Isaiah 26:4 - Tedim Bible Revision 2017

⁴ Topa Pasian in eite khempeuh hong hu tawntung ahih manin Topa muang tawntung un.

Tedim Bible

⁴ Topa Pasian in tawntung Suangpi ahih manin, Topa muang tawntung un.

Isaiah 26:4 Referans Kwoze

Isaiah 12:2

En in, Pasian pen kei a hong hon khia pa ahi hi. Amah ka muang dinga, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong hon khia pa ahi hi,” a cih hun uh hong tung ding hi.

Late 62:8

Mite aw, amah muang tawntung unla, na lungkhamna teng uh ama tungah gen un. Pasian, eiteʼ bukna ahi hi.

Late 55:22

Topa tungah na van gik nga in, amah in hong huh ding hi. Amah in mi thumante kiliingsak ngei lo ding hi.

Filippi 4:13

Khris in a hong piak vangliatna tawh hihte khempeuh nawk zawh nading thahatna a nei ka hi hi.

Late 18:2

Topa pen keima suangpi, ka munkip muanhuai, kei a hong hon khia pa, ka Pasian, ka suangpi, ka belh pa, ka lum, ka kihotkhiatna ki, ka munkip ahi hi.

Late 62:11

Vangliatna pen keima aʼ hi, ci-in Pasian in a genna ka zak ngeingei sa ahi hi.

Late 46:1

Pasian, i belh leh i thahatna hi a, haksat hunin a hong huh pahpah pa ahi hi.

1 SAMUEL MASA 2:2

“Topa bangin a siangtho kuamah dang om lo a, amah sim loh kuamah dang om lo a, i Pasian tawh a kibang hong hu dang om lo hi.

Isaiah 50:10

Topa kihta a, a nasem paʼ thu a mangte khempeuh khuamial sungah na pai hangun Topa muang unla, Pasian suanin nei un.

Mattiu 6:13

Ze-etna lian hong thuaksak keʼn. Giloʼ kiang pan hong hon khia in,’ (Uk zawhna, vangliatna, minthanna, na nei tawntung hi. Amen.) ci-in na ngen ding uh hi.

Isaiah 45:24

Topa’ hang bekin gualzawhna le thahatna kingah hi, hong kici ding hi. Kei hong mudahte khempeuh mindai-in maizum ding uh hi.

Isaiah 32:2

Amaute pen huihpi panin belhna, guahpi panin bukna bang ding uh hi. Sehnel gam sungah a luang tui bang ding uh a, nisa gam sungah a om suangpi liim bang ding uh hi.

Late 125:1

Topa a muang mite pen liing het loin a om tawntung Zion Mual tawh kibang hi.

2 KHANG TANGTHU NIHNATE 20:20

Tua ciangin zingsangin amaute tho baihin Tekoa gamlak ah a paikhia uh hi. Amaute a paikhiat laitakin Jehoshafat dingin, “Judah gam le Jerusalem-a a teengte aw, ka thugen za un! Topa na Pasian uh um un; tua hileh note na kip ding uh hi. Ama kamsangte um un; tua hileh na maavang ding uh hi,” a ci hi.

Mattiu 28:18

Tua ciangin amaute mai ah Jesu hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.

Isaiah 63:1

Edom gam, Bozrah khua panin puan ausan silhin a hong pai, a puan silhna ah minthanna mel nei-in, ama thahatna tawh a hong pai pa kua ahi hiam? A hon khia zo dingin hatna a nei, gualzawhna thu a zasak dingin a hong pai pa pen Topa ahi keimah ka hi hi.

Isaiah 17:10

Nomau hong hon khia Pasian note in mangngilhin, nomauʼ belh Suangpi phawk lo na hih manun note in biakna huan bawlin kung hoihte suan a, kung namdangte tawh pehin,

JOB (Job) 9:19

Thatang hat thu ding hileh, amah hat mahmah a, thutang kituh hi leng, kua in thukhen zumah amah sam zo ding ahi hiam?

2 KHANG TANGTHU NIHNATE 32:8

Amah in mihing thahatna nei a, ahih hangin eite hong huhin i gal hong dosak dingin Topa i Pasian in eite hong ompih hi,” a ci hi. Tua ahih ciangin mite in Judah kumpipa Hezekiahʼ kammalte a muang uh hi.

Isaiah 45:17

Ahih hangin Topa in Israel-te hon khia hi. A tawntungin gualzo ding uh a, cikmah hunin maizumna thuak ngei lo ding uh hi,” a ci hi.

Late 93:1

Topa in uk a, vangliatna kumpi puan kisilhsak hi. Topa, kumpi puan kisilhsak a, thahatna tawh amah kidim hi. Leitung kikipsak a, kiliing ngei lo ding hi.

Late 66:7

Ama thahatna tawh a uk ngitnget pa, ama mit tawh minamte a encik ngitnget pa, mi lehdote in langpan kei uh hen.

Thu-hilhkikna 32:15

“Israel mite thau mahmah uh a, a lehdo thei mi suak uh hi. Note thau-in lianpi pha-in, na zol uh hi. Tua ciangin amaute a bawl Pasian amaute in nusia-in, amau a Hon khia pa thusim lo uh hi.

Thu-hilhkikna 32:4

“Eiteʼ belh Topa, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

Isaiah 30:29

Ahi zongin no Pasianʼ mite in ahihleh biakna pawi a kikham ni zan a bangin la na sa ding uh hi. Israel-te a hu Topa’ biakinn ah a pai dingin tamngai aw ginna zui-in a kuan khiate bangin na lungdam ding uh hi.

Isaiah 44:8

Lau kei unla, kihta kei un. Tanglai pek panin note kiangah hong genin hong pulak khin hi lo ka hi hiam? Note khempeuh keima teci na hi uh hi. Kei sim loh pasian dang om ahi hiam? Suangpi dang om lo hi. Khat beek ka thei kei hi,” a ci hi.

Isaiah 51:5

Manlangin hong pai-in amaute ka hon khia ding hi. Ka gualzawh ding hun hong nai ta hi. Keimah in minamte ka uk ding hi. Tuipi gei-a gamte in kei hong muang uh a, amaute in keima hotkhiat ding hong ngak uh hi.

Daniel 3:17

Mei phualpi sung panin a hong hon khia thei pasian a om leh ka biak Pasian uh hi dinga, na khut sung panin a hong hon khia ding hi.

Daniel 3:28

Tua ciangin kumpipa in, “Shadrak, Meshak le Abednego-teʼ Pasian phat un. Amah in a vantung mite sawl a, amah a muang ama nasem hih mite a hon khia hi. Amaute in ka thupiakna mang loin, amauʼ Pasian longal pasian dangʼ mai ah kun nuam lo, bia nuam lo uh ahih manin mei phualpi sungah khul ding a ut zaw uh ahi hi,” a ci hi.

Thu-hilhkikna 33:27

Tawntung Pasian pen nangma omna hi a, nangmah huh dingin tawntung khutte a om hi. Amah in na mai ah galte nawt khia-in, ‘Susia un,’ ci hi.

Late 62:9

Mihingte ahihleh husan bang bek hi a, a lian a neu kibang lel hi. Tawi a kikhai ciangin amaute in leek lo uh a, amaute a kigawmin husan sangin zang zaw hi.