 17:14

En un, nitakin hong lausak a, zingsang ma-in amaute bei ta! Hih bang thute pen eite hong susia-in eite a hong luh gawpte in a thuak ding uh ahi hi.

Isaiah 17:3

Efraim gam panin kulhpi bei-in, Damaskas khua panin kumpi gam mangthang ding hi. Syria mi a suakta laite pen Israel mite mah bangin mindai ding uh hi, Vanglian Topa in ci hi.

Isaiah 10:12

Topa in Zion Mual le Jerusalem khua ah ama nasep ding teng a zawh khit ciangin Assiria kumpipa kiphasakin a kisialhna le a kiphatsakna hangin gim a pia ding hi.

Isaiah 10:17

Israel-teʼ khuavak pen mei suakin, Israel-teʼ Siangtho Pa pen meikuang suak ding hi. Ni khat sungin ama lingkungte le lingte kaangin beitum ding hi.

Isaiah 30:31

Amah in a ciangkhut tawh a sat ciangin, Assiria mite in Topa’ aw kihta mahmah ding uh hi.

Isaiah 31:8

“Assiria pen mihingʼ namsau ahi lo, namsau khat tawh puk dinga, mihingʼ namsau ahi lo, namsau khat in susia ding hi. Namsau panin tai ding uh a, a tangvalte uh zawhthawh thu tawh nasem dingin kikoih ding hi.

Isaiah 31:9

Amauʼ belh a kumpipa uh a launa hangin tai dinga, buaina hangin a uliante in a dialkhai uh taisan ding uh hi,” ama meikuang Zion ah a om, ama meikhuk Jerusalem khua ah a om Topa in ci hi.