Isaiah 26:7 - Tedim Bible Revision 2017

⁷ Midik paʼ lampi tamkim a, nangmah in midik paʼ lampi na neelsak hi.

Tedim Bible

⁷ Midikpa’ lampi tamkim a, nangmah in midikpa’ lampi na neel sak hi.

Isaiah 26:7 Referans Kwoze

Efesa 2:10

Eite a hong bawlpa pen Pasian hi a, Jesu Khris tawh i kipawl ciangin i nuntakna ah gamtat hoih a nei dingin a hong bawl ihi hi. Hih pen eiteʼ om zia dingin a na ngaihsut kholh sa ahi hi.

1 JOHAN MASA 3:7

Ka it tate aw, miteʼ khem sa-in ta kei un. Khris a thuman ahih mah bangin a manin a gamtate khempeuh a thuman ahi hi.

2 KORIN NIHNA 1:12

Koteʼ kisialh pih thu in: hih leitung a ka gamtatnate uh le a diakdiakin note tungah kong gamtatnate uh ah, mihingteʼ pilna a zang hi loin Pasian hehpihna vang tawh, Pasianʼ deihna bangin lungsim takpi tawh a gamta hi ung, ci-in ka kitheihna lungsim uh ahi hi.

Isaiah 42:16

“Amauʼ theih loh lampi ah mittawte ka paipih dinga, amauʼ theih ngei loh sul zuih pihin ka kha ding hi. Amauʼ mai ah khuamial pen khuavak suaksakin, a phokna munte a tamin ka bawl ding hi. Hihte pen keima hih ding nate hi a, tuate sem loin ka nusia kei ding hi.

1 JOHAN MASA 3:10

Hih pen Pasian tate le Dawimangpaʼ tate a kilamdanna ahi hi. A manin gamta loin, a Khristian mipihte a it lo mi peuhmah, Pasianʼ tate hi lo uh hi.

Paunak 20:7

Mi khat thumanin a hoihin a nuntak leh ama suanlekhakte mi hampha ahi uh hi.

Late 11:7

Bang hang hiam cih leh Topa dik mahmah a, dik gamtatna a deih hi. Thutang mi in ama mai a mu ding hi.

1 KORIN MASA 4:5

Tua ahih manin a hun a tun ma-in kuamah mawhsakin thu khen kei un. Topa hong pai ciangin a tawpna thukhenna hong om dinga, amah in thusimte hong pholakin, mihingte in a lungsim sung uh ah a ipcip uh thute hong telkheh ding hi. Tua ciangin mi khempeuh in amauʼ ngah dingin a kilawm phatna, Pasianʼ kiang panin a ngah ciat ding uh hi.

Isaiah 35:8

Tua lai ah lam lianpi khat om dinga, Lampi Siangtho kici ding hi. A siang lo mite in tua tung tawn ngei lo dinga, mihaite in tua lam a zui mite khialsak nawn lo ding hi.

Late 1:6

bang hang hiam cih leh Topa in midikte lamlakin hu tawntung a, migilote ahihleh sia maimang ding uh hi.

JOB (Job) 31:6

Pasian in tawikhaina man ah hong tawikhai hen; ka paubaan het lohna hong mu ding hi.

1 KHANG TANGTHU MASATE 29:17

Nangmah in lungsim en telin thumanna ah na lungkimna ka thei hi, ka Pasian aw. Lungsim thumanna le citna tawh hih nate khempeuh kong pia khin a, tu-in nang tungah citna le lungdamna tawh a hong pia, hih lai ah a om na mite ka mu zo hi.

Zefaniah 3:5

Ahi zongin tua khuapi sungah Topa omin, a thuman na bek sem a, a khialin gamta ngei lo hi. Zingsang simin mihingte tungah pelh ngei loin thutang lak hi. Ahi zongin tua lai-a mihing thuman lote, a sia-in gamta teitei uh a, maizumna mel theithei lo uh hi.

Late 11:4

Topa a biakinn siangtho sungah om a, Topaʼ tokhom vantungah om hi. Amah in mihingte hong en a, mihingteʼ gamtatna khempeuh a thei tel hi.

Late 25:4

Topa aw, na zia na tong a thei-in hong bawl inla, na lampite hong hilh in.

Late 25:5

Na thuman sungah kei hong paipih inla, lam hong hilh in. Bang hang hiam cih leh kei a hong hon Pasian na hi a, nang kong muang tawntung hi.

Late 27:11

Topa aw, na lampi hong hilh inla, ka galteʼ hangin lam phei ah kei hong kha in.

Paunak 4:18

Ahi zongin thuman miteʼ zuih lampi ahihleh sun dong a taang pha semsem zingsang khuavak tung tawh kibang hi.

Isaiah 52:12

Noteʼ mai ah Topa pai dinga, Israel Pasian pen noteʼ nungah hong cing pa hi ding ahih manin note galtai-in paikhia loin, a kinawh sa-in na paikhia kei ding uh hi.

Isaiah 57:2

Thutangin a gamta mite in a sihna uh ah nopna ngahin tawlnga uh hi.

Jeremiah 10:23

Topa aw, mihingʼ om dan ama uk theih ahih lohna ka thei ta a, ama kalsuan nading ama geel theih hi lo hi.

Hosea 14:9

Mipil, thu ngaihsun theite in hih thute thei telin limtakin ciamteh tahen. Topaʼ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.

Late 5:9

Bang hang hiam cih leh amau sungah thuman om lo hi. Amau lungsimah siatna bek ngaihsun uh a, amau gawlgui pen a kihong sa hankhuk tawh kibang hi. A kam uh tawh mawk phat uh hi.

Paunak 3:6

Na hihna khempeuh ah amah phawk in. Tua hileh lampi man amah in hong lak ding hi.

Paunak 11:5

Thumanna in midikteʼ nuntakna a nuam zaw-in piangsak a, migilote in amauʼ gitlohna mah puk lawh uh hi.

Paunak 21:8

Mimawhte thukawi-in gamta uh a, midikte a manin gamta uh hi.

Isaiah 30:18

Tua ahih ciangin note hong hehpih nuamin Topa in hong ngak a, note tungah hehpihna hong lah ding amah kipakta hi. Bang hang hiam cih leh Topa pen a thutang Pasian hi a, amah a muangte khempeuh thupha ngah ahi hi.