Isaiah 27:3 - Tedim Bible Revision 2017

³ Keimah, Topa, tua lo a hong pa ka hi a, a hunhunin tui ka buak hi. Khatpeuh in a suksiat loh nadingin sun le zanin ka hong ding hi.

Tedim Bible

³ Keimah, Topa in tua lo hongpa ka hi a, a hun hunin tui ka buak hi. Khatpeuh in a suksiat loh nadingin sun leh zan-in ka hong a,

Isaiah 27:3 Referans Kwoze

Isaiah 58:11

Tua ciangin note lam kong lak tawntung dinga, na hoihte tawh kong lungkimsak ding hi. A cidam a thahatin kong omsak ding hi. Tui tampi a ngah tawntung huan, a kang ngei lo ciktui tawh na kibang ding uh hi.

1 SAMUEL MASA 2:9

“Amah in a thuman miteʼ kalsuanna limtakin cing a, ahih hangin migilote khua mialna sungah kikhia suk ding hi. Bang hang hiam cih leh thatang hatna tawh mi gualzo lo ding hi.

Ezekiel 34:11

“Topa Pasian keimah in note kiangah kong genin ah: Kei mahmah in ka tuute zongin ka kem ding hi.

Ezekiel 37:14

Note sungah keima nuntakna hu kong guan dinga, note hong hingkiksakin, na gam uh ah kong teengsakkik ding hi. Tua ciangin Topa ka hihna thu nong thei ding uh hi. Hih bangin kong hih nading thu ka kiciam zo a, ka kiciam bangin kong hih ding hi. Topa ahi keimah in hih thu ka gen khinzo hi, ci-in gen in,” hong ci hi.

Ezekiel 34:24

Topa ahi keimah, amauteʼ Pasian ka hi dinga, ka nasem pa David, amaute a ukpa hi ding hi. Topa ahi keimah in hih thu ka gen khin hi.

Isaiah 60:16

Nupi khat in a ta nawi pia-in limtakin a kep bangin, minamte le kumpite in nang hong vakin hong kem ding uh hi. Tua ciangin kei pen Topa, nangmah a hong Honpa, nangmah a hong Tan khia pa, Jakobʼ Vanglian Pa ka hihna na thei ding hi.

Isaiah 46:9

Hun lui thute phawk un; bang hang hiam cih leh kei pen Pasian ka hi a, a dang om lo hi. Kei pen Pasian ka hi a, kei tawh a kibang a dang om lo hi.

Isaiah 46:4

Na teek dongun kei pen Amah ka hi a, na sam uh a kanʼ hun dongin note kong kem ding hi. Ka hong bawl khin a, ka hong don ding hi. Keimah in hong tawi-in ka hong hon khia ding hi.

Isaiah 5:6

Lokhulin ka bawl ding hi. Kipuah loin, kikho lo dinga, tua lo sungah lingkung le lingte a khang ding hi. Ama tungah meiite in zong guah a zuksak loh nadingin thu ka pia ding hi.

Late 46:11

Vanglian Topa, eite tawh hong om khawm a, Jakobʼ Pasian, eima belh ahi hi.

Late 46:5

Ama laizang ah Pasian om a, amah a kiliing kei ding hi. Pasian in phalvak tungin amah huh ding hi.

Piancilna 6:17

Bang hang hiam cih leh, en in, leitungah a om nuntak husanna a nei khempeuh a susia dingin leitungah tuiciin ka tungsak ding hi. Leitung a a om khempeuh si ding hi.

Ezekiel 37:28

Amauteʼ lakah a om tawntung dingin ka biakinnpi ka koih ciangin, Topa ahi keimah in keima mi dingin Israel mite ka bawl khitna thu, minam dangte khempeuh in thei ding uh hi,” hong ci hi.

Piancilna 9:9

“En un, note le noteʼ khit a na suanlekhakte uh le,

Isaiah 31:5

A bu a hongin, a kot lamlam vasate bangin Vanglian Topa in Jerusalem dal ding hi. Amah in dalin khah khia dinga, amah susia loin suaktasak ding hi.

Isaiah 42:6

“Kei pen Topa ka hi a, thumanna tawh nangmah hong samin, ka khut tawh hong lenin nang ka hong kem hi. Mittawte a vaksak ding, leinuai thong sung panin thongkiate a la khia ding, thong sung a mialna munah a tu mite a la khia ding, mite tungah thuciamna ahi ding, minam dangte tungah khuavak ahi dingin nang ka hong koih khin hi.

Isaiah 49:8

Topa in ama mite kiangah, “Note hotkhiat ding hun a hong tun ciangin maipha kong pia dinga, huhna nong ngetna uh kong pia ding hi. Note hong kemin ka hong hu dinga, noteʼ tungtawnin mi khempeuh tawh thuciamna ka bawl ding hi. A kinusia na gam sung uh ah note kong teengsakkik ding hi.

1 KUMPI MASATE 8:59

Topaʼ mai ah ka thumna kammalte sun le zanin Topa i Pasian in hong za henla, nisimin a kisam bangin a nasem paʼ vai le ama mi Israel-teʼ vai hong huh tahen.

Isaiah 44:3

“Bang hang hiam cih leh a dangtak leitang tungah tui ka sung dinga, lei keu tungah luitui ka luangsak ding hi. Na suanlekhakte tungah ka kha ka sung dinga, na tu na tate tungah ka thupha ka pia ding hi.